Мектеп окуучу. Архивдик сүрөт

Кыргызстанда окуучулар IV чейректи үйдөн окумай болду

1502
(жаңыланган 14:54 04.04.2020)
Министрлик өлкөдөгү эпидемиологиялык кырдаалга байланыштуу IV чейректи дистанттык формада окутуу чечими кабыл алынганын кабарлады.

БИШКЕК, 4-апр. — Sputnik. Кыргызстанда 8-апрелден тарта мектеп окуучулары аралыктан окутулат. Бул тууралуу билим берүү жана илим министринин орун басары Надира Жусупбекова брифинг учурунда билдирди.

Анын айтымында, министрлик тарабынан өлкөдөгү эпидемиологиялык кырдаалга байланыштуу IV чейректи дистанттык формада окутуу чечими кабыл алынды.

Мындан улам Жусупбекова ата-энелерге жана мугалимдерге кайрылуу жасады.

“Кымбаттуу окуучулар, XXI кылымдын жаштары илим-билимге умтулган, прогрессивдүү экенин далилдеңиздер. Маалыматтык, коммуникациялык технологияларды колдонуп, мугалимге, ата-энелерге жардам берип билим алыңыздар. Урматтуу педагогдор, “биз ушундай кырдаалда дагы билим бере алабыз” деп бардык күчүңүздөрдү жумшаңыздар. Өлкөбүздүн келечеги үчүн балдарды окуудан артта калтырбайт деп сиздерге ишенебиз. Урматтуу ата-энелер, ар бир балага жакшы шарт түзүп бериңиздер. Жоопкерчилик баарыбызда, ынтымактуу иштесек ийгиликтүү алып кете алабыз”, — деди Жусупбекова.

Мындан сырткары, ал дистанттык формада окутууда көчүрүү жана бүтүрүү экзамендери, республикалык жана альтернативалык олимпиадалар тууралуу кошумча маалымат берилерин эскертти.

Министрликте дистанттык билим берүү тобу уюштурулган, алар ар бир регион менен байланышып турат. Аларга 0550 512 075, 0550 801 026 ыкчам номери аркылуу кайрылып, кенен маалымат алууга болот.

Белгилей кетсек, 8-апрелден тарта IV чейректин сабактары КТРдин "Баластан" (1-4-класстын окуучулары жана бала бакчалардын бүтүрүүчү тайпалары үчүн), ЭлТРдин "Илим Билим" (5-11-класстын окуучулары үчүн) каналдарынан жана "Санат", "Пирамида", "5-каналдарынан" өтүлөрү айтылган.

Эске салсак, өлкөдө коронавирус катталганга чейин эле билим берүү мекемелеринин баары мөөнөтсүз каникулга тараган. Жогорку окуу жайлары 16-марттан баштап эле дистанттык окууга өткөн.

1502
Белгилер:
окуучулар, окуу, Надира Жусупбекова, билим берүү
Тема:
Коронавируска байланыштуу Кыргызстандагы кырдаал (1438)
Тема боюнча
Окуучуларды дистанттык окутууга видеосабактар кантип даярдалып жатат? Сүрөт
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

91
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

91
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

89
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

89
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды