Киши телефондон сүйлөшүп жатат. Архив

"Кыргызтелеком" өзгөчө абал режими аяктаганга чейин чалууларды акысыз кылды

1334
(жаңыланган 22:03 10.04.2020)
Өзгөчө абал режими аяктаганга чейин өлкө ичинде чалуулар бекер болуп, убактысы чектелбей турганы айтылды.

БИШКЕК, 10-апр. — Sputnik. "Кыргызтелеком" ишканасы өзгөчө абал режими учурунда Кыргызстан боюнча чалууларды акысыз кылды. Бул тууралуу ишкананын маалымат кызматы билдирди.

Ага ылайык, өзгөчө абал режими аяктаганга чейин өлкө ичинде чалуулар бекер болот жана убактысы чектелбейт. Мындан сырткары, өлкө боюнча шаар аралык чалууларга мүмкүнчүлүгү жок абоненттер дагы акысыз сүйлөшө алышат.

"Биз абоненттердин баары байланышта болуусун каалайбыз. Азыркы тапта өзгөчө абалдан улам көпчүлүк үйдө. Мындан улам "Кыргызтелеком" абоненттерге жакындары менен баарлашууга шарт түзүп бермекчи", —дешти ишкананын маалымат кызматынан.

Өзгөчө абал режиминен улам көптөгөн мекемелер, адистер акысыз кызмат көрсөтө баштады. Алсак, азыркы кырдаалга кыжаалат болуп, санаа тартып жаткандарга психологдор бекер жардам көрсөтөт.

Эске салсак, Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилди. Бул аймактарда саат 20:00дөн 7.00гө чейин көчөгө чыгууга тыюу салынган. Күндүз ооруканага, дарыканага жана дүкөнгө гана барууга уруксат берилген.

1334
Белгилер:
абонент, чалуу, байланыш, Кыргызтелеком
Тема:
Коронавируска байланыштуу Кыргызстандагы кырдаал (2740)
Тема боюнча
Кыргызча катасы жок жаза аласызбы? Тест
Бишкекте коменданттык саат учурунда терминал уурдалды
MegaCom кыргызстандыктар эмнеге байланышсыз калганын түшүндүрдү
Кыз талиясын ченеп жатат. Иллюстративдик сүрөт

Дарыгер диетасыз, залга барбай эле арыктоонун жолун айтты

21
Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт.

БИШКЕК, 13-июн. — Sputnik. Диетолог Тамила Арсеньева тез жана ден соолукка зыян келтирбей, диетасы жок, машыгуу залына барып оор көнүгүү жасабай эле арыктоонун сырлары менен бөлүшкөнүн РИА Новости жазды.

Адистин айтымында, арыктайм деген адам биринчи кезекте тамакты бөлүп жегенди үйрөнүшү зарыл. Мисалы, күнүнө аз-аздан беш маал тамактанышы шарт. Рациондо сөзсүз түрдө курамында клетчаткасы көп азыктардын болушу керек. Анткени клетчатка ичегинин иштөөсүн жакшыртып, адамды ток алып жүрөт.

Организмге белокко бай азыктар, жалбырактуу жашылча, чөп-чар, мөмө-жемиштер да керек.

Диетолог кумшекерди, кофе, газдалган суусундук жана ичимдикти азайтуу керектигин да белгилеген.

"Жок дегенде ушуларды тизмеден чийип салсаңар бир айда беш килограммга чейин салмак таштоого болот. Арыктоону каалагандар суу ичкенди да билиши керек. Таттуу суусундук тууралуу айтканым жок. Кадимки сууну басып-туруп ичсе, ал зат алмашууну 20 пайызга чейин ылдамдатат", — деди адис.

Арсеньева зат алмашууну ылдамдатууга спорт да жакшы жардамчы экенин айтып, ага кыймылдын бардык түрү, ал тургай жөө басуу да кирерин белгилеген.

Адис стресстен оолак болууну эскертип, кыйын учурда кызыктуу ишке алаксып кетүүнү сунуштаган. Мисалы, фитнес, йога же китеп окуп алаксып, достор менен баарлашууга кеңеш берген.

21
Белгилер:
рацион, тамак, машыгуу, диета, арыктоо, диетолог
Тема боюнча
Дарыгер: майы жок азык менен арыктоо тукумсуздукка алып келиши мүмкүн
Диетолог жумуртканы эртең мененки тамакка колдонбой эле коюуга чакырды
Завод жумушчулары иш учурунда

Кыргызстанда канча ишкана жана бизнесмен бар? Статистикалык маалымат

46
Өлкөдөгү компаниялардын 94 пайызы чакан ишкана, анын ичинен 60 пайызы Бишкек шаарында жайгашканы айтылат.

БИШКЕК, 13-июн. — Sputnik. Өлкө аймагында 12 миңге жакын ишкана иштейт. Бул тууралуу Улуттук статистика комитети үстүбүздөгү жылдын январь-март айларына карата чыгарган маалыматында жазылган.

Аталган компаниялардын 94 пайызы чакан ишкана, анын ичинен 60 пайызы Бишкек шаарында жайгашкан.

Чүй облусунда электрдик жана электрдик-гибриддик жапыз автобустарды куроо өндүрүшү
© Пресс-служба правительства / Алишер Алиев
Ал эми 423 миңге жакын жеке ишкер ишмердүүлүгүн жүргүзүп келет, бул өткөн жылдын ушул датасына салыштырмалуу эки пайызга өскөн.

Аны менен катар чакан жана орто ишканаларда 78 миңден ашык адам эмгектенери, бул өткөн жылдын I кварталына салыштырмалуу 3 пайызга көп.

Бул субъектилер тарабынан өндүрүлгөн товардын наркы 38,2 миллиард сомду түздү.

46
Белгилер:
ишкер, ишкана, статистика, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Мигранттар которгон акчанын көлөмү быйыл 15 жылдык рекорддон ашып түштү
Таласта төө буурчак заводу. Архив

Кыргызстан Түркияга Таласта төө буурчакты кайра иштеткен завод ачууну сунуштады

14
Айыл чарба министринин орун басары президент Садыр Жапаровдун Түркия Республикасына болгон расмий иш сапарынын алкагында жетишилген келишимдер жөнүндө айтып берген.

БИШКЕК, 13-июн. — Sputnik. Кыргызстан Түркияга Таласта төө буурчакты кайра иштеткен завод ачууну сунуштады. Бул тууралуу айыл, суу чарба жана аймактарды өнүктүрүү министринин орун басары Азамат Мукашевдин айтымына таянып президенттин маалымат кызматы билдирди.

Ага ылайык, Мукашев президент Садыр Жапаровдун Түркия Республикасына болгон расмий иш сапарынын алкагында жетишилген келишимдер жөнүндө айтып берген.

"Кыргыз тарап Түркияга Талас облусунда төө буурчакты кайра иштетүү боюнча заводдорду ачууну сунуштады. Мындан тышкары, жүгөрү жана картошканы кайра иштетүү, үрөн чарбасы менен асыл тукум мал чарбасы жаатында биргелешкен кызматташтыкты өнүктүрүү боюнча сунуштарын берди", — деген министрдин орун басары.

Түркияга болгон расмий иш сапарда кыргыз тарап тамчылатып сугаруу системасын түзүү жаатында инвестицияларды тартуу боюнча биргелешкен ишкана уюштурууну сунуштаганы кошумчаланды.

14
Белгилер:
завод, төө буурчак, Талас, айыл чарба, Түркия, Кыргызстан
Тема:
Садыр Жапаровдун Түркияга расмий сапары
Тема боюнча
Көргөндүн көзүн кубантып. Канайым Айгүл Жапарованын сапардагы сүрөттөрү
Акылбек Жапаров: Түркия менен соода жүгүртүү 1 млрд. долларга жеткирилет