Нарын шаарындагы милиция кызматкерлери. Архивдик сүрөт

Калп айтпагыла, посттогуларды кагып-силкпегиле! Нарын мэриясы элге кайрылды

374
(жаңыланган 14:27 27.03.2020)
Мэрия шаардын меймандары менен тургундары посттордон өтүп баратканда жолоочулап жүрүү себебин жашыргандыктан жаңы талаптарды киргизген.

БИШКЕК, 27-март. — Sputnik. Нарын шаарынын мэриясы элге кайрылып сабырдуу болууну, санитардык-карантиндик посттордо турган кызматкерлерге орой мамиле жасабоону суранды. Бул туурасында аталган муниципалитеттин Facebook тармагындагы баракчасында айтылган.

"Жаман айтпай, жакшы жок" демекчи, шаардын төрт аймагына коюлган санитардык-карантиндик посттордо турган кызматкерлердин айласын алты кетирип, ар кандай жалган сөздөрдү айтып, ал да болбосо кагып-силкип, жаман сөздөрдү айткан жарандарыбыз күн санап көбөйүүдө. Басымдуу көпчүлүгү жамандыкка же болбосо ооруканага бара жатабыз деп жалган айтышууда", — деп жазылган ал жерде.

Мэрия шаардын меймандары менен тургундары посттордон өтүп баратканда жолоочулап жүрүү себебин жашыргандыктан жаңы талаптарды киргизген.

Өткөрүү постторуна төмөнкүлөр берген өткөрүү баракчалары (пропуск) гана жарары кабарланды.

Эгер жамандыкка бара жатсаңыз, жашаган айыл өкмөттөн бара жатканыңыз "чындык" деген өткөрүү баракчасын алыңыз;

Кокус ооруканага бара жатсаңыз, айылдагы үй-бүлөлүк дарыгерлер тобунун жолдомо барагы керек;

Мэрия көп өлчөмдө азык-түлүк алып бара жаткан соодагерлер тоскоолдуксуз өтө аларын билдирди.

"Мындан башка ар бир айылдан азык-түлүк, жашылча-жемиш жана күнүмдүк керектүү каражаттарды алуу үчүн бирден гана машина өткөрүлөт", — деп айтылган маалыматта.

Мэрия элди эскертүүлөрдү туура кабыл алып, сабырдуулук жана ынтымак менен бул ооруну бирге жеңүүгө чакырган.

Дүйнөнү дүрбөлөңгө салган COVID-19 Кыргызстанда алгач ирет 2020-жылдын 18-мартында үч кишиден Сауд Аравиясына кичи ажылыкка барып келгендерден табылган. Учурда инфекцияны жуктуруп алгандардын саны өлкөдө 44 адамга жетти. Мындан улам Кыргызстандын үч шаары менен үч районуна өзгөчө абал киргизилип, андан башка аймактарда карантин жарыяланган.

Ушу тапта өлкө ичинде абал кандай болуп жатканын Sputnik жүргүзгөн тексттик баяндамадан билүүгө болот.

374
Белгилер:
азык-түлүк, кооптуулук, коронавирус, Нарын шаары, Нарын облусу, Кыргызстан
Тема боюнча
Оштун дарыгерлерин жумушка кичи автобустар ташууда. Сүрөт
Карантинге жаткырганга орун жок! Тажикстандын медиктери арыз-муңун айтып чыкты
Кордайга Кыргызстандан барган кыздан коронавирус аныкталды
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

222
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

222
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Тоодогу жамгыр. Архивдик сүрөт

Жекшембиге карата аба ырайы

43
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

43
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты