Медициналык кызматкер дезинфекциялоо учурунда

Бишкекте соцкызматкерлер карыларга тамак жеткирип, үйлөрүн дезинфекциялоодо

(жаңыланган 14:32 30.03.2020)
Жардамга муктаждарга көмөк көрсөтүүнү каалагандар болсо, райондук социалдык өнүктүрүү башкармалыктарына кайрылса болот.

БИШКЕК, 30-мар. — Sputnik. Бишкекте соцкызматкерлер жалгыз калган карыларга, ден соолугунан мүмкүнчүлүгү чектелгендерге жардам берүүдө. Бул тууралуу мэриянын маалымат кызматы кабарлады.

Билдирмеге ылайык, калаада жалпы 84 соцкызматкер бар. Азыркы тапта алардын баары иштеп жатат.

"Соцкызматкерлер 146 шаар тургунуна үйүнөн жардам көрсөтүүдө. Алар жалгыз жашаган карылардын, майыптыгы барлардын үйүнө күнүнө эки жолу ысык тамак алып барып, жашаган жерин дезинфекциялап кетип жатат. Карылар үйү, балдар үйү жана башка соцмекемелердин баары карантинге жабык", — деп айтылат маалыматта.

Жардамга муктаждарга көмөк көрсөтүүнү каалагандар болсо, райондук социалдык өнүктүрүү башкармалыктарына кайрылса болот.

  • Арсен Абдылдаев, Биринчи Май району — 0700 476546;
  • Жамиляхан Жунусалиева, Свердлов району — 0704 570513;
  • Рейна Султанмуратова, Октябрь району — 0772 670917;
  • Бүбүажар Мамбетсеитова, Ленин району — 0709 997441.
Белгилер:
майып, карыя, социалдык кызматкер, мэрия, Бишкек
Тема:
Коронавируска байланыштуу Кыргызстандагы кырдаал (2660)
Тема боюнча
COVID-19 карылар эле эмес, бардык курактагылар үчүн кооптуу. Жаңы маалымат
500 миң рубль айып салынат! РФ карантин эрежесин бузгандарды жазаламай болду
COVID-19 жайылган түштүк регионго Бишкектен дарыгерлер тобу жөнөп кетти. Видео
Душ кабинасы. Архив

Бишкектеги турак жайлардын көпчүлүгүндө 4 күн бою ысык суу болбойт

(жаңыланган 14:54 19.04.2021)
Маалыматка караганда, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

БИШКЕК, 19-апр. — Sputnik. Бишкектин жеке секторлорунда 21-24-апрель аралыгында ысык суу өчүрүлөт. Кеп "Бишкек жылуулук тармагына" кошулган үйлөр жөнүндө болуп жатканын муниципалитеттин маалымат кызматынан билдиришти.

Ага ылайык, жылуулук тармактарына капиталдык оңдоо иштерин жүргүзүү үчүн даярдык иштери аткарылат.

"Ысык суу жеке секторлордо гана өчүрүлөт. Көп кабаттуу үйлөргө тиешеси жок", — дешти ишканадан.

Ысык сууга жеке сектордогу көптөгөн турак үйлөр кошулганы белгиленип, алардын бардыгында тең суу өчүрүлөрү эскертилди.

Белгилер:
ысык суу, үй, Бишкек
Тема боюнча
Эртең Бишкектин кээ бир жерлеринде муздак суу өчөт. Тизме
Жаан-чачындуу болот. Келерки аптанын аба ырайы
Бишкекте Абхазиядан алып келинген автоунаалардын ээлери нааразычылык акциясына чыгышты

Бишкектин борбордук аянтында кайрадан митинг өтүүдө. Видео

(жаңыланган 14:33 19.04.2021)
Өкмөт үйүнүн жанында 100дөй киши чогулган. Алар Кыргызстанга Абхазия өлкөсүнөн келген унааларды мыйзамдаштырууну талап кылышууда.

БИШКЕК, 19-апр. — Sputnik. Бишкекте Абхазиядан алып келинген автоунаалардын ээлери нааразычылык акциясына чыгышты. Бул тууралуу Sputnik Кыргызстан агенттигинин кабарчысы жеринен билдирди.

Өкмөт үйүнүн жанында 100дөй киши чогулган. Алар адегенде бир убакта сигнал басып, Садыр Жапаровдун жолугушууга чыгышын талап кылышкан. Милиция ызы-чуу чыгарууга жол берилбей турганын айткандан кийин чогулгандар Өкмөт үйүнүн парад өтүүчү жагына барышкан.

Нааразычылыкка чыккандар Кыргызстанга ташылып келинген абхазиялык номер тагылган автоунааларды мыйзамдаштырып берүүнү талап кылышты. Алардын алдына өкмөттүн өкүлү чыгып, көйгөйдү чечүүнүн жолдорун талкуулашты.

Абхазиядан алынган унааларга байланыштуу чуу

Кыргызстанда Абхазиядан алынган унааларды аныктоо боюнча рейд жүрүүдө. Себеби мындай унаалар ЕАЭБдин бажы мыйзамдарын бузуу менен алып келинген. Болжол менен онго жакын машина айып короого токтотулган.
Мындан улам Ала-Тоо аянтында жана өкмөт үйүнүн алдында Абхазиянын номери тагылган унаалардын ээлери митингге чыгышты. Алар Республикага буга чейин кирип кеткен автолорду мыйзамдаштырып берүүнү талап кылышууда. Айдоочулар буга чейин эскертүү берилбегенин билдирип, нааразы болушту. Митингчилер унааларын насыяга алгандар бар экенин, айрымдары такси айдап үй-бүлөсүн багарын айтышты.

Өткөн аптада Экономика жана финансы министрлиги абхазиялык номер тагылган унааларды мамлекет алып коюшу мүмкүн экенин эскерткен

Белгилер:
талап, унаа, номер, Абхазия, митинг
Тема боюнча
Министрлик: Абхазиянын номери тагылган унааларды мамлекет алып коюшу мүмкүн