Гинекологдор кош бойлуу аялдарды бейтапканага келтирбей, онлайн кеңеш берет

© AP Photo / Teresa CrawfordБольница в Чикаго
Больница в Чикаго - Sputnik Кыргызстан
Жазылуу
Адистин айтымында, кош бойлуу аялдын өзү жана баласы үчүн жоопкерчилиги эки эсе жогору болушу керек.

БИШКЕК, 9-апр. — Sputnik. Кыргызстанда кош бойлуу аялдардын бейтапканага катташына чек коюлуп, онлайн консультация берилет. Бул тууралуу Саламаттыкты сактоо министрлигинин башкы акушер-гинекологу Раиса Асылбашева билдирди.

Анын айтымында, кош бойлуу аялдын өзү жана баласы үчүн жоопкерчилиги эки эсе жогору болушу керек. Андыктан сактануунун эң негизги ыкмасы — обочолонуу.

"Биз аялдарга ооруканага келбей турушун эскерттик. Телефон аркылуу гана байланышып, онлайн консультация берип жатабыз. Ар бириңиздер өз дарыгериңиз менен байланышта болуп туруңуздар. Ал эми ден соолугуна байланыштуу тобокелчиликтер жогору турган аялдар үчүн мобилдик бригада уюштуруп, үйүнө барып жардам көрсөтүшөт. Эгер толгоосу башталып калгандар болсо, тез жардам унаасын жөнөтөбүз", — деди башкы адис.

Кош бойлуу аял. Архив - Sputnik Кыргызстан
Коронавируска кош бойлуу келин шектелсе кайда жаткырылары айтылды
Ошондой эле ал төрөттөн кийин дагы эне-балага кам көрүү иштери дистанттык түрдө болорун кошумчалады. Ал эми туулгандыгы тууралуу күбөлүк мурдагыдай эле төрөт үйүндө берилет.

Мындан сырткары, Асылбашева Бишкектеги №2 төрөт үйүнүн бир корпусунда 26 орундуу обсервация жайы уюштурулуп, коронавирус жугузган адамдар менен байланышкан кош бойлуу аялдар жаткырылганын билдирди. Ал жерде текшерүү жана операция бөлүмү, төрөтүү залы, акушердик жана ымыркайларды жаткыруу бөлмөсү бар.

Адистин айтымында, коронавирус жуктурган аялдарды төрөтү02ү боюнча дагы эрежелер иштелип чыккан.

Жаңылыктар түрмөгү
0