Уюлдук телефон кармап тургана адам. Архив

Коронавирустун белгилери байкалса 118 номерине чалгыла! Мэриянын билдирүүсү

242
(жаңыланган 10:55 06.04.2020)
Эгер вирустун кандайдыр бир белгилери байкалса, дарыгерлер тобу дароо барып үйдөн эле экспресс-тест кылышат. Ал кандайдыр бир белгини көрсөтсө, бейтап лаборатория тестинин жыйынтыгы чыккыча үй карантининде болуп турат.

БИШКЕК, 6-апр. — Sputnik. Бүгүндөн тарта калаа тургундары коронавирус боюнча телефондон ыкчам түрдө медициналык кеңеш ала алышат. Бул тууралуу Бишкек мэриясынын маалымат кызматы кабарлады.

Ага ылайык, эгер калаа тургундарынын бири өздөрүнөн коронавирустун белгилерин байкап калса, Саламаттык сактоо министрлигинин 118 ыкчам байланыш номерине чалса болот.

"Дарыгерлер чалган адам өзүн кандай сезип жатканын телефон аркылуу такташат. Андан соң адистер тарабынан иштелип чыккан атайын анкетаны толтурушат", — деп айтылат билдирүүдө.

Ыкчам телефон номерге белгилүү себептер менен гана чалууга мүмкүн. Алар:

  • эгер чет өлкөдөн акыркы 30 күндүн ичинде келсе;
  • эпидемия көбүрөөк жайылган аймакта болсо;
  • коронавирус жуктуруп алган адам менен тыгыз байланышта болсо;
  • обсеварция жайларында болсо;
  • дене табы жогору болуп, жөтөлүп, дем алуусу кыйындаса.
"Эгер вирустун кандайдыр бир белгилери байкалса, дарыгерлер тобу дароо барып үйдөн эле экспресс-тест кылышат. Ал кандайдыр бир белгини көрсөтсө, бейтап лаборатория тестинин жыйынтыгы чыккыча үй карантининде болуп турат. Коопсуздугун укук коргоо органдары камсыз кылат", — деп жазылат маалыматта.

118 номери эртең мененки саат 8ден кечки 19:00гө чейин иштейт.

242
Белгилер:
байланыш, коронавирус, Бишкек мэриясы, Бишкек
Тема:
Коронавируска байланыштуу Кыргызстандагы кырдаал (1510)
Тема боюнча
Ала-Бука райондук ооруканасынын башкы дарыгерине кызматтык иликтөө жүргүзүлөт
Тоодогу жамгыр. Архивдик сүрөт

Жекшембиге карата аба ырайы

20
Синоптиктер жекшемби күнү Кыргызстанда күн 33 градуска чейин ысый турганын маалымдашты.  Ал эми Чүйдө абанын өзгөрүп турары айтылды.

БИШКЕК, 6-июн. — Sputnik. Жекшемби күнү, 7-июнда, күндүз Чүй облусунун тоолуу райондорунда жамгыр жаап, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет маалымдады.

Абанын температурасы Чүй, Талас аймактарында +23...+28, Ош, Жалал-Абад, Баткен облустарында +28...+33, Ысык-Көлдө +19...+24, ал эми Нарын жергесинде +18...+23 градус болот. 

Күндүн табы борборубуз Бишкекте +26...+28, Ошто +30...+32 градус болору айтылды. 

20
Белгилер:
Кыргызстан, аба ырайы
Тема боюнча
Беш күн катары менен жамгыр жаайт. ӨКМ шашылыш билдирүү таратты
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.

60 жыл электр жарыгы жетпеген айылга электр мамылары коюлууда

65
(жаңыланган 20:59 06.06.2020)
Жазыкечүүлүктөрдүн сентябрдын башында башка кыргызстандыктар сыяктуу эле электр энергиясын кадимкидей пайдаланып калышары айтылды.

БИШКЕК, 6-июн. — Sputnik. Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду. Бул тууралуу "Жалал-Абад электр" ишканасынын маалымат кызматы билдирди.

1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.

