Бишкектеги оорукананын коридорунда бара жаткан дарыгерлер

Өзгөчө абалга карабай иштей берчү ишканалар. Жаңы тизме

3539
(жаңыланган 12:16 31.03.2020)
Кыргызстанга тараган COVID-19 вирусунан улам Бишкек, Ош, Жалал-Абад шаарларында жана Сузак, Ноокат, Кара-Суу райондорунда өзгөчө абал жарыяланган.

БИШКЕК, 31-мар. — Sputnik. Өлкөнүн өзгөчө абал киргизилген айрым аймактарында кандай ишканаларга ишин уланта берүүгө уруксат берилгенин Республикалык штабдан билдиришти.

Тизмеде адам баласынын күнүмдүк турмушуна өтө зарыл тамак-аш, буюм-тайым чыгарган жана кызмат көрсөткөн мекемелер көрсөтүлгөн.

Мындан тышкары, буга чейин шаарга кирип-чыгууга уруксат кагаздары берилген кызматтардын жумушчулары мындан ары үйүнөн иштөөсү керектиги айтылат.

1. Саламаттык сактоо системасы:

  • ооруканалар;
  • лабораториялык кызматтар;
  • үйгө барып медициналык кызмат көрсөткөн мекемелер;
  • жеке менчик медициналык мекемелер;
  • ветеринардык тез жардам кызматы;
  • медициналык товарлардын дистрибьюторлору.

2. Шаар инфраструктурасы жана коммуналдык кызматтар:

  • электроэнергиялык компаниялар;
  • суу менен камсыз кылуу;
  • электриктер жана сантехниктердин кызматы;
  • өрт өчүрүү кызматы;
  • көчөлөрдү жана имараттарды тазалоо кызматы;
  • калдыктарды жана таштандыларды чогултуу, кайра иштетүү жана жок кылуу;
  • дезинфекция;
  • телекоммуникациялар (карантин мезгилинде абоненттик бөлүмдөрдүн 50% жабылсын, сайтка иштеген бөлүмдөрдүн тизмеси чыгарылсын, иштөө убактысын 10:00дөн 16:00гө чейин чектелсин, техникалык колдоо кызматкерлеринин жүрүүсүнө уруксат берилет);
  • аэропорттор;
  • темир жол бекеттери;
  • почталык, курьердик жана жүк ташуу кызматтары;
  • социалдык камсыздоо.

3. Кайра иштетүү өнөр жайы жана айыл чарбасы:

  • тамак-аш өнөр жайы;
  • айыл чарбасы;
  • биринчи керектүү товарларды өндүрүү;
  • химиялык реагенттерди чыгаруу;
  • дары-дармек препараттары;
  • медициналык жабдуулар жана аспаптарды чыгаруу;
  • үйгө керектелчү кагаз буюмдары;
  • жеӊил өнөр жайы (ден соолук жана гигиена товарлары);

4. Чекене соода-сатык, тамактануу жана курулуш кызматтары:

  • азык-түлүк дүкөндөрү;
  • дарыканалар;
  • май куюучу жайлар;
  • ресторандар, барлар, кафе, ашканалар үйгө жеткирип берүү кызматын көрсөтөт;

5. Башка маанилүү кызматтар:

  • азык-түлүктөр, дары-дармектер жана медициналык препараттарды жеткирүү кызматына саат 7:00дөн 20:00гө  чейин иштөөгө уруксат берилет;
  • азык-түлүктөрдү, дары-дармектерди жана медициналык каражат таратуучу кампалар;
  • банк кызматтары (иштөө убактысы 9:00дөн 18:00гө чейин чектелди, шаар ичинде инкассаторлорго, байланыш борборлорунун кызматкерлерине, техникалык колдоо, кассир, телекоммуникация жабдуулары жүктөлгөн унааларга жүрүүгө уруксат берилет);
  • мейманканалар, хостелдер (персоналды казармалык, вахталык иш тартибине жана обсервацияга алынган жактар үчүн гана). Бирок мейманканалардын, хостелдердин ичиндеги ишканалар өзүнүн ишмердүүлүгүн токтотушу керек;
  • жатаканалар (персоналды казармалык, вахталык иш тартибине жана обсервацияга алынган жактар үчүн гана);
  • карылар үйлөрү;
  • балдар үйлөрү;
  • үйү жоктор үчүн баш калкалоо жайлары;
  • жаныбарлар үчүн баш калкалоо жайлары;
  • ритуалдык жана мүрзө кызматы агенттиги.
  • Ошондой эле бардык автоунааларда коргонуу каражаттары болушу керектиги айтылат.

Кыргызстанга тараган COVID-19 вирусунан улам Бишкек, Ош, Жалал-Абад шаарларында жана Сузак, Ноокат, Кара-Суу райондорунда өзгөчө абал жарыяланган. Мындан улам коменданттык саат киргизилип, кечки 8ден таңкы 7ге чейин сыртка чыгууга тыюу салынды. Мындай режим 15-апрелге чейин созулары белгиленип, эгер кырдаал начарлай берсе, ӨА тартиби уланары айтылган.

