Коронавирусту аныктоочу тест. Архивдик сурөт

Минскиден Бишкекке коронавирустун тестин жасоочу реагенттер жиберилди

153
(жаңыланган 02:41 07.04.2020)
Кыргызстан үчүн маанилүү болгон жүк Екатеринбург аркылуу жеткирилди. Россиядан Бишкекке чартердик каттам менен келди.

БИШКЕК, 6-апр. — Sputnik. Бишкекке Минск шаарынан 22,5 миң тест үчүн реагенттер жана алардын компоненттерин алып келишти. Бул тууралуу Кыргызстандын Белоруссиядагы элчилигинен кабарлашты.

Элчилик эки партиясын жеткирди (100 таңгак). Мындан сырткары, даяр тесттердин беш таңгагы алынды.

Эгерде муктаждык жаралса, Белоруссия дагы 200дү жиберүүгө даяр экени айтылды. Бул 50 миң тестке эсептелген көлөм.

Белоруссиядан да коронавирус чыгып жатканы, бирок ага карабастан аталган өлкөнүн достук кадамы экенин элчиликтен айтышты.

"Кыйын кырдаал жаралып турган шартта белоруссиялык достордун бизге жасаган бул кадамы достук мамилелердин жана эки тараптуу жылуу мамиленин эң сонун мисалы", — деп билдиришти өкүлчүлүктөн.

Тест-системанын экинчи партиясы бүгүн Кыргызстанга Екатеринбург — Бишкек чартердик каттамы менен жеткирилди

Коронавирус жана Кыргызстан

Учурда Кыргызстанда коронавирус жуктурган адамдардын саны 216га жетти. Анын ичинен 42 киши айыгып чыкты.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүз ооруканага, дарыканага жана дүкөнгө гана барууга уруксат берилген.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

153
Белгилер:
Элчилик, анализ, тест, коронавирус, Белоруссия, Кыргызстан
Тема:
Коронавируска байланыштуу Кыргызстандагы кырдаал (2437)
Тема боюнча
Министр Абдикаримов: 5 кишинин абалы оор, өз алдынча дем ала албай жатышат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал (2437)
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

64
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

64
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео