Премьер-министр Сапар Исаковдун архивдик сүрөт

Сапар Исаков №1 тергөө абагына которулду

736
(жаңыланган 17:21 04.04.2020)
Мурдагы өкмөт башчы ТЭЦти реконструкциялоодо коррупциялык иштерге барган деп 15 жылга кесилген, экинчи иш боюнча учурда соттук териштирүү жүрүп жатат.

БИШКЕК, 4-апр. — Sputnik. Мурдагы премьер-министр Сапар Исаков №1 тергөө абагына которулду. Бул тууралуу анын адвокаты Нурбек Токтакунов билдирди.

Эске салсак, Исаков буга чейин УКМКнын тергөө абагында отурган болчу.

“Мага бул тууралуу УКМКдан билдиришти. №1 тергөө абагына барсам киргизбей коюшту. Исаковду ал жакка которуу зарылдыгы жок болчу”, - деди жактоочу.

Учурда жаза өтөп жаткан мурдагы премьер-министр Сапар Исаков. Архив
© Пресс-служба президента КР / Султан Досалиев
Улуттук коопсуздук мамлекеттик комитети бул боюнча комментарий бере элек.

Белгилей кетсек, 2019-жылдын декабрь айында Сапар Исаков Свердлов райондук сотунун чечими менен 15 жылга эркинен ажыратылып, мүлкү конфискацияланган. Ал Бишкек ТЭЦин модернизациялоодо коррупциялык иштерге барган деп айыпталган.

Ал эми Бишкектеги тарых музейин реконструкциялоодогу коррупциялык иштер боюнча сот жүрүп жатат.

736
Белгилер:
Акча которуулар, камоо, тергөө абагы, Сапар Исаков
Тема:
Сапар Исаковдун камалышы (41)
Тема боюнча
Кол булгалап, ыйлап... Сапар Исаков баштаган аткаминерлердин сотунан видео
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

63
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

63
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы