Гречка чыгарган заводдун ишкери жумуш учурда. Архив

ЕАЭБ өлкөлөрүнө азык-түлүктүн айрым түрлөрүн салыгы жок киргизүүгө уруксат берилди

249
(жаңыланган 21:36 03.04.2020)
Эми картошка, пияз, сарымсак, капуста, сабиз, калемпир, кара буудай, гречка акшагы, шире жана балдардын даяр тамактарына салык алынбайт.

БИШКЕК, 3-апр. — Sputnik. Евразия экономикалык комиссиясы 1-апрелден 30-июнга чейин ЕАЭБге мүчө өлкөлөргө азык-түлүктүн айрым түрлөрүн жана медициналык каражат, дары-дармектерди салыгы жок алып кирүүгө уруксат берди. Бул тууралуу комиссиянын маалымат кызматы билдирди.

Ага ылайык, мындай чечим коронавирус пандемиясынан улам кабыл алынган.

"COVID-19 инфекциясынын жайылуусунан улам ЕАЭБ өлкөлөрүндө экономикалык көйгөй, товар тартыштыгы жаралбаш үчүн ЕЭК 3-апрелде бир катар товарлардын тизмесин тактаган. 1-апрелден 30-июнга чейин ал товарларды ЕАЭБ өлкөлөрүнө алып кирүүдө кошумча салык алынбайт", — деп жазылат маалыматта.

Салык алынбай турган айыл чарба товарлары жана тамак-аштын катарында картошка, пияз, сарымсак, капуста, сабиз, калемпир, кара буудай, гречка акшагы, шире жана балдардын даяр тамактары бар.

Салыктан бошотулган медициналык каражаттарга эндоскоп, дене тапты алыстан текшерген термометр, бир жолу колдонгон пипетка, дезинфекциялаган жабдуу кирди. Мындан сырткары, дары өндүрүүгө керектелчү товар жана медициналык каражаттардын тизмеси да кеңейтилген.

ЕЭК "А" формасындагы сертификаттарды колдонууга да убактылуу жеңилдиктерди берүү чечимин кабыл алган. Мындай жеңилдик сертификаттардын электрондук же кагаз түрүндөгү көчүрмөсүн эле колдонууга жакшы мүмкүнчүлүк түзүп берери айтылды.

Буга чейин ЕЭК азык-түлүктүн бир нече түрүн ЕАЭБге мүчө мамлекеттерден сырткары башка өлкөлөргө чыгарууга убактылуу тыюу салуу боюнча чечим кабыл алган.

249
Белгилер:
импорт, азык-түлүк, чечим, ЕЭК, Евразиялык экономикалык биримдик
Тема:
Кыргызстандагы коронавирус жуктуруп алгандар (1072)
Тема боюнча
Кыргызстанда коронавирустан улам азык-түлүктүн баасы өзгөрдүбү? Инфографика
Өзгөчө абал: Бишкектеги банктардын азыркы иш графиги. Тизме
Үйгө товар керекпи? "Кыргыз почтасынын" курьерлери кызмат көрсөтмөй болду
UFC чемпиону Хабиб Нурмагомедовдун атасы, машыктыруучусу Абдулманап Нурмагомедов. Архив

Хабибдин атасы Абдулманап Нурмагомедовдун сөөгү Дагестанда жерге берилди

8
(жаңыланган 20:07 04.07.2020)
Маалыматта машыктыруучуну акыркы сапарга узатуу зыйнатына Чеченстандын башчысы Рамзан Кадыровдун дагы катышканы айтылат.

БИШКЕК, 4-июл. — Sputnik. UFC чемпиону Хабиб Нурмагомедовдун атасы, машыктыруучусу Абдулманап Нурмагомедовдун сөөгү кичи мекенинде жерге берилди. Бул туурасында РИА Новости билдирди.

Маалыматка ылайык, коштошуу зыйнатына Чеченстандын башчысы Рамзан Кадыров дагы катышкан.

Россиянын эмгек сиңирген машыктыруучусу Нурмагомедовдун сөөгү Дагестандын Кизилюртов районунун Кироваул айылына коюлган.

UFC чемпионунун атасы коронавирустун оор түрү менен жабыркап Москвадагы клиникалардын бирине жаткырылган. Ага эки тараптуу пневмония деген диагноз коюлуп, андан кийин инсульт алган. Бул дарттан айыга албай 3-июль күнү 58 жаш курагында каза тапты.

"Аны акыркы сапарга узатууга көп адам катышкан жок. Туугандары жана Москвадан спортчулар келди", — деп айткан Кироваул айылынын башчысы Ильяс.

Мушкер Хабиб Нурмагомедовго UFC уюмунун президенти Дана Уайт көңүл айтып, спортчунун атасынын жашоодогу орду тууралуу айтып берген видеосун жарыялады.

​Ошондой эле Хабибдин октагондогу атаандаштары Конор Макгрегор жана Тони Фергюсон сыяктуу бир катар спортчулар көңүл айткан.

8
Белгилер:
жерге берүү, сөөк, машыктыруучу, Дагестан, Абдулманап Нурмагомедов
Тема боюнча
Белгилүү ырчы-обончу Тургуналы Нурматовдун жерге качан берилери айтылды
Коомдук ишмер, экс-депутат Болот Шердин сөөгү кичи мекенинде жерге берилди
Үйлөнүү-үлпөтү. Архив

Ош: кыз узатуу тою өткөн ресторан жабылып, 13 миң сом айып салынды

13
(жаңыланган 19:47 04.07.2020)
Кыргызстанда учурда бир нече аймактарда, анын ичинен Ош облусунда да тойканалардын иштешине тыюу салынган. Ага коронавирустун жайылып кетиши себеп болууда.

БИШКЕК, 4-июл. — Sputnik. Бүгүн Ош облусунун Кара-Суу районундагы "Баястан" ресторанында кыз узатуу тою болуп, ээсине 13 миң сом айып салынды деп билдирди Ош облусунун ИИБинин маалымат катчысы Жеңиш Аширбаев.

Эске салсак, учурдагы коронавирус пандемиясынан улам тойканалардын иштешине да тыюу салынган.

"Ресторанда өткөрүлүп жаткан кыз узатуу аземинде 60 адам бар экени аныкталган. Кара-Суу райондук ички иштер бөлүмүнүн жана райондук санэпидемстанциянын өкүлү тарабынан "Баястан" ресторанынын администрациясына 13 000 сом айып пул салынып, ресторандын иши 15 күнгө карантинге жабылды", — деп билдирди Аширбаев.

Жээнбеков: бул кыянатчылык, тойлорго расмий тыюу салууга убакыт келди

Өлкө боюнча COVID илештирип алгандардын жалпы саны 7094. Анын 2714ү айыгып, тилекке каршы, 78 киши көз жумду.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

13
Белгилер:
милиция, пандемия, айып пул, той, Кара-Суу району, Ош облусу
Тема:
Коронавируска байланыштуу Кыргызстандагы кырдаал
Тема боюнча
Батыралиев: учурда элди пандемияга каршы мобилизациялоо зарыл