Чүйлүк жеке ишкер Күлчоро Аксакалов

Сарайдагы малчыларды онлайн көзөмөлдөйм. 28 жаштагы элеттик ишкер менен маек

1695
(жаңыланган 18:48 11.04.2020)
Чүйлүк жеке ишкер Күлчоро Аксакалов төрт түлүк мал багып, айылда ондон ашык адамды жумуш менен камсыз кылат. Ал күнүнө 30 литр сүт берген асыл тукум уйларды, салмагы 7,5 килограммга чейин жеткен үндүктөрдү багып, жеке чарбасын жолго салган.

Көпчүлүк элеттиктерге үлгү болгон 28 жаштагы жаратман менен Sputnik Кыргызстан маалымат агенттигинин кабарчысы маек курду.

— Мал чарбачылыгы менен алектенгениңизге канча болду? Эмне багасыз?

— Кичинекей кезибизден эле мал менен чоңойдук, жети жылдан бери ата-энемдин ишин улантып келем. Өзүбүздүн чарбада каз, өрдөк, тоок, үндүк, уй, жылкы кармайбыз. Эки жылдан бери үндүк бага баштадык. Башында 2-3 айлык жөжөлөрдү 500 сомдон алып иш баштаганбыз. Аларды учурда 2000 сомдон сатып жатабыз. Буюрса үндүктөрдүн санын 3500гө жеткирели деп турабыз.

Предприниматель Күлчоро Аксакалов держит скот четырех видов и обеспечивает работой более десяти человек в селе
© Sputnik / Мирбек Сакенов
Чүйлүк жеке ишкер Күлчоро Аксакалов төрт түлүк мал багып, айылда ондон ашык адамды жумуш менен камсыз кылат

— Азыр бул өнөр жаңыдан өздөштүрүлө баштабадыбы. Үндүк багып өстүрүүдө эмнелерди эске алуу керек экен?

— Былтыр 320 жөжө алгам, жакшы карасаң көлөмү чоң эле болот экен. Бир жаштагыларынын салмагы 7-7,5 килограммга чейин жетти. Кичинекей кезинде көк чөптү майдалап, жемге дары-дармегин кошуп берип жүрдүк. Балапандардын бат чоңоюшуна эт жакшы жардам берет экен. Биз мал сойгон жайлардан жылкынын, бодо малдын ичеги-кардын алып келип бышырып, аны туурап жемге аралаштырып бердик. Үч айдан кийин өз алдынча талаадан курсагын тойгузганга жарап калды. Үндүктү көп санда багуу үчүн кенен жер болгону жакшы.

— Саны көбөйүп, кичине чоңоюп калганда талаада койдой эле жайылып жүрүп калат экен да?

— Ооба. Кадимкидей эле ат минип алып эки киши карайт. Алгач өзүбүздүн эле кичинекей огородго чыгарабыз. Чоңойгондо 12 гектар бедеге коё беребиз. Кышкысын сыртка чыгарбай багууга туура келет. Себеби үндүк кар жесе ооруп кыйналат экен.

Предприниматель Күлчоро Аксакалов держит скот четырех видов и обеспечивает работой более десяти человек в селе
© Sputnik / Мирбек Сакенов
Жеке ишкер Күлчоро Аксакалов: "Ала-Тоо" тукумундагы саан уйларды да кармайбыз. Бир уй суткасына 30 литрге чейин сүт берет. Уйлар талаага же жайлоого такыр чыгарылбайт. Жыл бою сарайдын ичинде чөп, жем менен багабыз. Азыр күнүнө 300-350 литрден ашык сүт заводго тапшырабыз.

— Көп сандагы мал, канаттууларды кармоого ошондой тоют кетет эмеспи. Иштеткен айдоо жериңер да көп болсо керек?

— Өзүбүздүн жерди жана ижарага жер алып иштетебиз. Жыл сайын беде, арпа, буудайды кенен эле жыйнайбыз. Гиссар кой, "Ала-Тоо" тукумундагы саан уйларды да кармайбыз. Бир уй суткасына 30 литрге чейин сүт берет. Уйлар талаага же жайлоого такыр чыгарылбайт. Жыл бою сарайдын ичинде чөп, жем менен багабыз. Азыр күнүнө 300-350 литрден ашык сүт заводго тапшырабыз.

— Чарбаңыздар чоң экен. Айылда канча адамды жумуш менен камсыз кыласыз?

— Жети үй-бүлө иш менен камсыз болгон, жалпы ондон ашык адам иштейт. Жумушчуларыбыз 15 миң сомдон жогору айлык алат. Жыл аягында кой, торпок белек кылабыз, аларга жакшы шарт түзүп бергенбиз. Мал сарайга видеокамералар орнотулган. Алыста жүрүп чарбада эмне болуп жатканын онлайн көз салып турам. Себеби малга жем, чөбүн өз убагында берип, уйлар графиги менен саалып туруш керек. Чарбада уй сааган киши жок, түркиялык аппарат колдонулат.

