Дарыкана кызматкери. Архив

Бишкектеги дарыканалардын иш графиги, телефондору жана дареги. Карта

318
Өзгөчө абал режиминде Бишкектеги дарыканалар кандай иштеп жатканын Sputnik Кыргызстан агенттиги даярдаган материалдан окуңуздар.

25-марттан тарта борбор калаада жана Кыргызстандын бир катар шаар менен региондорунда өзгөчө абал режими киргизилген. Буга байланыштуу ишканалар жабылып, күнүмдүк турмушка өтө зарыл болгондору гана иш тартибин өзгөртүп иштей баштады. Алардын арасында дарыканалар дагы бар.

Айрым компаниялар соода, оюн-зоок борборлорунда жайгашкандардан башка дарыканалары күнү-түнү иштеп жатканын айтышат. Болгону саат 20.00дөн кийин терезе аркылуу гана соода жүрөт. Дагы башкалары күндүз гана иштешүүдө.

Баса, Бишкек шаарындагы 3-4 компаниянын дарыканалары товарды үйгө жеткирип берүү кызматын сунуштай баштады. Кайсы бир суммага чейин кызмат акысы 150 сомдун тегереги. Алган товарыңыз кайсы бир суммадан ашса, жеткирүү акысыз.

318
Белгилер:
график, дарек, дарыкана, Бишкек
Тема боюнча
Бишкектеги жеке медклиникалар. ӨА режиминдеги иш тартиби жана картасы
Бишкектеги банктардын иш графиги, телефону жана дареги. Карта
Борбордогу супермаркеттер ӨА режиминде кандай тартипте иштеп жатат. Карта
Спутник V вакцинасы. Архивдик сүрөт

Бириккен Улуттар Уюмунда "Спутник V" вакцинасынын бет ачары өтөт

9
(жаңыланган 16:01 02.12.2020)
Вакцинаны тааныштыруу БУУнун Башкы ассамблеясынын атайын комиссиясынын аймагында болмокчу. Анда бул препарат боюнча кенен маалымат берилет.

БИШКЕК, 2-дек. — Sputnik. БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөт. Бул туурасында РИА Новости жазды.

"Иш-чарага Россиянын саламаттык сактоо министри Михаил Мурашко, БУУдагы Россиянын атайын өкүлү Василий Небензя, Түз инвестициялар боюнча россиялык фонддун жетекчиси Кирилл Дмитриев катышат", — деп билдирген өкүлчүлүктүн маалымат катчысы Федор Стржижовский.

Ал "Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрүн кошумчалады. Отурумда россиялык бул препарат боюнча кенен маалымат берилери айтылды.

Министрлик быйылкы жайдын аягында дүйнөдө биринчи жолу COVID-19га каршы вакцинаны каттаган. Ал Гамалея атындагы Эпидемиология жана микробиология улуттук изилдөө борборунда иштелип чыгып, "Спутник V" деп аталган. Анын негизги артыкчылыгы коопсуз, майнаптуу жана узакка созулган терс кесепети жок ыкмаларсыз жасалгандыгында экендигин айтышкан.

9
Тема:
Дүйнөгө жайылган коронавирус
Тема боюнча
"Спутник V" вакцинасын социалдык тармактар аркылуу тааныштыра башташат
Мэрдин милдетин аткаруучу Балбак Түлөбаев. Архив

Түлөбаев: жеке компаниялардын корпоративине тыюу сала албайм

19
(жаңыланган 15:55 02.12.2020)
Бишкек шаардык кеңешинин жыйынында депутат Нургазы Каримов "корпоратив өткөрүүгө салынган тыюу жеке компанияларга дагы тийиштүүбү" деген суроо узаткан.

БИШКЕК, 2-дек. — Sputnik. Жеке компаниялар жаңы жылдык корпоратив өткөрө турган болсо, бул алардын конституциялык укугу экенин мэрдин милдетин аткаруучу Балбак Түлөбаев Бишкек шаардык кеңешинин жыйынында билдирди.

"Муниципалдык жана чарбалык кызматтарга жаңы жылдык корпоратив өткөрүүгө тыюу салынды. Мен кызматкерлерге той-аштарга, корпоративдерге барбагыла деп айткам", — деди Түлөбаев.

Шаардык кеңештин депутаты Нургазы Каримов "тыюу жеке компанияларга дагы тийиштүүбү?" деген суроо узатты.

"Мен аларды тыя албайм. Бул алардын конституциялык укугу. Мен өзүмдүн кызматкерлериме эле айттым", — деди мэр.

Буга чейин вице-премьер Эльвира Сурабалдиева өкмөт жаңы жылдык корпоративдерге тыюу сала турганын айткан. Кийинчерээк бул эреже бир гана мамлекеттик органдарга тийиштүү экени маалымдалган.

19
Белгилер:
Жаңы жыл, корпоратив, мэр, Балбак Түлөбаев
Тема:
Коронавируска байланыштуу Кыргызстандагы кырдаал
Тема боюнча
Бишкекте азык-түлүктүн баасын арзандатуу үчүн жарманкелер ачылат
Балбак Түлөбаев жаңы конуштардагы жерлерди мыйзамдаштырып кетерин айтты