Пакистандык ыктыярчылар машыгуу учурунда

Пакистанда коронавируска чалдыккан кыргызстандык көз жумду

942
(жаңыланган 13:50 10.04.2020)
Пакистанда кыргызстандык жети адамдан коронавирус аныкталган. Бүгүн алардын арасынан биринчи өлүм катталды.

БИШКЕК, 10-апр. — Sputnik. Пакистанда коронавируска чалдыккан кыргызстандык жаран, "Таблиги жамаат"* диний кыймылынын мүчөсү көз жумганын жергиликтүү The News International басылмасы жазып чыкты.

Тышкы иштер министринин биринчи орун басары Нуран Ниязалиев
© Фото / Республиканский штаб КР по борьбе с COVID-19
Агенттиктин маалыматы боюнча, кыргызстандык жаран 9-апрелде Лахор шаарынын Майо госпиталында каза тапты. Ал бул жерге Райвинда Марказа клиникасынан апрелдин башында которулган.

Маркум 73 жашта болгон. Эркек киши COVID-19 вирусунан тышкары кант диабети менен жабыркаган.

Ал эми коронавирусту алдын алуу боюнча түзүлгөн Республикалык штабдын айтымында, 1947-жылы туулган кыргызстандык жаран жүрөк оорусунан каза тапкан. Анда COVID-19 инфекциясы да бар экени аныкталган.

"Көз жумган кишинин экинчи тестинин жыйынтыгы күтүлүп жаткан, ал карантиндик зонада болчу. Улгайган курагынан улам анда башка тубаса илдеттери да өрчүп кеткен. Маркумдун туугандарынын макулдугу менен сөөгү Пакистанга коюлду", — деп айтылат маалыматта.

Кыргызстандын Тышкы иштер министрлигинин билдиришинче, учурда көз жумган кишиден тышкары Пакистанда коронавирус жуктурган алты адам бар.

Ал эми Пакистандын өзүндө COVID-19 жуктургандарын саны эки миңден ашты. Анын 662си "Таблиги жамаат" диний кыймылынын мүчөлөрү.

942
Белгилер:
коронавирус, өлүм, кыргызстандыктар, Пакистан
Тема:
Кытайдагы жаңы типтеги коронавирус (758)
Тема боюнча
Кыргызстандыктарды умрага жөнөткөн фирмаларга чара көрүлөбү? Коменданттын жообу
Чет өлкөлөрдө коронавирус жуктурган 23 кыргызстандык бар. Мамлекеттер
Зомбулук көрсөткөн адам. Архивдик сүрөт

Жакындарына зомбулук көрсөткөн адамдын жазасы катуулайт. Өзгөргөн мыйзам

8
(жаңыланган 11:55 05.06.2020)
Аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

БИШКЕК, 5-июн. — Sputnik. Өлкө башчы Сооронбай Жээнбеков "КР Жазык-процесстик кодексине өзгөртүүлөрдү киргизүү жөнүндө" мыйзамга кол койду. Бул тууралуу президенттин маалымат кызматы кабарлады.

Ага ылайык, аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

Мыйзамга киргизилген өзгөртүүлөргө ылайык, Жазык-процесстик кодексинин 504-беренеси толукталып, 1-3-бөлүгү боюнча үй-бүлөлүк зомбулук жасады деп шектелген адам төмөнкүдөй негиздер болгондо кармалышы мүмкүн:

  • Эгерде шектүү адам жабырлануучу жана башка үй-бүлө мүчөлөрүнүн өмүрүнө жана ден соолугуна коркунуч жаратса;
  • Эгерде шектүү мас абалында болуп, жабырлануучу жана башка үй-бүлө мүчөлөрүнө коркунуч келтирип жатса;
  • Эгерде шектүү адам жабырлануучуну жана башка үй-бүлө мүчөлөрүн кордоону, аларга коркунуч келтирүүнү, уруп-сабоону, шылдыӊдоону, басмырлоону улантат деп болжогонго мүмкүндүк берүүчү негиздер бар болсо.
"Аталган өзгөртүүлөр менен жабырлануучу жана башка үй-бүлө мүчөлөрүнүн коопсуздугун камсыздоо максатында зомбулук жасоого шектүү адамды 48 саатка чейин кармоо чарасы каралган", — деп айтылат маалыматта.

Мыйзам расмий жарыяланган күндөн тартып күчүнө кирери кошумчаланды.

8
Белгилер:
зомбулук, үй-бүлө, өзгөртүүлөр, мыйзам, президент, Кыргызстан
Тема боюнча
КРге донорлор үй-бүлөлүк зомбулук менен күрөшүү үчүн 200 миң доллар бөлдү
Мурдагы жигитиңди эстебейм деген. Күйөөсүнүн кордугунан чарчаган келиндин каты
Саламаттык сактоо министринин орун басары Нурболот Үсөнбаев

COVID-19ду кимдер массалык түрдө жайылтып жибериши мүмкүн. Үсөнбаевдин жообу

101
(жаңыланган 11:29 05.06.2020)
Саламаттык сактоо министрлигинин өкүлү коронавируска чалдыгып, бирок анын белгилери билинбей же жеңил формада өтүп жаткандарды обочолонтуунун зарылчыгын айтып берди.

БИШКЕК, 5-июн. — Sputnik. Коронавирустун симптому жоктор жана аны жеңил көтөргөндөр башкалар сыяктуу ооруканага жатып, бир нече ирет анализ тапшырып чыгышат. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

"Коронавируска чалдыккандардын көбүндө анын белгилери жок болот. Арасында жеңил формада ооругандар бар. Айрымдар эмнеге аларды ооруканага кармап, обочолонтуу керек деп айтышы мүмкүн. Бейтаптардын бул тобу элге коркунуч жаратат. Алар оорунун булагы болуп саналып, вирусту массалык түрдө жайылтып жибериши ыктымал. Биз симптому жокторду да стационарга жаткырып, бир нече ирет анализ алып, анан чыгарабыз. Андан кийин эки жума үй карантининде болушат", — деди Үсөнбаев.

Кыргызстанда коронавирус жуктургандардын саны 1936га жетти. Анын ичинен 1340 адам айыгып, 22си каза болду.

101
Белгилер:
анализ, коронавирус, Нурболот Үсөнбаев, КР Саламаттык сактоо министрлиги
Тема:
Коронавируска байланыштуу Кыргызстандагы кырдаал
Тема боюнча
Өлкөнүн үч аймагындагы алты медиктен коронавирус табылды
Кызынан жуккан. Министрлик COVID-19дан көз жумган аялдар боюнча маалымат берди