Ош мамлекеттик университетинин имараты. Архив

ОшМУ "Аралыктан билим алабыз" аттуу видеосынак жарыялады

247
Видеосабактары мыкты аталгандар үчүн акчалай сыйлыктар каралган. 1-орунга 25 000 сом, 2-орунга 15 000 сом, 3-орунга 10 000 сом. Кызыктыруучу сыйлыктарга 10 000 сом бөлүнгөн.

БИШКЕК, 4-апр. — Sputnik. Ош мамлекеттик университети студенттер үчүн "Аралыктан билим алабыз" аттуу видеосынак жарыялады. Бул тууралуу окуу жайдын маалымат кызматы кабарлады.

Билдирмеге ылайык, сынактын максаты — аралыктан билим алуунун технологияларын студенттер арасына жайылтуу, өз алдынча билим алууга үндөө, студенттик тайпаларда онлайн жана дистанттык байланышты күчөтүү.

Ага ОшМУнун бардык факультеттери, колледждери катыша алат.

Талаптары:

"Аралыктан билим алабыз" деген аталыштагы 5-7 мүнөттүк видео (видео студенттердин жеке мобилдик телефондорунда үй шартында тартылгандыктан, мазмунуна гана баа берилет);
Видеого тайпадагы студенттер көбүрөөк катышып, анда кураторлор, предметтик мугалимдер да болушу керек;
Видеонун мазмунунда студенттерди аралыктан, өз алдынча билим алууга үндөгөн маалыматтар болушу шарт;
Аралыктан окутуу технологияларын колдонуу менен өтүлүп жаткан сабактардын фрагменттери да кошулушу зарыл;
Студенттер үчүн аралыктан окуп-үйрөнүүнү өз алдынча уюштуруу боюнча кеңештер камтылышы шарт.

Видеосабактары мыкты аталгандар үчүн акчалай сыйлыктар каралган. 1-орунга — 25 000 сом, 2-орунга — 15 000 сом, 3-орунга — 10 000 сом. Кызыктыруучу сыйлыктарга 10 000 сом бөлүнгөн.

"Мыкты деп табылган видеолор ОшМУнун "Үмүт" телестудиясынан эфирге берилет. Ошондой эле соцтармактарда таратылат", — деп айтылат маалыматта.

Окуу жайдын маалымат кызматы катышуучуларда суроо жаралып калса, 0775220596 WhatsApp номерине жазса болорун кошумчалады.

 

247
Белгилер:
сынак, студент, билим, окуу, Ош мамлекеттик университети (ОшМУ)
Тема боюнча
Мыкты видеосабак үчүн мугалимдерге сынак жарыяланды. Жеңүүчүгө — 50 миң сом
Бишкек шаары. Архив

Жекшембиге карата аба ырайы

6
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

6
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы
Аэропорттогу дарыгерлер. Архив

Мекенге жардамга баратабыз! Эртең Россиядан биздин медиктер учуп келет

33
(жаңыланган 21:12 04.07.2020)
Дарыгерлер мурдараак кыргызстандыктарга жардам бериш үчүн дары-дармекке жана меджабдууларга каражат чогултууга чакырык таштаган.

БИШКЕК, 4-июл. — Sputnik. Эртең, 5-июлда, мекенине жардам бериш үчүн Бишкекке Россияда иштеп жүргөн кыргызстандык дарыгерлер учуп келет. Бул тууралуу Sputnik Кыргызстан агенттигине алардын бири Нурлис Токебаев билдирди.

Токебаев медицина кызматкерлеринин Кыргызстанда жетишсиз болуп жаткандыгын көргөндөн кийин жардам берүү үчүн келүүнү чечишкендигин айтып берди. Аны менен катар эле Россияда атайын акция жарыяланып, 2 миллион рубль акча чогултулган.

Өзбекстан Кыргызстанга учак менен 8 тонна гуманитардык жардам алып келди. Сүрөт

"Аларды жөнөкөй мигранттар: таксисттер, ашпозчулар, базарда соода кылгандар чогултту. Бул акчага канча экенин билбейм, бирок кычкылтек концентраттары, коронавирусту дарылоодо пайдаланыла турган препараттар алынды", — деди Токебаев.

Анын айтымында, кыргызстандыктардын бири ИВЛ аппаратын сатып берди. Аны бир аптадан соң, кийинки каттам менен алып келишет.

"Бүгүн саат 1:00дө элчиликтин алдына чогулуп, андан ары аэропортко жөнөйбүз. Бара тургандар 30га чукул дарыгерлер менен медайымдар. Демилгени Facebook тармагында көтөрүп чыктык, бизди бийлик колдоду", — деп кошумчалады ал.

Боронов: Россияда иштеген кыргыз дарыгерлер жардамга даяр, учак менен алып келебиз

Өлкө боюнча COVID илештирип алгандардын жалпы саны 7094. Анын 2714ү айыгып, тилекке каршы, 78 киши көз жумду.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

33
Белгилер:
Кыргызстан, жардам, мекен, дарыгерлер, Россия
Тема:
Коронавируска байланыштуу Кыргызстандагы кырдаал
Тема боюнча
Өкмөт ыктыярчы медиктер кайрыла турган номерлерди жарыялады
Имарат берип, жабдуу таап, медик чогултуп... Эл ооруга каршы бир муштумга түйүлгөндө