Аял акчасын санап жатат. Архив

Пенсия, жөлөк пулдун акчасын картадан чыгарууда комиссия алынбай турган болду

452
(жаңыланган 15:49 10.04.2020)
Брифинг учурунда борбордук банктын расмий өкүлү Аида Карабаева бул калктын социалдык аялуу катмарын колдоо максатында жасалганын билдирди.

БИШКЕК, 10-апр. — Sputnik. Кыргызстандын банктарына картадан пенсия жана жөлөк пул акчасын чыгарып жаткан учурда комиссия алууга тыюу салынды. Мындай токтомду Улуттук банк кечээ, 9-апрель күнү, кечинде кабыл алды.

"Токтом "Элкарт" банктык төлөм карталары менен эсептешүүлөрдүн улуттук системасы аркылуу нак акча каражаттарын алган учурда пенсионерлердин жана мамлекеттик жөлөк пул алчулардын карталарынан комиссия албоо боюнча коммерциялык банктарга талап коет", — деп айтылат маалыматта.

Брифинг учурунда борбордук банктын расмий өкүлү Аида Карабаева бул калктын социалдык аялуу катмарын колдоо максатында жасалганын билдирди. Комиссия "карта ээсинин ким экендигине карабастан" алынбай турганы айтылды.

Кыргызстанда коронавирус жуктуруп алгандардын жалпы саны 298ге жетти. Анын бешөө көз жумуп, 39у айыгып чыкты. Бейтаптардын арасында 39 медицина кызматкери коронавирус менен күрөшүүдө.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүз ооруканага, дарыканага жана дүкөнгө гана барууга уруксат берилген.

Учурда өлкөдө абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

452
Белгилер:
пенсия, жөлөк пул, токтом, төлөм, комиссия, карта, Улуттук банк, Кыргызстан
Тема боюнча
200 миң сом. COVID-19 жуктурган медиктерге берилчү компенсация такталды
Пакистанда коронавируска чалдыккан кыргызстандык көз жумду
Кыргызстанда коронавирустан жалпы 39 адам айыгып чыкты
Манас эпосу. Архив

"Манас" эпосунун казак тилиндеги жаңы котормосу чыкты. Өзгөчөлүгү

20
(жаңыланган 22:44 24.09.2020)
Автор буга чейин Казакстанда басылып чыккан төрт томдук котормо эл арасында сейрек кездешерин жана балдарга анча түшүнүксүз экенин айткан.

БИШКЕК, 24-сен. — Sputnik. Белгилүү манасчы Баянгали Алимжанов "Манас" эпосунун казакча котормосунун жаңы версиясын тартуулады. Бул тууралуу "Казинформ" жазды.

Ага ылайык, 40 жылдан бери манас айтып келген Алимжановдо эпосту өз версиясында которуу идеясы былтыр жаралган.

Анын айтымында, казак жазуучусу Мухтар Ауэзовдун жетекчилиги алдында басылып чыккан төрт томдук котормо эл арасында сейрек кездешет жана балдарга анча түшүнүксүз.

Жолдошов: "Манас" кара сөз менен жазылса 500-600 китеп топтому чыкчудай

Алимжанов 100 миң сапты түшүнүү окурманга оңой эмес экенин белгилеген. Ошондой эле Кыргызстанда балдар үчүн "Манастын" бир томдугу чыкканын айта кеткен.

"Мен "Манасты" 67 күндүн ичинде толугу менен которуп бүттүм. Китептин өзгөчөлүгү — эпостун эң күчтүү, көркөм, поэтикалык үзүндүлөрү Манастын рухун чагылдырган прозада баяндалган. Эпосту кыскача, келечек муундарга түшүнүктүү тилде бергим келди. Манасты ар бир манасчы өзүнчө айтат. Эпостун сюжети бирдей болгону менен түрдүүчө берилет", — деген Алимжанов.

Китептин бет ачары Нур-Султандагы "Достук" үйүндө өткөн.

20
Белгилер:
котормо, Манас эпосу, Кыргызстан, Казакстан
Тема боюнча
"Боз кырдын ойгонушу: Чыңгыз Айтматов". Залкарга арналган китеп түрк тилинде чыкты
Талаада жайылган койлор. Архив

Жумага карата аба ырайы

15
(жаңыланган 21:03 24.09.2020)
Жумага караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-сен. — Sputnik. Жума күнү, 25-сентябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Ысык-Көл жана Нарын жергесинде +18...+23, Таласта +17...+22, Ош, Жалал-Абад, Баткен облустарында +22...+27 градуска жылыйт.

Күндүн табы борбор калаа Бишкекте +20...+22, Ош шаарында +22...+24 градусту көрсөтөт.

15
Белгилер:
Кыргызстан, аба ырайы
Тема боюнча
Кыштын илеби жакындап... Октябрь айына карата аба ырайы
Табият албууттанганда. Кыргызстандагы жүрөк үшүн алган жаратылыш кырсыктары