Карыя аял телефон кармап турат. Архив

Жашы өтүп калган ата-энеге карантинде кантип кам көрүү керек? Кеңештер

588
Дарыгер улгайган ата-энеси менен чогуу жана өзүнчө жашагандар үчүн кеңеш берди. Адистин айтымында, кары адамдарга азык-түлүк алып берип коюу жетишсиз, башка эрежелерди дагы сактоо зарыл.

БИШКЕК, 8-апр. — Sputnik. Россиялык дарыгер Надежда Рунихина карантин учурунда карыган ата-энеге кантип кам көрүү керектигин айтып берди. Бул тууралуу РИА Новости жазды.

Дарыгер белгилегендей, улуу курактагыларга кальций жана D витаминине бай болгон азыктарды алып берүү керек. Ошондой эле алар сыртка чыгып эл менен байланышта болбой, үйдө санаасыз отурушу үчүн жетиштүү азык-түлүк, керектүү дары-дармегин камдап коюу зарыл.

Мындан сырткары, эң маанилүүсү, улгайган адамдарды эртең мененки көнүгүүлөрдү жасоого, үйдө ары-бери басууга көндүрүү керек. Бул нерсе алардын ден соолугун бекемдейт.

Карыган ата-энеси менен чогуу жашагандарга гигиенаны сактоо сунушталат. Эгер өзүнчө жашашса азык-түлүк алып барганда кучакташпай, 1,5 метрлик дистанцияны сактоо зарыл.

Пенсионер үчүн үйдөгү абал дагы маанилүү. Полдун бекемдигин текшерип, чалынып жыгылта турган килем, паластарды жана башка тоскоолдуктарды алып салуу керек.

588
Белгилер:
коопсуздук, пенсионер, ата-эне, дарыгер, карантин
Тема:
Кытайдагы жаңы типтеги коронавирус (748)
Тема боюнча
Бишкектеги банктардын иш графиги, телефону жана дареги. Карта
Биринчи жолу! Ошто коменданттык саатты бузган 10 киши 3000 сомдон айыпка жыгылды
Суракматов: Бишкекте бир шарт менен коронавирус ооздукталышы мүмкүн
Гүл кармап турган адам. Архив

Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды

3
Баатыр Жалиевдин чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

БИШКЕК, 31-май — Sputnik. 85 жаш курагында живописчи, график, КР эл сүрөтчүсү Баатыр Жалиев дүйнө салды. Бул тууралуу мамлекет башчынын маалымат кызматы билдирип, ага жазылган некрологду жарыялады.

Жалиевдин чыгармачылыгы өнөр жай жана айыл чарба темасына арналган. Ал өлкөдөгү эпкиндүү курулуштарды, элет жерлериндеги өзгөрүүлөрдү көркөм чагылдырып, мезгилдин кеңири полотносун жараткан. Сүрөтчүнүн "Өнөр жайлуу Ош" (1966), "Ош курулуп жатат" (1972), "Хайдаркан комбинаты", (1974) аттуу чыгармалары түштүк жергесиндеги кубаттуу ишканаларда иштеп жаткан жумушчуларды, алардын эмгегин, көркөм образын жаратып, кыргыз жумушчуларынын эсте каларлык галереясын түзгөн. Жанрлуу-портреттүү "Тогуз коргоол" (1974) чыгармасы Баатыр Жалиевдин чыгармачылык чоң жетишкендиги болуп эсептелет.

Баатыр Жалиевдин көркөм сүрөттөрү республикалык, бүткүл союздук жана эл аралык көргөзмөлөргө катышып, байгелүү орундарга арзыган. Сүрөтчүнүн чыгармалары Гапар Айтиев атындагы улуттук көркөм сүрөт искусство музейинде жана КМШ өлкөлөрүнүн музейлеринин алтын фондунда сакталып турат.

Сүрөтчү көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Жалиев графика жаатында мыкты картиналардын циклин жаратты. Сүрөтчүнүн дүйнө таанымы, көркөм эстетикалык чабыты, терең философиясы анын кыл калеми аркылуу кеңири чагылдырылган. Ал кыргыз интеллигенциясынын эсте каларлык көркөм образдарын жаратып, улуттук сүрөт өнөрүн бийик деңгээлге көтөргөн.

Сүрөтчүнүн көп жылдык изденүүсү аркылуу улуттук сүрөт маданиятында "Сизизм" көркөм формасы жана агымы жаралган. Бул агымдын негиз салуучусу катары улуттук сүрөт өнөрүнө жаңы дем кошуп, өзүнүн сүрөтчүлүк "мектебин" жараткан. Сүрөтчүнүн эмгектери учурда өзүнүн үй-музейинен орун алган. Баатыр Жалиевдин өз демилгеси менен негиздеген үй-музейи 2012-жылдан бери иштеп келет.

Баатыр Жалиевдин сүрөтчүлүк таланты жогору бааланып, "Эмгектеги артыкчылык" медалы, Кыргыз ССР Жогорку Советинин Ардак грамоталары менен сыйланган. Ага КР эл сүрөтчүсү ардактуу наамы ыйгарылган.

Баатыр Жалиевдин тажиясы 2020-жылдын 31-майында Ош шаарында өтөт.

3
Белгилер:
Баатыр Жалиев, чыгармачылык, өмүр баян, өлүм, сүрөтчү
Тема боюнча
Таланттуу опера ырчысы Сагибжамал Ходжибекова көз жумду. Некролог
Ооруканадагы өспүрүм. Архив

Өткөн суткада COVID-19 чыккандардын ичинде Россиядан келген өспүрүм бар

20
31-майга карата Кыргызстанда COVID-19 вирусун жуктургандардын жалпы саны — 1748. Анын ичинен 1170 киши сакайып чыгып, 16сы каза болду.

БИШКЕК, 31-май — Sputnik. Брифинг учурунда саламаттык сактоо министринин орун басары Нурболот Үсөнбаев акыркы суткада коронавируска кабылганы аныкталган 26 киши вирусту кайдан илештирип алганын айтып берди.

“COVID-19 илдетин жаңы жуктурган 26 учурдун экөө сырттан келгендер. Биринчиси жүк ташуучу автоунаанын айдоочусу, экинчиси энеси менен Россиядан келген өспүрүм. Калгандары жуктургандар менен байланышта болгондор”, — деди Үсөнбаев.

31-майга карата Кыргызстанда COVID-19 вирусун жуктургандардын жалпы саны — 1748. Анын ичинен 1170 киши сакайып чыгып, 16сы каза болду.

20
Белгилер:
ден соолук, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Өткөн суткада коронавирус 26 кишиден чыкты
Бүгүн бир аз көбүрөөк. Коронавирустан 57 киши сакайып чыкты
COVID-19: вируска каршы турган дагы алты медик оору жуктурду