Министр образования и науки КР Каныбек Исаков во время обращения к родителям школьников

Чын жүрөктөн ой бөлүшкүм келди. Билим берүү министри ата-энелерге кат жолдоду

997
(жаңыланган 17:44 02.04.2020)
Кыргызстандагы мектептер менен жогорку окуу жайлар 16-марттан тарта үч жумага карантинге жабылган. Учурда окуучулар менен студенттер жакындарынын жанында.

БИШКЕК, 2-апр. – Sputnik. Билим берүү жана илим министри Каныбек Исаков коронавирус пандемиясынын кесепетинен кыргызстандыктар үйдө отуруп калгандыгына байланыштуу ата-энелерге кат жолдоду.

Төмөндө министрдин кайрылуусун өзгөртпөй беребиз.

“Ушул күндөрү мугалим катары окуучуларыбыздын ата-энелери менен чын жүрөгүмдөн ой бөлүшкүм келди. Бүгүн баарыңыздар кырдаалга жараша үй-бүлөнүн кучагында балдар-кыздарыңыздардын, неберелериңиздердин маңдайында олтурасыздар.

Жакшы жагынан алып караганда, ата-эне катарында балдарга таалим-тарбия бере турган, кеп-кеңеш айтканга, руханий жактан дем, күч, ишеним бергенге чоң мүмкүнчүлүк болуп турат. Ушул күндөрү балдар-кыздарыңыздар менен чын дилден сырдашып, алардын ой тилектери, классташ, курбу-курдаштары, мугалимдери, келечек максаттары жөнүндө пикир алышып, өзүңүздүн турмуштук тажрыйбаңыз менен бөлүшүп жол көрсөтө турган шарт болуп жатат.

Балдарыбыз менен биргеликте китеп окуп, жан дүйнөсүн байытып, акыл-эсти өнүктүрүүчү интеллектуалдык жана улуттук оюндарды бирге ойноп, аларга ата-энелик жылуулукту, мээримди, сүйүүнү берип, ар тараптуу камкордукка алалы. Элге, журтка керектүү жакшы инсан болуп калыптануусуна, ыймандуу, боорукер, билимдүү болуп жетилүүсүнө биргелешип аракеттенели.

Ар бир бала үчүн ата-эне ыйык. Балдар ата-энесин карап өсөт жана түздөнөт. Балага ата-энеден өткөн тарбиячы, руханий ориентир жана бекем таяныч жок. Андыктан ушул күндөрү уул-кыздарыбыздын жанында болуп, билим алуусуна, сабак окуусуна бирге аралашып, кеңешибизди берели.

Мурда кеч иштен чарчап келип, таң эрте ишке кетип, балдарыңызга көңүл бөлүүгө убактыңыз тар болсо, азыр ар бир балаңыздын жүрөгүн тыңшап, аларга жагымдуу жана унутулгус күндөрдү тартуулоо мүмкүнчүлүгүңүздөр бар.

Балдарыңыздын убактысын туура пландаштырып, өз убагында министрлик тарабынан даярдалган телесабактарды көрүүсүнө, билим берүү порталдарынан, ресурстарынан пайдалануусуна, мугалимдер менен онлайн сабактарды өтүүсүнө, үйдө жеке гигиеналык талаптарды сактоосуна, коопсуз жашоосуна шарт түзүп бериңиз.

Акыл-эске таянып, сабырдуулук менен ар бирибиз ички руханий күч топтоп, бири-бирибизге дем берсек, бул күндөрдүн да арты кайтарымдуу болот.

Дүйнөдө адам капиталынан өткөн байлык жок. Балдарыбыздын келечегине чогуу салым кошуп, көңүлдөрүн көтөрүп туралы.

Куттуу үйүңүздөрдө дайыма балдардын бактылуу күлкүсү жаңыра берсин”.

997
Белгилер:
кат, ата-эне, мектеп, окуучу, Каныбек Исаков, Билим берүү министрлиги, Кыргызстан
Тема боюнча
Министрлик: дипломдук ишти онлайн-режимде жактоого болот
Бишкек шаары. Архив

Бишкекте жакынкы мүнөттөрдө катуу шамал болот. Сак болуңуз!

24
(жаңыланган 11:06 22.10.2020)
Мэрия автоунааларды дарактардын жана жеңил конструкция менен курулган объектилердин жанына токтотпоого чакырат.

БИШКЕК, 22-окт. — Sputnik. Бишкек шаарынын мэриясы жакынкы мүнөттөрдө калаада катуу шамал боло турганын эскертти.