  • Проводка электричества в селе Жазы-Кечуу Базар-Коргонского района
    Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
    © Фото / Зульфия Тургунова
  • Проводка электричества в селе Жазы-Кечуу Базар-Коргонского района
    1960-жылы уюштурулган Жазы-Кечүү айылында жергиликтүү жашоочулар электр жарыгы жок жашап келген.
    © Фото / Зульфия Тургунова
1 / 2
© Фото / Зульфия Тургунова
Жалал-Абад облусундагы Базар-Коргон районуна караштуу Жазы-Кечүү айылына бүгүн биринчи ирет жолу электр мамычасы орнотулду.
"Жалал-Абад электр" ишканасы Сузак районунун Кыз-Көл айылы тараптан Жазы-Кечүү айылына 18 чакырым аралыктан аба чубалгыларын тартуу иштерин баштады. 25 миллион сомдук долбоор аталган мекеменин өз каражатынын эсебинен жүргүзүп жатат", —  деп айтылган маалыматта.

Аталган ишканадан электр мамычаларды орнотуу жана башка иштер август айынын соңунда аяктап, 1-сентябрда айылга жарык берилип каларын билдиришти.

Жазы-Кечүү айылы Базар-Коргон районунун борборунан 110 чакырым алыста жайгашкан. Айылда 140 түтүн, тагыраагы, 600дөй адам жашайт. 100 орундуу мектеп жана ФАП бар.

Кышында кар калың жаап, кыш алты айга созулат. Эң алыскы тоолуу аймакта жайгашкан Жазы-Кечүү айылында 1960-жылдардан бери электр жарыгы жок.

65
Белгилер:
электр жарыгы, Базар-Коргон, Кыргызстан
Тема боюнча
Кар жаткан ашууда электриктер үч күн иштеп, бузулган линияны оңдоду. Сүрөт
Внедорожник марки Toyota Land, водитель, которого протаранил будку с охранником в центре Бишкека

Куралы бар экен, абайлагыла. Бишкекке жакын жолдогу кинодогудай куугундун видеосу

0
(жаңыланган 22:47 06.06.2020)
Кара түстүү ири жолтандабастын калдаңдап бирде жолдун бул тарабына, бирде экинчи тарабына чыгып, катуу ылдамдык менен бара жатканын көрүүгө болот.

БИШКЕК, 6-июн. — Sputnik. Бүгүн Бишкектин борборунда күзөтчүнүн будкасын бир нече ирет талкалай сүзүп, дагы бир кызматкер менен мушташкан айдоочуну Чүй облустук ЖКККБнын кызматкерлери кантип кармаган видео тарады.

Эске салсак, ал Токтогул жана Киев көчөлөрүнүн кесилишинде чатак чыгарып, бир нече ирет будканы сүзүп, мушташып, андан жолтандабасын айдап жок болгон.

Көп өтпөй анын автоинспекторлор Токмок аймагынан кармады деген маалымат келип түшкөн. Айдоочунун ичип алганы жана 30 жашта экени айтылып, сүрөтү жарыяланган

Көп өтпөй кудум кинофильмге окшогон сюжеттеги видео интернетке коюлду.

"Короче" Телеграм-каналына чыккан видеодо анын Бишкек — Торугат трассасында автоинспектордун артынан кууган эки бригадасына моюн бербей качып бара жаткандыгын көрүүгө болот. Окуяны видеого тарткан жаран комментарий берип, ал тургай ок атылганын айтканы даана угулуп турат.

Посмотреть эту публикацию в Instagram

Публикация от Короче KG (@koroche_kg)

Кара түстүү ири жолтандабастын калдаңдап бирде жолдун бул тарабына, бирде экинчи тарабына чыгып, катуу ылдамдык менен бара жатканын көрүүгө болот. Ал тартип сакчылардан бир топ жерге чейин качып барып, чаңды сапырылта, тегеренип барып оң тарапка токтогон.

Кадрдан чыккан үндөн "куралы бар экен, айбайлагыла" деп эскертип жатканын угууга болот.

Кинофильмдеги фрагменттерди эске салган бул видеодон тартип сакчыларынын жаракат алганы байкалган жок.

0
Белгилер:
кармоо, тартип, күзөтчү, жолтандабас, Бишкек, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Бишкек: будканы талкалай сүзүп, күзөтчү менен мушташкан айдоочу кармалды. Сүрөт