Предприниматель Күлчоро Аксакалов держит скот четырех видов и обеспечивает работой более десяти человек в селе
© Sputnik / Мирбек Сакенов
Жеке ишкер Аксакалов: сарайга видеокамералар орнотулган. Алыста жүрүп чарбада эмне болуп жатканын онлайн көз салып турам. Себеби малга жем, чөбү өз убагында берип, уйлар графиги менен саалып туруш керек. Чарбада уй сааган киши жок, түркиялык аппарат колдонулат.

— Анан кантип эс аласыздар?

— Малдын курсагы тоюп, иш жүрүп турса эле эс алат экенсиң. Эртеден кечке чейин эле ошол жакта жүрмөй.

— Кыргызстандагы бир топ эле малчыларга үлгү экенсиз. Аларга кандай кеңеш бересиз?

— Негизи айылда деле ишкерлик менен алектенсе болот, мүмкүнчүлүктөр кенен. Биз, кыргыздар, аябай жалкообуз. Уктаганды жана тойго барганды жакшы көрөбүз. Ишибиздин майын чыгарсак эле көп нерсеге жетишмек элек. Кээде кыргыздар талаага бедени айдап, сугарбай эле жамгырды күтүп деле жата берет. Эгер өзүбүздүн жеке чарбабызга ошондой мамиле кылсак, көңүл жылытарлык жыйынтык болбойт да. Айыл жана мал чарбасында иш кылуу үчүн көп эле акча талап кылынат. Ошол эле маалда сарпталган каражатты бат эле чыгарып, киреше көрө албайсың. Эгер короткон акчаң эки-үч жылдан кийин киреше алып келсе, анда жакшы жыйынтык деп билсе болот. Эң негизгиси мээнет талап кылынат. Аракет көрүп бир нерсе башташ керек.

Предприниматель Күлчоро Аксакалов держит скот четырех видов и обеспечивает работой более десяти человек в селе
© Sputnik / Мирбек Сакенов
Күлчоро Аксакалов: үндүктүн бат чоңоюшуна эт жакшы жардам берет экен. Мал сойгон жайлардан жылкынын, бодо малдын ичеги-кардын алып келип бышырып, аны туурап жемге аралаштырып бердик. Үч айдан кийин өз алдынча талаадан курсагын тойгузганга жарап калды. Үндүктү көп санда багуу үчүн кенен жер болгону жакшы. Кадимкидей эле ат минип алып эки киши карайт.

— Буюрса алдыда кандай пландарыңыз бар?

— Мисалы, биздин сүттү кайра иштетип, ага өзүбүз бакчада өстүргөн кара өрүктү кошсок йогурт болуп калат экен. Алдыда даяр продукт өндүрүүгө кадам таштайлы деп турабыз. Чет өлкөдөн асыл тукумдуу мал алып келели деген ниеттер бар. Австралиядан страус алып келейин деп жатам. Учурда өзүбүздүн канаттуу, малды кармаган сарайларды оңдоп-түздөп, тоют ала турган аянттарды көбөйтүүдөбүз. Андан сырткары, мал багууда адам күчүн аз пайдалануу максатында жаңы техникаларды колдонуу максаттарыбыз бар.

1695
Белгилер:
маек, айыл чарба, ишкер, Кыргызстан
Тема боюнча
Ташиев: жерди биогумус менен семиртсе продукциясы таза болот
Исираилов: мал сарайды дезинфекциялоо илдетти алдын алууга шарт түзөт
Студенттерди чет өлкөгө окууга даярдаган ишкер: 5 нерсени эстен чыгарбаш керек

Дүйнө элдеринин көз талдырган, таң калтырган бийлери. 12 сүрөт

35
Эл аралык бий күнү 1982-жылдан бери ЮНЕСКОнун алдындагы Эл аралык театр институтунун бий комитетинин демилгеси менен майрамдалып келет.

1727-жылы 29-апрелде заманбап балеттин негиздөөчүсү Жан-Жорж Новерр туулган. Атактуу франциялык хореограф жана окутуучу Луи Дюпренин шакирти Новерр 1743-жылы бийчи катары сахнага чыгып, Франция жана Британиянын театрларында иштеген. Кийинчерээк бий спектаклин түзгөн.

Новерр драмалык балеттин негиздөөчүсү катары таанымал. Анын реформалары дүйнөлүк балеттин өнүгүшүнө таасирин тийгизген.