3539
Белгилер:
график, ишкана, өзгөчө абал, Бишкек, Кыргызстан
Тема:
Кыргызстандагы коронавирус жуктуруп алгандар (1455)
Тема боюнча
"Карантинди бузгандар түрмөгө түшөт" – чынбы же жалган маалыматпы?
Өкмөт ишкерликти кантип колдой турганын айтты. Иш-чаралардын тизмеси
Ош мэриясы маянасы аз медайымдарга акысыз ун берет
Дарыгер-офтальмолог Өмүрбек Жолдошев. Архив

Жолдошев: көз гимнастикасын жасап, көрүүнү жакшыртууга болбойт

3
(жаңыланган 15:09 02.12.2020)
Дарыгер-офтальмолог Өмүрбек Жолдошев көз булчуңдарынын гимнастикасын жасоо менен көрүүнү жакшыртууга болбой турганын айтты.
Жолдошев: көз гимнастикасын жасап, көрүүнү жакшыртууга болбойт

Азыркы заманда көпчүлүк компьютер менен иштеп, гаджет, телефон тиктеп калышты. Андыктан бир саат сайын 10 мүнөткө стулдан туруп, алысты карап көздү эс алдырып турган оң. Ошол эле маалда көздүн көнүгүүлөрүн жасап туруу абдан пайдалуу. Бул тууралуу Өмүрбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, компьютер, телефондун жарыгын, экрандын өңүн көздү чарчатпай тургандай кылып аярлап алуу керек.

"Көз ооруларынын ичинен эң көп кездешкени катаракта же көз чечекейинин тунарышы. Бул оору тубаса жана кийин пайда болушу мүмкүн. 65-70 жаштагы кишилердин көбү эле бул илдетке кабылат. Андан тышкары, биздин өлкөдө глаукома — көздүн ички басымынын жогорулашы жана көрүүнүн начарлашы менен мүнөздөлгөн оору менен жабыркаган адамдар өтө эле көп. Ошону менен бирге макулодистрофия — көз торчосу бузулуп, борбордук көрүүнүн начарлашы менен жабыркап келишет. Ал эми көрүүсү начарлап бараткан адамга дарыгер көз айнек тагын десе сөзсүз аны аткарышы керек. Ал эч качан көрүүнү начарлатпайт. Мен бейтаптарыма дайыма көз айнекти угуу аппаратына салыштырып айтып келем. Ал жөн гана көрүүнү жакшыртуучу аспап. Көрүү начарлаганда көз айнек тагынбаса, көздүн булчуңдары чыңалып, мына ошондо көрүү бузулушу мүмкүн", — деди Жолдошев.

Дарыгер көздү нымдандыруучу тамчылатмалардын зыяны жоктугун жана көздүн көрүүсү жакшы болсо витаминдердин кереги жоктугун, туура тамактануу эле жетиштүү экенин кошумчалады.

3
Белгилер:
оору, көз
Тема боюнча
Жолдошев: коронавирус көз аркылуу жугат деген божомолдор бар
Кыргызстандын мурдагы президенти Алмазбек Атамбаев. Архив

Атамбаев ооруп калып бүгүнкү сот отуруму болбой калды

17
(жаңыланган 15:04 02.12.2020)
Бүгүн Биринчи май райондук сотунда Кой-Таш окуясы боюнча мурдагы президенттин иши каралмак. Бирок өзү келбей койду.

БИШКЕК, 2-дек. — Sputnik. Мурдагы президент Алмазбек Атамбаевдин саламаттыгы начарлаганына байланыштуу сотко келген жок.

Бүгүн Биринчи май райондук сотунда Кой-Таш окуясы боюнча Атамабевдин иши каралмак. Сот залына Фарид Ниязов менен Канат Сагынбаев гана алып келинди. Ал эми Алмазбек Атамбаевдин сот отурумун бир жумага жылдырууну өтүнгөн арызы судьяга берилди.

Анда Алмазбек Атамбаев саламаттыгы начарлаганын айтып, сотко келе албай турганын билдирген. Арызга медициналык маалым кат тиркелген. Ал кагазда Атамбаевдин башы айланып, ооруп, жөтөлүп, алсырап жана бели да ооруп жатканы жазылганын судья окуду.

Мурдагы президент жана башка айыпкерлер келбегенине байланыштуу сот отуруму 9-декбарь саат 14:00гө жылдырылды.

17
Белгилер:
Кой-Таш, сот, Алмазбек Атамбаев
Тема:
Алмазбек Атамбаевдин кармалышы
Тема боюнча
Жогорку сот Атамбаев кандай шартта абактан бошотуларын маалымдады
Жактоочу: Алмазбек Атамбаев жакында эркиндикке чыгышы мүмкүн