Ош шаары жана Ноокат, Кара-Суу райондору боюнча комендант Малик Нурдинов

Буюртма аткарып жатасыңар! Ош коменданты мамкызматкерлерге эскертүү берди

1424
(жаңыланган 13:42 09.04.2020)
Коменданттын айтымында, айрым бийлик өкүлдөрү шаар ичинде адам ташып, бирөөнүн буюртмасын аткарып жаткан учурлар кездешүүдө.

БИШКЕК, 9-апр. — Sputnik. Калаада маанилүү жумуштарды жасоо үчүн өткөрмө кагазын алган айрым мамлекеттик кызматкерлер аны жеке кызыкчылыгы үчүн колдонууда. Бул туурасында Ош шаары жана Ноокат, Кара-Суу райондору боюнча комендант Малик Нурдинов маалымат жыйынында билдирди.

Комендант өткөрмө кагазын алгандан кийин башка максатта колдонулуп кеткен бир нече фактыларды айтып өттү.

“Ош шаары жана Ош облусундагы бийлик өкүлдөрүнө кайрылып кетейин. “Биздин жумушубуз зарыл, элди тейлейбиз” деп өткөрмө кагазын алган мамлекеттик кызматкерлер көпчүлүк учурда аша чаап атасыздар. Адам ташып, бирөөнүн буюртмасын аткарып, өткөрмө кагазын өзүңөрдүн кызыкчылыгыңарга колдонуп жаткан учурларды кездештирип жатабыз. Ушуну тыйсаңыздар! Өткөрмө кагазы менен ары-бери көп чапкылабаңыздар, бул билинип калды”, — деди Нурдинов.

Мындан сырткары, ал Ош шаарынан азык-түлүк ташыйбыз деп уруксат кагазын алгандар Өзгөн, Ноокен райондорунан кармалып жатканын белгиледи.

Эскерте кетсек, COVID-19 жуктургандардын басымдуу бөлүгү өлкөнүн түштүк регионунда катталууда. Ош шаарында 36 жана облусунда 98 киши коронавируска чалдыккан.

Ал эми Кыргызстан боюнча өпкөнү сезгентүүчү ооруга кабылгандардын саны 280ге жетти. Анын 147си аял, 133ү эркек. Арасында 34 медик аталган дарт менен алпурушууда.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарлардын маалыматын ыкчам, ыңгайлуу шартта окуу үчүн Telegram-каналыбызга баш багыңыз.

1424
Белгилер:
мамлекеттик кызматкер, кагаз, өткөрмө, эскертүү, комендант, Ош
Тема:
Коронавируска байланыштуу Кыргызстандагы кырдаал (2317)
Тема боюнча
Ош коменданты: өзүнө "тазамын" деп анализ чыгаргандарды колун кайрып алып келдик
Эркектерге гинекологго жолдомо бербегиле. Оштун коменданты дарыгерлерге кайрылды
Ошто ажы тойго барып кесиптештерине COVID-19 жуктурду деген медик үн катты
Саргарган дарактар. Архив

Бейшембиге карата аба ырайы

38
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

38
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

268
(жаңыланган 23:47 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда, Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

268
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды
Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашы

Гэтжи менен Нурмагомедов көз караштар таймашын өткөрдү. Видео

0
(жаңыланган 23:08 21.10.2020)
Нурмагомедов менен Гэтжинин чемпиондук наам үчүн кармашы саналуу күндөрдөн кийин Абу-Дабидеги "Мушкерлер аралы" аренасында болот.

БИШКЕК, 21-окт. — Sputnik. Абсолюттук мушкерлер чемпионаты (UFC) россиялык чемпион Хабиб Нурмагомедов менен америкалык Жастин Гэтжинин көз караштар таймашынын видеосун жарыялады.

Бүгүн, 21-октябрда, мушкерлер маалымат жыйын өткөрүп, андан кийин салтка айлангандай бетме-бет жолугушту. Атлеттер бири-бирине сес көрсөтпөй, сый менен тике карашкан.

Посмотреть эту публикацию в Instagram

Публикация от ufc (@ufc)

Промоутерлик компания жүктөгөн экинчи видеодон Гэтжи утурумдук чемпион болгондогу бел курун тагынбай койгонун көрүүгө болот. Аны башында көтөрө келген. Ал эми чыныгы чемпион атыккан Нурмагомедов курун кармап кадрга түшкөн.

Посмотреть эту публикацию в Instagram

Публикация от ufc (@ufc)

Нурмагомедов менен Гэтжинин чемпиондук наам үчүн кармашы 24-октябрда UFC 254 турниринин алкагында Абу-Дабидеги "Мушкерлер аралы" аренасында болмокчу. Россиялык мушкер бел курун сактап калганга жан үрөйт.

0
Белгилер:
таймаш, видео, Жастин Гэтжи, Хабиб Нурмагомедов, UFC
Тема боюнча
Уайт: Нурмагомедов — Гэтжи беттеши UFC тарыхындагы эң ири таймаш болот