Эл аралык майрам бийдин түрлөрү аркылуу адамдарды бириктирип, саясий, маданий жана этникалык тоскоолдуктарды жеңүүнү көздөйт. Былтыр пандемияга байланыштуу майрам онлайн белгиленген. 2021-жылы да ушундай тартипте өткөрүү чечими кабыл алынган.

35
  • © AFP 2021 / Yasuyoshi Chiba

    Рио-де-Жанейро шаарындагы (Бразилия) карнавалда самба бийлеп жаткан топ

  • © AP Photo / Jae Hong

    Токиодогу театрдын артисттери

  • © Sputnik / Igor Kostin

    Украина ССРинин Мамлекеттик академиялык бий ансамблинин артисттери өздөрүнүн бийин аткарып жатышат

  • Хака аталышындагы саламдашуу бийин бийлеген маори элинин (Жаңы Зеландия) жоокерлери

  • © AFP 2021 / Adem Altan

    Түркияда дубандар (дервиш) чимирилип бийлеп жатат

  • Америкадагы индиялык резервациянын pow-wow бийи

  • © AFP 2021 / Sonny Tumbelaka

    Бали элинин кечак бийи

  • Өнөрпоздор классикалык кхмер бийин аткарышууда

  • Англиянын элдик бийи Abbots bromley horn

  • © AFP 2021 / Timothy A. Cary

    Фламенкону келиштире аткарган бийкеч

  • © Depositphotos / Dtemps

    Эфиопиядагы хамер уруусунун салттуу бийи

  • © AP Photo / Natacha Pisarenko

    Буэнос-Айресте (Аргентина) бийчилер танго тартуулады

Белгилер:
сүрөт, балет, майрам, бий
Тема боюнча
Темир тулпардагы сулуулар. Motorsport Expo — 2021 көргөзмөсүнөн 11 сүрөт
Купальникчен лыжа тепкен сулуулар. Сочидеги фестивалдан укмуштуу сүрөттөр

Саат 12ге чейин уктап көндүк, 10до кантип турабыз. Депутаттын тамашасы видеодо

61
(жаңыланган 19:06 12.05.2021)
Бүгүн Кумтөр кенин текшерген мамлекеттик комиссия алдын ала корутундусун чыгарды. Жыйындын аягында депутаттар кийинки отурумдун убактысын белгилей албай талашышты.

Комиссия мүчөлөрү жума күнү чогула турган болуп, бирок бир тарабы түшкө чейин десе, экинчи тарабы эртең менен өткөрүүнү сунуштады.

Мамкомиссиянын төрагасы Акылбек Жапаров: "Түштө жума намазга барып Алла Тааладан билип-билбей кылган күнөөлөрүбүз үчүн кечирим сурайлы. Бул жерден далай кишини эле мекендин саткыны кылып жатабыз. Саат 15:00дө толугу менен тазаланып келип чечим кабыл алалы да, кол коёлу", — деп тамашалады.

Буга да макул болбой эртең жыйынга келүүнү сунушташты. Ошол учурда депутат Өмүрбек Бакиров "азыр биз орозодо 10го чейин уктап көнүп алдык, саат 10до кантип турабыз" деп күлдүрдү.

Натыйжада кийинки отурум жума күнү, 14-майда, саат 10:00дө өтө турган болду.

61
Белгилер:
тамаша, комиссия, Кумтөр, Акылбек Жапаров, Өмүрбек Бакиров
Тема боюнча
Комиссия "Кумтөрдү" 4,2 млрд. долларлык доого жыгып, 106 тонна алтын алууну чечти
Кыргызстанга 2,5 эсе аз акча берген. Комиссия "Кумтөрдүн" манипуляциясын айтты
Colonial Pipeline мунай компаниясынын резервуарлары. Архив

Америкалыктардын майга акчасы түгөндү: күнөө орустарда

22
Күлүшүңүз мүмкүн, бирок Америкада кайрадан орус хакерлери табылыптыр. Бу жолу алар Техастан Нью-Йоркко чейин созулган, бир күндө 2,5 миллион баррель нефть өткөргөн Colonial Pipeline түтүгүн бууп салышкан имиш.

ФБРдеги аты аталбаган тараптардын Аssociated Press басылмасына берген маалыматына ылайык, кайсы бир зыяндуу компьютердик программа Colonial Pipeline компаниясын мунай өндүрүүнү токтотууга мажбурлаган. Ушу тапта хакерлер компания жетекчилиги менен "келишүүгө макулдашып" жаткан имиш. Акыркы үч күн нефть түтүгү иштеген жок, мындан улам бензин кымбаттап, мындан ары да нарк жогорулай бермекчи.

Демократиялык партиянын CNN телеканалы киберчабуулду Darkside тобунун хакерлери жасаганын жар салышты. Бул топ, ооба, таптыңыз, орустар менен байланышта экен.

