Физикалык көнүгүүлөр. Архивдик сүрөт

Карантинде жатып башка ооруларды чакырып алба! Үйдө жасалчу көнүгүүлөр

1758
Учурда 100 миллиондогон адам өз үйүндө обочолонуп отурат. Министрлик бул күндөрү башка ооруларды чакырып албаш үчүн бир нече эрежелерди сактоону сунуштады.

БИШКЕК, 7-апр. — Sputnik. Карантин убагында үйдө кыймылсыз жата берүү башка ооруларды пайда кылышы мүмкүн. Андыктан күнүнө бир сааттын тегерегинде көнүгүү жасап туруу шарт. Бул тууралуу Саламаттык сактоо министрлигинин сунуштамасында жазылат.

Адамдын көп кыймылда болушу вирустук инфекциялардын тобокелчилигин кыйла төмөндөтөрү белгиленет. Андан тышкары, үзгүлтүксүз жасалган көнүгүүлөр диабет, жүрөктүн ишемия оорусу, гипертония сыяктуу өнөкөт оорулары бар адамдардын абалын жакшыртат. Бул туурасында COVID-19 боюнча жакында эле жасалган изилдөөлөрдө аныкталганы айтылат.

Глобалдуу көйгөйгө айланган COVID-19 пандемиясынан улам 100 миллиондогон адамдын өз үйүндө обочолонуу зарылчылыгы жаралды. Жабык мейкиндикте аргасыздан узак убакытка чейин болуу адам физиологиясынын көпчүлүк аспектилерине таасир этет. Төмөндө келтирилген сунуштар кандайдыр бир симптомдору же курч респиратордук вирустук оорунун диагнозу коюлбаган, карантин учурунда отурган адамдарга арналган.

Кандай шартта көнүгүү жасоо керек?

Бир күндүк көнүгүүлөр 60тан 75 мүнөткө чейин созулушу керек. Бул сыртта, эгер ага шартыңыз туура келбесе балконго чыгып же терезелерди ачып коюп жасаңыз.

Күн сайын жалгыз же үй-бүлө менен таза абада дене тарбия көнүгүүлөрүн жасоо шарт. Шартка жараша короодогу башка адамдардан мүмкүн болушунча аралыкты (1,5 метр) сактагыла.

Ошону менен катар үй-бүлө мүчөлөрүнөн башка адамдар менен пикир алышып же алар менен чогуу машыгуу жаңылыштык экенин эстен чыгарбыңыз.

Отурган тейде 60 мүнөт жана жаткан тейде 5-10 мүнөткө чейин ар кандай кыймылдарды аткаргыла. Бул өзгөчө кан айлануунун бузулушу, диабет жана башка кан тамыр ооруларынан жапа чеккен адамдар үчүн маанилүү.

Сунушталган көнүгүүлөр

Жер үйдө жашагандарга тепкич болсо аны менен жогору көтөрүлүү, секирүү, чогулуп бийлөө, күч жумшоочу көнүгүүлөрдү же ал гана эмес кан айланууну жакшыртууга багытталган видеооюндарды ойноо сунушталат. Скакалка, суу куюлган шише, отургуч жана башка буюмдар менен эле үй шартында машыгуу залын уюштуруп алсаңыз болот. Балкон же терасса болсо, ошол жерде машыгуу оң.

Күн сайын чоюлуу жана терең дем алуу ыкмаларын колдонуу шарт. Кол жана буттарыңызга 10 мүнөттөн кем эмес көнүгүү жасаңыз.

Көнүгүүлөрдү туура жасоону интернеттен онлайн сабактар аркылуу көрүп тургула. Көнүгүүлөрдү кандай аткарып жатканыңыз боюнча социалдык тармакка сүрөт, видеолорду жүктөп, башкаларга да сунуштаңыз. Ошол эле учурда жаракат алуу тобокелчилиги жогору болгон ыкмаларды жасап, дарыгерлерге кошумча жумуш жаратпаңыз.

Балдарга болгон мамиле

Ата-энелер балаңыз башка балдар менен бирге ойношуна чек коюңуз. Балдарга парктагы көнүгүү жасачу жана ойноочу каражаттарды колдонушуна уруксат бербеңиз. Өзгөчө темир жана пластик буюмдарды кармабашы керек, анткени алардын бетинде вирус болушу мүмкүн.

Сууну көбүрөөк ичкиле

Суусундукту көп ичүү ооз, мурун көңдөйүндө инфекциянын узак убакытка чейин болушуна жол бербейт жана организмдин вирустар менен күрөшүү процессинде пайда болгон ууларды жок кылат. Таттуу суусундуктар же алкоголь ичимдиктеринин ордуна жөнөкөй сууга артыкчылык бергиле. Айрым бөлмөлөр кургак болушу мүмкүн, бул дем алуу көйгөйүн жаратат. Андыктан нымдуу абаны камсыздаш керек.

Эң башкысы, мунун баарын өзүңүздүн жана үй-бүлөңүздүн көңүлүнө жаккандай кылып жасаңыз. Анын негизги максаты - стресстен арылуу жана көңүл ачууга багытталган. Үй-бүлө мүчөлөрүнүн чогулуп кандайдыр бир нерсени жасашы жабык бөлмөдө көпкө отурган балдар үчүн кооптонуудан арылууга жардам берет.

1758
Белгилер:
үй-бүлө, бала, карантин, машыгуу, көнүгүү
Тема:
Коронавируска байланыштуу Кыргызстандагы кырдаал (1438)
Тема боюнча
Министрлик: үйдө отурган балдарга психологиялык жагымдуу шарт түзүп бергиле
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

86
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

86
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

85
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

85
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды