Ата-энеңерди үйдө жалгыз калтырбагыла! Бишкек комендантынын кайрылуусу

Жазылуу
Кыргызстанда азыркы тапта 58 адамдын коронавирус жуктурганы анык. Комендант түн кандай өткөнү тууралуу маалымат берип, өзүнүн сунуштарын дагы берди.

БИШКЕК, 29-мар. — Sputnik. Бишкек шаарынын коменданты Алмазбек Орозалиев элге кайрылуу жасап, ата-энелерди үйдө жалгыз калтырбоого чакырды.

Комендант бүгүн эртең менен түндө коменданттык сааттын кандай өткөнү тууралуу маалымат берип, өзүнүн сунуштарын дагы айтып өттү.

“Ата-энесинин ден соолугуна кам көрүп жаткандарга кайрылып кетер элем, бүгүнкү күндө ата-энеңерди жалгыз калтырууга болбойт деп эсептейм. Алардын жанында балдары болушу керек. Себеби коронавирус инфекциясы биринчи кезекте улгайган адамдарга жетет”, — деп кайрылды комендант.

ФСБ задержала гражданина Украины Романа Сущенко по подозрению в шпионаже - Sputnik Кыргызстан
Түндө коменданттык саат учурунда 119 адам кармалды, анын 15и аял
Кыргызстанда азыркы тапта 58 адамдын коронавирус жуктурганы аныкталды. Алардын басымдуу бөлүгү Сауд Аравияга кичи ажылыкка барып келген улуу муундагы адамдар.

Бишкек, Ош, Жалал-Абад жана Сузак, Кара-Суу, Ноокат райондоруна өзгөчө абал киргизилип, кечки саат 20:00дөн кийин көчөгө чыгууга тыюу салынган. Мындай режим 15-апрелге чейин уланат.

Ушу тапта өлкө ичинде абал кандай болуп жатканын Sputnik жүргүзгөн тексттик баяндамадан билүүгө болот.

Жаңылыктар түрмөгү
0