Сарымсак түшүмү

Араван районунда сарымсак, капуста бышып сатыкка чыкты. Сүрөт, видео

2112
(жаңыланган 10:59 04.04.2020)
Февраль айында эгин эгүүгө киришкен Араван районунун дыйкандары жазгы түшүмүн алып, учурда сатып жатышат.

БИШКЕК, 4-апр. — Sputnik. Ош облусунун Араван районунда дыйкандар алгачкы түшүмүн ала баштады. Бул туурасында өкмөттүн облустагы өкүлчүлүгүнүн маалымат кызматы кабарлады.

  • Урожай чеснока в Араванском районе Ошской области
    Ош облусунун Араван районунда дыйкандар алгачкы түшүмүн ала баштады
    © Фото / пресс-служба полпредства правительства в Ошской области
  • Урожай капусты в Араванском районе Ошской области
    Билдирүүгө ылайык, салатка ылайыктуу капуста жана көк сарымсак бышып сатыкка чыга баштады
    © Фото / пресс-служба полпредства правительства в Ошской области
  • Урожай чеснока в Араванском районе Ошской области
    Апрель айынын аягында картошка дагы бышары күтүлүүдө.
    © Фото / пресс-служба полпредства правительства в Ошской области
1 / 3
© Фото / пресс-служба полпредства правительства в Ошской области
Ош облусунун Араван районунда дыйкандар алгачкы түшүмүн ала баштады

Билдирүүгө ылайык, салатка ылайыктуу капуста жана көк сарымсак бышып, сатыкка чыга баштады.

"Дөбө-Коргон айыл аймагынын Уйгур-Абад айылында дыйкан чарбалар тарабынан февраль айынын башында эгилген "Бассай" сортундагы капусталар бышып, базарларга чыгарыла баштады. Мындан сырткары, 18,5 тонна капуста Россия жана Казакстанга экспорттолду", — деп айтылат маалыматта.

Ушул эле айылда 40 гектар жерге эгилген көк сарымсак ички рынокко чыгарылып, дыйкандар дүңүнөн бир даанасын беш сомдон сатып жатканы айтылат. Апрель айынын аягында картошка дагы бышары күтүлүүдө.

2112
Белгилер:
дыйкан, түшүм, сатуу, Араван району
Тема боюнча
Быйыл дыйкандар эмнелерди эксе болот? Айыл чарба министрлигинин кеңеши
Бишкекте муктаж үй-бүлөлөргө эки жумага жетчү азык-түлүк бериле баштады
Бишкекте тамак-аш, азык-түлүк ташыган 2700 ишкер өткөрмө кагазын алды
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

97
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

97
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

93
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

93
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды