Көчөдө бараткан аялдар. Архивдик сүрөт

Ажат ачкан 300 доллар. Очогумду сактап калган кайнежеме айтылган алкыш

4358
(жаңыланган 14:43 10.04.2020)
Адамдын көңүлү — гүл. Жылт эткен жарык, жакшы көз караш, жагымдуу сөз маанай көтөрүп, ал тургай бир нече күн жүрөктү жылуулук аралап жүрөт.

Sputnik  Кыргызстан маалымат агенттигинин "Ак жарык" рубрикасынын алкагында жашоодо жакшылыгын аябаган, ага себепчи болгон адамдардын окуясы жарыяланып келет. Бул ирет кайнежесинин кылган жакшылыгына ыраазы болгон келиндин окуясы баяндалат.

...Биз азыр үч баланын ата-энесибиз. Кудайга шүгүр, жашообуз жакшы. Өткөн турмушума кылчайып, бир адамга рахмат айткым келди. Ал адам кайнежем болот. Анын ошол кездеги колдоосуна, менин кетирген чекилигимди түшүнгөнүнө ыраазы болом.

Бул мындан 15 жыл мурун болгон окуя. Мен анда экинчи баламды төрөп үйдө декретте отурган кезим. Улуу кызым үч жашка чыгып калган. Бир жылдай үйдө отуруп, убакытты бекерге өткөрбөй бир иш менен алектенип, акча тапкым келди. Ошентип жүрүп эле кайнежемдикине мейманга барып, Жазгүл деген келин менен таанышып калдым. Ал мага шыпылдап, азыр белгилүү эле бир тармактык маркетинг тууралуу айтып берип, сабактарына катышып турууга чакырды. Ансыз деле үйдөн тажап, башка иш менен алектенип, изденгим келип турган жаным дароо макул болдум.

Сабактарына барып үйрөнүп, баары жагып, кыялдана баштадым. Ага чейин тармактык маркетинг тууралуу маалыматым деле аз экен. Оюмда акча тапсам эле аны жүгүртүп бизнес жасайм деп жатам. Бассам-турсам акча таап, товар алып, сатып айлантуу болуп калды. Ошондой күндөрдүн биринде күйөөм машинасын сатып, акчасын үйгө алып келип койду.

Жолдошум Урмат намаз окучу. Жумушу убактылуу токтогондуктан көп өтпөй кырк күнгө дааватка кетип калды. Анан мени кудай урду. Күйөөмдүн катаал мүнөзүн билип туруп, жанагы акчаны алып, товар алып турууну чечтим. Жазгүлгө айтсам, ал дароо эле: "ой, күйөөң келгиче ордун тургузуп коёсуң. 200 доллар салсаң, дароо үчүнчү тепкичке көтөрүлөсүң, айлык чыгат", — деди.

Кыскасы, айтпай-дебей эле күйөөмөн баш-аягы 300 доллар алып, салып жибердим. Эч кимге айткан жокмун. Кийин жолдошум келгенде алгач акчасын караган деле жок.

Ал иштеп жүрдү. Мен акчанын ордун тургуза албай, товарларды өткөрө албай убара болдум. Же акча алганымды айта албайм. Баягы 300 доллар көздөн учуп, өзүмдү жеп салдым. Жазгүлдөн пайда жок. Акчанын айынан аны менен да уруша кеттим. Урматтан коркуп жүрөм. Анткени күйөөм башынан бир мүнөз, көк бет.

Ошентип кыйналып жүрсөм жолдошум үстүнө акча кошуп машина ала турган болуп калды. Ал тургай машина да таап, сүйлөшүп коюптур. Караса эле баягы акча кем чыкты. Биз үчүн 300 доллар чоң акча эле.

Күйөөм акча кайда деп сураганда тармактык маркетингге салганымды айтпай койдум. Кыскасы, аябай урушуп, жолдошум кол көтөрүп жиберди. Мен да тажаган жаным бир топ сөз айтып жибердим окшойт. Ыйлаган бойдон кайнежемдикине кетип калдым. Барып болгонун айттым. Оюмда кетем деп жатам. Анан эжем "эми болору болуптур, акчаны мен сурагам, сага айтпа дегем деп коёюн. Азыр сага 300 доллар берип турайын. Иштегенде берерсиң", – деди. Макул болдум. Эжем дароо Урматты чакырып, дасторкон үстүндө баарын түшүндүрүп акчаны карматып, акыл-насаатын айтып бизди жолго салды. Ичимен кубанганымды айтпа. Үстүмөн бир оор жүктү алып салгандай эле болду. Ошентип бир балээден кутулуп, экинчи тармактык маркетингге жологус болгом.

Бирок баягы акчаны деле толуктап кайтарып бере алган жокмун. Ушул 15 жыл ичинде жолдошум экөөбүз көп эле ыйкы-тыйкы болдук. Кайнежем бир да жолу мага каршы сүйлөгөн жок. Дайым мен тарапта болуп, жолдошумду эсине келтирип койчу. Мен да колуман келишинче жеңилин жерден, оорун колдон алып келдим. Сырдаш болдук. Баягы 300 доллар деле унутулду, аны эстеп, бир да жолу сөз кылган жок.

Бири-бирине душман болгон кайнеже-келиндерди деле көрүп жүрөбүз. Ошондойлорду уккан сайын тобо келтирип, бир тууган болуп калган кайнежеме сыйым ого бетер артат.

Кайнежемдин мага кылган жакшылыгына, адамгерчилигине рахмат айткым келди. Ыраазымын, эжеке!

Эгер сиз да ушундай жанга жагымдуу окуяны башыңыздан өткөрсөңүз же бирөөнүкүнө күбө болсоңуз news@sputnik.kg дарегине кат жазып, ыраазычылык билдирсеңиз болот.

4358
Белгилер:
ак жарык, машина, күйөө, доллар
Тема:
Ак жарык (26)
Тема боюнча
Үч жетимди томсортпой бооруна кысып... Өгөй эненин ак жарыгы
Кызым үчүн рахмат, Лариса! Аборттон баш тарттырган курбунун ак жарыгы
COVID-19га кабылган бейтаптарды караган врач. Архивдик сүрөт

380 кишиден коронавирус табылып, 360 бейтап айыкты. Соңку статистика

5
(жаңыланган 10:56 30.11.2020)
Бир сутка ичинде өлкө боюнча 17 медицина кызматкери коронавирус жуктуруп алганы аныкталган. Анын ичинен бешөө ооруну кызыл зонадан илештирген.

БИШКЕК, 30-ноя. — Sputnik. Өткөн суткада өлкөдө 380 кишиден коронавирус аныкталып, 360 бейтап айыкты. Бул тууралуу Республикалык штаб кабарлады.

Ага ылайык, оору жуктургандын көбү Бишкек шаарында катталган.

Жуктургандар:

  • Бишкек – 137;
  • Ош – 4;
  • Чүй облусу – 79;
  • Ош облусу – 18;
  • Талас облусу – 19;
  • Нарын облусу – 10;
  • Ысык-Көл облусу – 38;
  • Жалал-Абад облусу – 48;
  • Баткен облусу – 27.

Айыккандар:

  • Бишкек – 84;
  • Ош шаары – 24;
  • Чүй облусу – 59;
  • Ош облусу – 13;
  • Талас облусу – 17;
  • Нарын облусу – 1;
  • Ысык-Көл облусу – 49;
  • Жалал-Абад облусу – 53;
  • Баткен облусу – 60.

Ушуну менен Кыргызстанда коронавирус жуктургандардын саны 72 807ге жетип, анын ичинен 64 149 бейтап ооруну жеңген. Тилекке каршы, бир суткада коронавирус беш адамдын өмүрүн алып, жалпы 1 271 адам көз жумду.

Бир суткада 17 медицина кызматкери коронавирус жуктуруп алганы аныкталган. Анын ичинен бешөө ооруну кызыл зонадан жуктурган.

  • Бишкек шаары – 10 (кызыл зонадан 5);
  • Чүй облусунда – 3;
  • Ош шаары – 1;
  • Жалал-Абад облусунда – 1;
  • Баткен облусунда – 2.

Кечээтен бери үй карантининен алты медик айыгып чыгарылган.

5
Белгилер:
медик, илдет, бейтап, оору, статистика, коронавирус
Тема:
Кыргызстандагы коронавирус жуктуруп алгандар
Тема боюнча
Өткөн суткада COVID-19дан беш кыргызстандык каза болду
Ооруканадагы реанимациялык бөлүм. Архивдик сүрөт

Дарыгер: коронавирус жүрөк оорусуна алып келиши ыктымал

4
(жаңыланган 10:54 30.11.2020)
Адис коронавирустан ооруп айыккандарда миокардит (жүрөк булчуңдарынын оорусу) пайда болушу ыктымал экенин белгилеген.

БИШКЕК, 30-ноя. — Sputnik. Коронавируста кан уюп, оору жүрөктүн кан тамырларында тромбду пайда кылат. Бул тууралуу Россиядагы согуштун ардагерлери госпиталынын кардиология бөлүмүнүн башчысы Сергей Ивановдун сөзүнө таянып, РИА Новости кабарлады. 

Дарыгердин айтымында, коронавирус жүрөккө өтүп, аталган органдын булчуңдарын жабыркатат. Жыйынтыгында андан ооруп айыккандарда миокардит (жүрөк булчуңдарынын оорусу) пайда болушу ыктымал.

"Коронавирус катуу кармаганда канда тромбдор пайда болуп, көбүнчө экинчи типтеги миокард инфаркты өрчүп кетет. Бул оорунун кесепеттеринин бири", — деди Иванов.

Адис COVID-19 менен ооруган айрым бейтаптарда бир нече ай өткөндөн кийин алсыздык жана тахикардия (жүрөк оорусу) байкалганын да кошумчалаган.

4
Белгилер:
кан, жүрөк, оору, коронавирус
Тема:
Дүйнөгө жайылган коронавирус
Тема боюнча
Естебесова: COVID-19дан айыккандан кийин деле суюктукту көп ичүү керек