Ооруканадагы палата. Архивдик сүрөт

Кыргызстанда коронавирустан жалпы 39 адам айыгып чыкты

190
(жаңыланган 10:57 10.04.2020)
COVID-19 жуктургандардын жалпы саны 298ге жетти. Беш киши көз жумганы айтылды. Илдет менен 39 медицина кызматкери алпурушуп жатат.

БИШКЕК, 10-апр. — Sputnik. Өткөн суткада Кыргызстан боюнча тогуз адам коронавирустан сакайып, ооруканадан чыгарылды. Бул туурасында саламаттык сактоо министринин орун басары Мадемин Каратаев брифинг учурунда билдирди.

"Тогуз адам жакшы болуп чыкты. Ушул тапта ооруканада 254 жаран калууда, анын сегизинин абалы оор", — деди Каратаев.

COVID-19 жуктургандардын жалпы саны 298ге жетти. Бүгүн Ноокаттагы ооруканада 87 жаштагы бейтап каза тапканы айтылып, көз жумгандарды жалпы саны бешөө болду. Илдет менен 39 медицина кызматкери алпурушуп жатат.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот

190
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал (2337)
Тема боюнча
Ноокатта коронавирус аныкталган бир адам каза болду
Кыргызстанда дагы 18 кишиден коронавирус чыкты. Жалпы саны 298ге жетти
Лид-аниматор Самара Мастанова

Мастанова: он мүнөттүк мультфильмди төрт күндө жасап бүтөбүз

3
(жаңыланган 17:43 28.10.2020)
Лид-аниматор Самара Мастанова Кыргызстанда кандай анимациялык эмгектер жасалып жатканын айтып берди.

Мастанова: он мүнөттүк мультфильмди төрт күндө жасап бүтөбүз

Лид-аниматор сценаристтер жана сүрөтчү-мультипликатор менен иштейт. Алсак, окуяга канча каарман, кандай фон, образдар керектигин дал ушул адис айтып турат. Бул тууралуу Самара Мастанова Sputnik Кыргызстан радиосунун эфиринде маек куруп жатып билдирди.

Балдар видеороликтери менен укмуштай акча тапчубуз. Дасыккан ютубердин баяны

Анын айтымында, бир команда кыска метраждуу он мүнөттүк мультфильмди төрт күндө жасап бүтөт.

"Мен Кыргыз-түрк "Манас" университетин аяктап жатканда дипломдук ишимде анимация жасадым. Албетте, бизде бул тармакка басым жасалып окутулбайт. Бирок интернетте видео сабактардын жардамы менен анимациялык тасма жаратса болот. Ошону менен бирге аталган окуу жайда Кыргызстандын алдыңкы аниматорлорунун бири Каныбек Өмүрбековдун кошумча курстарына катышуу мүмкүнчүлүгү бар. Азыр мен — иштеп жаткан студияда лид-аниматормун. Менин функциям тапшырык келсе бөлүштүрүп, жумуштун аткарылышын көзөмөлдөп, бүткөн анимациянын композициясы, пландарын карап, каталарын текшерүү. Алсак, бизде 8-9 кишиден турган 2D жана 3D жасаган командалардын бирден лид-аниматору болот. Азыркы учурда биздин эмгектер "Ютубдагы" каналга чыгып жатат. Бул өспүрүмдөргө арналган контент десек болот. Анда адамдардын жашоосундагы ийгилиги же жеңилүүсү, сүйүү же көңүл калуу жана кайгылуу, же тескерисинче, күлкүлүү окуялары чагылдырылат. Анимациялардын үнү кыргызча, түркчө, казакча, орусча, немец жана англис тилинде коштолуп чыгып жатат", — деди Мастанова.

Ал 2D жана 3D анимацияларды Moho pro, Blender программаларынын жардамы менен жасап жатышканын кошумчалады.

3
Белгилер:
анимация, тасма, мультфильм
Тема боюнча
Мультфильм каарманына айланган ар улуттун кыздары. Суктанткан сүрөттөр
Бишкектеги Ала-Тоо аянтыдагы митинг учурунда. Архив

Жумабеков: митингде жабыркагандардын бири комадан чыга элек, абалы оор

21
(жаңыланган 16:45 28.10.2020)
Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап бар.

БИШКЕК, 28-окт. — Sputnik. "Ала-Тоо” аянтындагы митингде жабыркагандардын бири дагы деле комадан чыга элек, абалы оор. Бул тууралуу Sputnik Кыргызстан агенттигинин кабарчысына Травматология жана ортопедия илим-изилдөө борборунун жетекчиси Сабырбек Жумабеков билдирди. 

Анын айтымында, жабыркагандардын ичинен ооруканада 10 бейтап калды.

"Митингчилер менен милициянын кагылышынан биздин ооруканага 600дөй адам кайрылган. Азыр алардын ичинен 10у калды. Бешөөнүн абалы оор, бирөө комадан дагы деле ойгоно элек. Дары-дармек акысыз берилип жатат. Кээ бири операция болду. Аларга да операциялар бекер жасалууда", — деди Жумабеков.

Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап жатат.

"Улуттук госпиталда бир бейтап жатат. Калганы үйлөрүнө чыгарылды", — деди Жумалиев.

5-6-октябрда Бишкекте болгон митингден жабыркап, ооруканага жалпы 1 253 киши кайрылган.

Митингде бир көзүнөн айрылган Уларбектин таежеси: экинчи көзү да коркунучта

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

21
Белгилер:
ден соолук, абал, кома, Митинг, оорукана
Тема:
Парламенттик шайлоодон кийинки окуялар
Тема боюнча
Кыргызстанда беш партия биригип бийликке 6 талап койду
Балбак Түлөбаев Бишкек мэринин милдетин аткара баштады