Медициналык кызматкер коопсуз костюм кийип жатат. Архив

Коронавирус жуктурган медиктер жана айыккандар тууралуу такталган маалымат

978
(жаңыланган 14:44 07.04.2020)
Расмий маалымат боюнча, учурда өлкөдө коронавирустан айыккандардын саны — 23, вирус жуктурган дарыгерлер — 19 экени тастыкталды.

БИШКЕК, 7-апр. — Sputnik. Коронавирус жуктурган медиктер жана айыккан жарандар тууралуу саламаттык сактоо министринин айткандары менен расмий жарыяланган статистика дал келбей калууда.

6-апрелде министр Сабыржан Абдикаримов өткөн суткада коронавирустан 10 адам айыкканын, ошол эле күнү дагы 23 кишини ооруканадан чыгаруу пландалып жатканын айткан. Ага чейин тогуз кишинин сакайып чыкканы айтылып жаткан.

Бүгүнкү маалымат жыйында жогоруда белгиленген 23 бейтап үйүнө чыгарылганын билдирди. Бирок Республикалык штабдын кечээки статистикасы 10 бейтап сакайганын, бүгүн ага 13 адам кошулуп жалпы 23тү түзгөнүн көрсөтүүдө.

Муну тактоо үчүн Sputnik Кыргызстандын кабарчысы Саламаттык сактоо министрлигинин маалымат кызматы менен байланышып, азыркы тапта 23 адам гана айыкканын билдирди.

Ал эми бүгүн, 7-апрелде, министр жети медицина кызматкери коронавирус жуктуруп алганын маалымдады. Ага чейин Саламаттык сактоо министрлигинин ыкчам штабынын жетекчисинин орун басары Касымбек Мамбетов тогуз дарыгерге COVID-19 жукканын айткан. Кийин андан башка маалымат берилген эмес. Ошондо жалпы саны 16ны түзмөк.

Деген менен министрликтин маалымат кызматы такталган статистика катары 19 дарыгер вирус менен алышып жатканын жазууда.

Муну менен расмий маалымат боюнча, учурда өлкөдө коронавирустан айыккандар — 23, жуктурган дарыгерлер — 19 экенин түшүнүүгө болот.

978
Белгилер:
статистика, жуктуруу, дарыгер, коронавирус
Тема:
Коронавируска байланыштуу Кыргызстандагы кырдаал (2324)
Тема боюнча
Кытайда өткөн суткада коронавирустан каза болгондор катталган жок
5 жылга камалышы мүмкүн. Ошто COVID-19дун белгилерин жашырган адамга иш козголду
Бишкектеги 7 апрель көчөсү. Архивдик сүрөт

Жекшембиге карата аба ырайы

3
25-октябрь, жекшембиге караган түнү, республика боюнча жаан-чачын күтүлбөйт. Батыштан соккон желдин ылдамдыгы секундасына 4-9 метрге жетет.

БИШКЕК, 24-окт. — Sputnik. Жекшемби күнү күндүз күн ачык болот, тоолорго кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас аймактарында +10...+15, Ош, Жалал-Абад, Баткен облустарында +14...+19, Ысык-Көлдө +5...+10, Нарын өрөөнүндө +6...+11 градус жылуу болот.

Ысык-Көлдө унаа жолун бойлой туристтер үчүн 17 STOP түйүнү курулат

Ал эми борбор калаада күндүн табы +12...+14 градуска чейин көтөрүлсө, Ош шаарында +16...+18ге жетет.

3
Белгилер:
Кыргызстан, октябрь, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Туризм ассоциациясынын төрагасы Эрмек Мырзабеков

Мырзабеков: кышкы туризм дагы кризиске кептелүү коркунучунда

5
Туризм ассоциациясынын төрагасы Эрмек Мырзабеков өлкөдө кышкы туризм да киреше алып келе албай тургандыгын айтып, бул тармактагы ишкерлерге тынчсызданды.
Мырзабеков: кышкы туризм дагы кризиске кептелүү коркунучунда

Коронавирустун таасиринен улам болгон туризм тармагындагы кризистин таасири алдыда билинет. Мындай пикирин Эрмек Мырзабеков Sputnik Кыргызстан радиосуна маек берип жатып билдирди.

Анын айтымында, коронавирус туризм бизнесин эки доорго бөлүп койду.

Кыргызстанда туризм тармагында канча адам ишсиз калды. Кейиштүү сандар

"2019-жылга салыштырмалуу туризм багытындагы өнүгүү тескери динамиканы көрсөтүп калды. Көпчүлүгү кризис деп жатат. А чынында каатчылык эми болот. Себеби туризм менен жан баккан аймактарыбыз бар. Алсак, Ысык-Көл облусунун тургундары, ишкерлери турсезондо каражат таап, аны менен бир жыл жашайт. Быйыл андай болгон жок. Демек, алар мурда топтолгон, катылган каражаттарын колдонушууда. Ал акчалар деле акыры түгөнөт. Мына ошондо биздин экономика, коом үчүн кыйын убак келет. Албетте, учурда кышкы туризмди тосуп алууга даярдыктар көрүлүп жатат. Бирок медиктер боолголоп жаткандай эпидемиологиялык абал кайрадан начарласа, кышкы туризм тармагында кызмат көрсөткөн ишкерлер дагы катаал күнгө туш болушу ыктымал. Негизи эле бул вирус дүйнө жүзүндөгү туризмди эки доорго бөлүп койду", — деди Мырзабеков.

Ошондой эле ал туризм тармагына өкмөт тарабынан бөлүнгөн каражат жеткиликтүү деңгээлде таканчык боло албастыгын кошумчалады.

5
Белгилер:
каатчылык, коронавирус, туризм
Тема боюнча
Карап эле турсаң!.. Бирде бар, бирде жок болгон Көл-Суунун укмуш сүрөттөрү