Оорукана. Архив

COVID-19. Инкубациялык мөөнөттүн аякташы эмне үчүн кооптуу. Түшүндүрмө

4767
(жаңыланган 17:41 03.04.2020)
Окумуштуулар коронавирустун инкубациялык мөөнөтү 27 күнгө чейин созуларын болжогон. Вирус инкубациялык мезгил учурунда башкаларга тез жугат.

БИШКЕК, 3-апр. — Sputnik. Бүгүн Бишкек шаарынын коменданты Алмаз Орозалиев өлкөдө коронавирус жуктургандар менен байланышта болгон алгачкы адамдардын инкубациялык мөөнөтү бүтүп жатканын айтып, элди сак болууга чакырды. Ошону менен катар эле адамдардын көчөдө жүрүүсүнө чектөөлөр дагы да күчөтүлөрүн белгиледи. Ал эми Республикалык штаб бул учурда вирусту жуктуруп алуу кооптуулугу жогору экенин эскертти.

Sputnik Кыргызстан бул мезгил эмнеси менен кооптуу экенин окурмандарга түшүндүрүүгө аракет кылды.

Өлкөдө алгачкы учур Сауд Аравияга кичи ажылыкка барып 12-март күнү келген жарандардан аныкталганы 18-мартта расмий жарыяланган. Мындан улам алар менен бир учакта отурган жана жакындан байланышкан 2000ден ашуун адам текшерилген.

"Алгачкы учур аныкталган адамдар менен жакындан байланышта болгондор алгоритм боюнча үч күн обсервацияда болгондон кийин 14 күндүк үй карантинине жиберилген. Бул учурда оору аныкталбаса вирус жуктурган эмес деп эсептелет. Ошолордун мөөнөтү аяктап, көчөгө чыга башташат. Бирок инкубациялык мөөнөт 28 күнгө чейин созулат деген божомол бар. Демек, 14 күндөн кийин да оорунун белгилери чыгышы мүмкүн. Дүйнөлүк саламаттыкты сактоо уюму жада калса коронавирустан айыгып чыккандар дагы сегиз күн үй карантининде болушун сунуштап жатат", — деп билдирди Республикалык штаб.

Буга чейин окумуштуулар коронавирустун инкубациялык мөөнөтү 27 күнгө чейин созуларын болжогон. Вирус инкубациялык мезгил учурунда башкаларга тез жугат.

Ал эми Кытайдын Саламаттык сактоо комитетинин интернетке тарап кеткен изилдөөсүнө караганда, инкубациялык учур 24 күнгө чейин болушу дагы мүмкүн. Мисалы, Кытайдагы Сычуань провинциясында жашаган аялды тогуз ирет тесттен өткөргөндөн кийин гана коронавирусту араң аныкташкан.

Биология илимдеринин доктору Сергей Нетёсовдун айтымында, коронавирус гриппке салыштырмалуу бат жугат. Болгондо дагы адам анын белгилери өзүндө пайда боло электе жана сакайгандан кийин бир нече убакыт бою башкаларга жайылта берет.

Белгилей кетсек, башында чет жактан келген жарандардан COVID-19 чыгып жаткан. Соңку учурда өлкө ичинде өз ара жуктургандар көбүрөөк катталууда. Алгачкы учур расмий жарыялангандан бери 16 күн өттү. Ошондон кийин Кыргызстанда адамдардын кыймылын чектөө максатында бир топ иш-чаралар жасалууда.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүзү дагы ооруканага, дарыканага жана дүкөнгө гана барууга уруксат берилген.

Коронавирустун кесепети

Кыргызстанда 130 адам коронавирус жуктурганы аныкталды. Анын ичинен бешөө айыгып чыккан. Тилекке каршы, вируска кабылган Ноокат районунун 61 жаштагы тургуну 2-апрелде көз жумду. Бул өлкө ичинде катталган алгачкы учур. Мындан сырткары, төрт адам оор абалда жатат, бирөө жасалма дем алдыруу аппаратына кошулган.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

4767
Белгилер:
эскертүү, кооптуулук, чектөө, Бишкек
Тема:
Коронавируска байланыштуу Кыргызстандагы кырдаал (1438)
Тема боюнча
Кыргызстанда жарандар обсервациядан чыга баштады. Режими кандай болот
Нарындын ичинде унаа кыймылына чектөө киргизилди
Кыргызстанда коронавирустан улам азык-түлүктүн баасы өзгөрдүбү? Инфографика
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

89
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

89
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

88
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

88
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды