Тамак жеткизүү служба. Архивдик сүрөт

Тамак-ашты үйгө жеткирүү: ӨА учурунда Бишкектеги кафелердин иш графиги

507
Коронавирустун жайылышы борбор калаадагы кафелердин ишин өзгөрттү. Көпчүлүк тамак-аш жайлары үйгө жеткирүү кызматын көрсөтүп жатышат. Бул боюнча биз карта даярдадык, ал аркылуу жактырган тамагыңызды кайсы жерден заказ кыла аларыңызды биле аласыз.

25-марттан тарта Бишкекте дагы айрым шаарлар менен райондордогудай эле өзгөчө абал режими иштеп жатат. Буга республикага жайыла баштаган коронавирус себеп болду. Көпчүлүк тамак-аш жайлары үйгө жеткирүү кызматын көрсөтүшүүдө.

Sputnik Кыргызстан агенттигинин кабарчылары Бишкектеги кафе, ресторан, пиццерия, кофейня жана башка популярдуу тамак-аш жайлары менен байланышып, кимиси үйгө тамак жеткирип берерин билип көрдү.

Мекемелердин заказ алуу убактысы ар башка жана өзгөрүп турушу мүмкүн. Ошондуктан көрсөтүлгөн байланыш номерлер аркылуу тактап алууну сунуштайбыз. Мындан сырткары, көпчүлүк тамак-аш жайларында “өзү алып кетүү” опциясы бар. Дагы бири жеткирүү кызматын өздөрү уюштурат же “жеткирүү кызматтары” менен иштешет.

Тамак-аш жеткирүү боюнча кененирээк маалыматты мекемелердин социалдык тармактардагы баракчаларынан, сайттарынан, ошондой эле көрсөтүлгөн номерлерине чалып биле аласыздар.

Эгер сиздин үйгө тамак жеткирген кафеңиз картада көрсөтүлбөй калган болсо, бизге Telegram же WhatsApp аркылуу кабарлаңыз.

Эгер сиз иштеткен жайда кандайдыр бир өзгөрүүлөр болсо (0706) 56-65-44 номери аркылуу жазып койсоңуз болот. Биз өз учурунда картадагы маалыматты жаңыртып коёбуз.

507
Белгилер:
график, тамак-аш, кафе, Бишкек
Тема боюнча
Өкмөт ишкерликти кантип колдой турганын айтты. Иш-чаралардын тизмеси
Буэнос-Айресте футболдун легендасы Диего Марадонанын дүйнөдөн кайткандыгына байланыштуу эл аза күтөт

Кароосуз калтырган. Марадонанын дарыгери анын өлүмүнө күнөөлөнүп жатат

7
(жаңыланган 10:11 30.11.2020)
Учурда дарыгердин үйүндө жана клиникасында тинтүү жүргүзүлүп, Марадонанын оорсуна байланыштуу документтер алынган.

БИШКЕК, 30-ноя. — Sputnik. Диего Марадонанын дарыгери Леопольд Луке футболчунун өлүмүнө күнөөлөнүп жатканын РИА Новости Аргентинанын Telam агенттигине шилтеме кылып жазды.

Дарыгердин үйүндө жана клиникасында тинтүү жүргүзүлүп, Марадонанын оорусуна байланыштуу документтер алынган.

Тергөө ак халатчандын шалаакылыгына жана бейтаптын кароосуз калгандыгына байланыштуу жүргүзүлүп жатканы айтылат.

Ошондой эле медайым Даяна Гисель Мадрид да суралууда. Ал таңкы 07:30да Марадонанын бөлмөсүнөн кыйналган үн угуп, барып тиешелүү жардам көрсөткөнүн айткан. Бул айткандарынын эми чын-бышыгы аныкталууда.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

7
Белгилер:
өлүм, футбол, дарыгер, Диего Марадона
Тема боюнча
Өз тажиямда эмне дээр элем... Марадонанын эски видеосу желдей тарады
Мамлекеттик кызматкер иш учурунда. Архив

"Унаа" мекемесине караштуу бир бөлүмдүн иш графиги өзгөрөт

16
(жаңыланган 10:07 30.11.2020)
Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

БИШКЕК, 30-ноя. — Sputnik. "Унаа" мамлекеттик мекемесинин "Риом" унаа базарында жайгашкан бөлүмүндө 1-декабрдан тарта жаңы иш графиги түзүлөт. Бул тууралуу Мамлекеттик каттоо кызматы кабарлады.

Ага ылайык, аталган бөлүм декабрдын башынан тарта дүйшөмбү, шейшемби, шаршемби, ишемби, жекшемби күндөрү иштейт. Ал эми бейшемби жана жума күндөрү дем алыш болуп эсептелип, бөлүм жабык болот.

"Жумуш убактысы ошол бойдон калат. Тагыраагы, саат 8:30дан 17:30га чейин иштейт. Ал эми 12:00дөн 13:00гө чейин тыныгуу", — деп айтылат маалыматта.

Мамлекеттик мекеменин борбордук аппараты менен жергиликтүү каттоо бөлүмдөрүнүн иш тартиби өзгөрүүсүз калтырылган.

16
Белгилер:
өзгөрүү, тартип, график, унаа, каттоо кызматы
Тема боюнча
Мамкаттоо 604 миң сомго автоунаанын бир номерин жана эки "ХАН" сатты

Месси "Осасунага" киргизген голун Марадонага арнады. Видео

0
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

0
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады