Ош менен Жалал-Абадга борбор калаадан дагы 14 дарыгер жөнөтүлөт

© Sputnik / Кирилл Каллиников / Медиабанкка өтүүМедициналык лабораториянын кызматкери ишке даярданым жатат. Архив
Медициналык лабораториянын кызматкери ишке даярданым жатат. Архив - Sputnik Кыргызстан
Жазылуу
Коронавирус жуктургандар башка аймактарга салыштырмалуу Ош жана Жалал-Абад облустарында көп катталууда.

БИШКЕК, 29-мар. — Sputnik. Коронавирус жуктургандардын саны өсүп жаткан аймактарга Бишкектен дарыгерлердин тобу жөнөтүлөт. Бул туурасында Саламаттык сактоо министрлигинин штаб башчысынын орун басары Касымбек Мамбетов брифинг учурунда билдирди.

Белгилей кетсек, COVID-19 инфекциясына кабылгандардын басымдуу бөлүгү Ош жана Жалал-Абад облустарында болууда.

"Биз эртеңден тарта аймактарга пульмонолог, жугуштуу оорулар адиси жана реаниматологдордон турган 14 адисти жиберебиз. Учурда түштүк региондордо кырдаал оор болуп жатат. Мындан улам ошол жакка жөнөтөлү деп турабыз. Ортодо суроолор пайда болуп жатат, айтарым, бизде бардык адистер даяр. 42 пульмонолог, жугуштуу оорулар боюнча 267 адис жана 644 реаниматолог бар. Андан тышкары, башка профилдеги адистерди окутуп жатабыз. Аларды резерв катары кармап турабыз. Бул эл аралык практикада дагы колдонулат", — деди Мамбетов.

Ооруканадагы бейтаптар. Архив - Sputnik Кыргызстан
Ноокат менен Сузакта вирус жуктурган 3 адам оор абалда реанимацияга түштү
Ошондой эле ал учурда обсервацияда 4886, үй карантининде 3338 адам жатканын кошумчалады.

Бүгүн Кыргызстанда дагы 26 адам COVID-19 инфекциясын жуктурганы аныкталды. Ушуну менен өлкөдө коронавируска кабылгандардын саны 84кө жетти. Алардын басымдуу бөлүгү Ош жана Жалал-Абад облустарында.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна өзгөчө абал киргизилип, кечки саат 20:00дөн кийин көчөгө чыгууга тыюу салынган. Мындай режим 15-апрелге чейин уланат.

Ушу тапта өлкө ичинде абал кандай болуп жатканын Sputnik жүргүзгөн тексттик баяндамадан билүүгө болот.

Жаңылыктар түрмөгү
0