Азык-түлүк алуу. Архивдик сүрөт

Үйгө товар керекпи? "Кыргыз почтасынын" курьерлери кызмат көрсөтмөй болду

346
(жаңыланган 12:05 03.04.2020)
Товарды жеткирип берүүнүн баасы 120 сомдон 200 сомго чейин. Коменданттык саатка байланыштуу курьердик кызмат саат 9:00дөн тарта 18:00гө чейин иштейт.

БИШКЕК, 3-апр. — Sputnik. "Кыргыз почтасы" мамлекеттик ишканасынын курьерлери өзгөчө абал убагында жарандарга азык-түлүк менен дары-дармек алып келип берүү кызматын көрсөтөт. Бул туурасында Мамлекеттик каттоо кызматынан билдиришти.

Ага ылайык, учурда ишкана гипермаркет, фармкомпания, интернет-дүкөн жана кофе тармагы менен келишим түзгөн.

"Өзгөчө абал режиминде жарандарды колдоо максатында ЖМК алдындагы "Кыргыз почтасы" ишканасынын курьерлери биринчи кезекте маанилүү делген азык-түлүк, тамак-аш, дары-дармек, турмуш-тиричиликке керектүү товарларды жеткирип берүү кызматын көрсөтүшөт", — деп айтылат маалыматта.

Товарды жеткирип берүүнүн баасы 120 сомдон 200 сомго чейин. Онлайн-арызды өнөктөштөр аркылуу толтурууга болот. Коменданттык саатка байланыштуу курьердик кызмат саат 9:00дөн тарта 18:00гө чейин иштейт.

Курьердик кызмат менен өнөктөш болуу үчүн 0312 300 809 жана 0550 771 170 номерлерине чалууга болот.

346
Белгилер:
Кыргызстан, 'Кыргыз почтасы' мамлекеттик ишканасы, ишкана
Тема:
Коронавируска байланыштуу Кыргызстандагы кырдаал (2873)
Тема боюнча
"Ак илбирс" сыйлыгын тапшыруу аземи жылдырылды
Түндө коменданттык саат тартибин кайсы аймак көп бузду? ИИМдин маалыматы
Министр: кырдаал өзгөрбөсө студенттер жайкы сессияны онлайн тапшырат
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

52
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

52
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

86
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

86
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!