Дарыгер коронавируска проба алып жатат

Кыргызстанда дагы 13 адам коронавирус жуктуруп алды. Арасында көлдүктөр бар

13944
(жаңыланган 13:12 31.03.2020)
Учурда жаңы жуктургандар менен байланышта болгон адамдар аныкталууда. Өлкөдө коронавирус жуктургандардын саны 107ге жетти.

БИШКЕК, 31-мар. — Sputnik. Кыргызстанда дагы 13 адам коронавирус жуктуруп алды. Бул тууралуу Саламаттык сактоо министрлигинин алдында түзүлгөн штаб жетекчисинин орун басары Касымбек Мамбетов билдирди.

Маалыматка караганда, коронавирус жаңы аныкталгандардын арасында Ысык-Көл облусунун эки тургуну дагы бар. 

"Коронавирус аныкталгандардын арасында Бишкек шаарында бирөө, Нарында үчөө, Ысык-Көлдө экөө, Чүйдө бирөө, Ош облусунда беш адам, Жалал-Абад облусунда бир адам бар", — деди Мамбетов.

Бардыгы болуп республика боюнча 107 тастыкталган учур болду. Коронавирус аныкталган бейтаптардын 58и аял, 49у эркек, алардын ичинен 15 бала, ошондой эле бир жашка чейинки эки наристе жана 31 улгайган адам бар экени айтылды.

Учурда алар менен байланышта болгон адамдар аныкталууда.

13944
Белгилер:
аймак, коронавирус, Кыргызстан
Тема:
Коронавируска байланыштуу Кыргызстандагы кырдаал (1438)
Тема боюнча
Боронов: COVID-19 табылган нарындык киши үй карантинин сактабаган болсо чара көрүлөт
Жүрөгүм айланып, аба жетпей... COVID-19 жуктурган кыз оорунун азабы тууралуу
Аллергиясы барларга коронавирус канчалык кооптуу?
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

97
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

97
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

94
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

94
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды