Шам чырак. Архивдик сүрөт

Өзгөчө абал учурунда электр жарыгы, суу жана газ берүү үзгүлтүккө учурайбы

168
(жаңыланган 16:11 26.03.2020)
Бул кызматтар штаттык режимде көрсөтүлүп, калкты эч нерседен кем кылбайт. Ал эми коммуналдык кызмат акылары үчүн карыздар жана туум акчалар боюнча маселе каралып жатат.

БИШКЕК, 26-мар. — Sputnik. Өзгөчө абал учурунда электр жарыгы, ысык, муздак суу жана газ өчүрүлбөйт. Бул тууралуу брифинг учурунда вице-премьер-министр Эркин Асрандиев билдирди.

"Бул кызматтар штаттык режимде көрсөтүлүп, калк эч нерседен кем болбойт. Ал эми коммуналдык кызмат акылары үчүн карыздар жана туум акчалар боюнча маселе каралып жатат", — деди Асрандиев.

Өзгөчө абал

25-марттан тарта Бишкек, Ош, Жалал-Абад шаарларына, ошондой эле үч районго өзгөчө абал режими киргизилди. Бул режим 15-апрелге чейин күчүндө болот. Мурдагыдай күндүз баары каалаган жагына бара албайт, ары-бери жүрүүгө чектөө коюлду.

Ошондой эле өзгөчө абал киргизилген аймактарда коменданттык саат жарыялангандыктан, тургундар кечки саат 20:00дөн таңкы 7:00гө чейин эч кайда чыкпашы керек. Күндүз дагы жашоочуларга өтө зарыл болгон учурда гана сыртка чыгууга уруксат берилген.

168
Белгилер:
газ, электр жарыгы, өзгөчө абал, Бишкек, Кыргызстан
Тема:
Коронавируска байланыштуу Кыргызстандагы кырдаал (845)
Тема боюнча
Өкмөт өзгөчө абал учурунда кайсы мекемелер иштээрин айтты
Асрандиев: кызматкерлерин ташууга ар бир мекеме транспорт уюштурушу шарт
Бишкектин тосулган жолдору. Карантиндик зонанын картасы