Маалыматка ылыйык, бир сааттан кийин жана күн бою батыштан соккон шамалдын ылдамдыгы секундасына 15-20 метрге чейин жетет.

Мындан улам мэрия автоунааларды дарактардын жана жеңил конструкция менен курулган объектилердин жанына токтотпоого чакырат.

Адаттагыдан суук болот. Ноябрга карата аба ырайы

Ал эми кулап калган дарактарды көргөндөр болсо "Бишкек жашыл чарба" ишканасына 0770 830006 телефон номери аркылуу кабарлап коюуну өтүнөт.

24
Белгилер:
дарактар, шамал, Бишкек, мэрия
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов

Мамытов: сомду санариптештирүү аркылуу кризистен чыксак болот

7
(жаңыланган 11:06 22.10.2020)
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов сомду санариптештирүү долбоору иштелип жаткандыгын билдирди.

Кыргызстан инвесторлорго таянып отура бербей, сомду санариптештирүү менен экономикалык көз карандысыздыкка жетишсе болот. Мындай пикирин Улукман Мамытов Sputnik Кыргызстан радиосунун эфиринде маек куруп жатып маалымдады.

Мамытов: сомду санариптештирүү аркылуу кризистен чыксак болот

Анын айтымында, учурда сомду санариптештирүү боюнча долбоор иштелип жатат.

Абдыров: акыркы саясий окуялар экономикага терс таасирин тийгизет

"Экономика министрлигинин алдында Экономикалык саясатты изилдөө институту бар. Бул мекеме тарабынан сомду санариптештирүү долбоору сунушталууда. Максаты — тышкы карыздан кутулуу үчүн электрондук сомду ички рынокто колдонуу. Бирок азыр актуалдуу болуп жаткан маселелердин дагы бири  —  бизде эле эмес, жалпы дүйнө жүзүндө күтүлүп жаткан кризис. Андан чыгуу үчүн да өлкө бюджетин толуктоо зарылчылыгы турат. Андыктан дайыма эле инвесторлордон көз каранды болуп отура бербешибиз керек. Абалдан сомду санариптештирүү менен чыксак болот. Мындай ыкманы учурда Италия колдонууда. Алар дал өздөрүнүн акчасындай болгон эле электрондук баалуу кагаздарды чыгарышкан. Ушул эле ыкманы Кытай жана Россия колдонууну пландап жатканын билдиришти. Кыргызстан дагы бул долбоорду ишке ашыруу менен кризистен чыкса болот", — деди Мамытов.

Ал сомду электрондоштуруу долбоору алгач сынамык иретинде ишке киргизилерин кошумчалады.

7
Белгилер:
кризис, долбоорлор, санарип, сом
Тема боюнча
Шаршеев: ишкерлик боюнча да жаңы көз караштар жаралууда
Грузиянын Зугдиди шаарындагы банкты тоноого кирип, андагы 50гө чукул адамды бир күн бою барымтага алган киши

Грузияда банкты тоногон киши полициянын автосун айдап качып кетти. Видео

0
(жаңыланган 11:36 22.10.2020)
Окуя кечээ, 21-октябрь күнү, болгон. Банкты тоноого келген киши 50гө чукул кишини барымтага алып, бийликтен 500 миң доллар жана коопсуздук кепилдигин талап кылган.

БИШКЕК, 22-окт. — Sputnik. Грузиянын Зугдиди шаарындагы банкты тоноого кирип, андагы 50гө чукул адамды бир күн бою барымтада кармап отурган киши полициянын автоунаасын айдап качып кетти. Бул тууралуу Sputnik Грузия агенттиги жазды.

21-октябрь күнү курал жана граната көтөргөн киши ири банктардын биринин филиалына кирген. Ал 50гө чукул кишини барымтага алып, бийликтен 500 миң доллар жана коопсуздук кепилдигин талап кылган. Полиция аны менен күн бою сүйлөшүүлөрдү жүргүзгөн.

Жыйынтыгында тоноочу барымтадагыларды полиция департаментинин жетекчиси Автандил Галдавага алмашууга макул болуп, 43 кишини чыгарып берген.

Бирок түн ичинде ал Галдава жана башка туткундагы үч киши менен сыртка чыгып, полициянын машинасын айдай качкан. Учурда аны издөө иштери жүрүп жатат. Жергиликтүү ЖМКлар анын колундагы баштыкта талап кылган акча бар экенин жазууда. Бирок ал тууралуу расмий айтыла элек.

0
Белгилер:
тоноо, уурулук, полиция, барымта, банк, Грузия
Тема боюнча
Кыргызстанда чаламандын чак түшүндө тонолгон банк. Окуянын видеосу