Далилби? Албетте, бар. Darkside —  которо келгенде "караңгы тарап" дегенди түшүндүрөт. Демократиялык дүйнөнүн караңгы тарабында ким турат? Албетте, орустар. Darkside тобунун өзүнүн расмий сайты, байланыш телефондору бар экен, америкалык журналисттер алар менен байланышууга да аракет жасап жатышыптыр. Сайты, контактылары жарыяланган эмне богон хакерлер деп сураарсыз. Эми бул орустун табышмактуу, көпчүлүк түшүнө бербеген жан дүйнөсү окшойт да.

Эң эле бетке чапкан "далили" — "ыплас хакерлердин" постсоветтик мейкиндиктен тыш иштегени. Бул логика менен, мисалы, хакердин чабуулу Люксембургда жасалбаса, демек, ал так ошол Люксембургда жашайт. Тилекке каршы, америкалыктар көп ойлонбой сүйлөөгө көнүп калышкан.

Чынында хакерлер тууралуу жомок Байден доорунун экономикалык кейиштүү абалын актоо үчүн ойлоп табылган. Анткени Трамптын убагында бензин өлкөдө орточо эсеп менен галлонуна эки доллардан (литрине 0,5 доллар) болуп келген. Бүгүн галлон 3,5-4 долларга чейин кымбаттап кетти. Бул болжол менен катардагы калифорниялык киши бензиндин бир литрин 100 рублден ашыгыраак акчага сатып алып жатканын түшүндүрөт.

Colonial Pipeline менен түшүнбөстүктөр (болсо да, болбосо да) мунайдын кымбатташына жакшы себеп болуп бермекчи. Эмне менен бүтөрү деле дайын. Жол кире наркынын өсүшү, дегеле бардык нерсенин — авиабилеттен баштап азык-түлүккө чейин кымбатташын шарттайт. Кыскасы, акция жана кыймылсыз мүлккө катып койчу инфляция бучкактап турган учур.

Кызыгы — бул каатчылыкты атайылап бирөөнүн жасаганында. Ак үйдүн босогосун аттаары менен Байден сланец нефтисин өндүрүүнү чектеп, Keystone XL нефть түтүгү боюнча долбоорду токтотуп, акча жашыл энергетикага салынарын убадалап салды. Мунун баары коронавируска чейинки көлөмдү калыбына келтирүүгө тоскоол болду.

Кара алтындын баасын түшүрүп, орус нефть иштетүүчүлөрүн жок кылабыз деген ой ишке ашпай калды. Тескерисинче, 2020-жылы америкалык сланецчилер өздөрүн өздөрү жок кылышты. Азыр пандемиянын күчү кайтып калган кезде саякатчылар көбөйүп мунайга болгон суроо-талап өсүүдө. Бирок муктаждык жабылбай турат. Демек, бензиндин баасы асман чапчып жатканына таң калбай деле койсо болот.

Цивилизациялуу өлкөлөрдө күйүүчү майдын баасын ооздуктоо үчүн ар кыл финансылык инструменттер бар. Мисалы, Россия көп жылдан бери демпфердик механизмди колдонуп келет. Бүгүнкү күндө өлкөдө майдын баасы дүйнөдөгү арзан нарктын бири болуп саналат.

Бирок прогрессивдүү делген АКШда Грета Тунбергдин кыялын ишке ашырууга ыктап келет: америкалыктар ушу тапта үйдө отурушат, анткени учак билети оголе кымбат, жашылчасын терезеде өстүрүп жатат, анткени тамак-аштын баасы өсүп кетти.

Демократиялык партиянын жетекчилиги дал ушундай жашоо образын сунуштап жатат. Бир жыл мурун, нефтинин баасы тарыхый минимумга жетип калган учурда, солчул демократтардын жылдызы Александрия Окасио-Кортес Twitter аккаунтуна "Сиздер муну жакшы көрөсүздөр. Биздин нефть тармагыбыз алдан тайды" деп жазган.

Ошол учурда өндүрүштө иштегендер жапырт ишинен айрылып, компаниялардын чоңу да, кичинеси да жакырланып жаткан эле. Бир аздан кийин конгрессвумен жазганын өчүрүүгө мажбур болгон. Бирок интернет эч нерсени унутпайт эмеспи: Демпартияны каржылаган олигархтардын бирден-бир максаты — Американын нефть тармагын тыптыйпыл жок кылуу.

Colonial Pipeline компаниясына жасалган чабуулдан кийин эле биржа аналитиктери кардарларына киберкоопсуздук боюнча иш алып барган интернет-гиганттардын акцияларын сатып алууну сунуштап жатат.

Санарип корпорацияларга ээлик кылган америкалык олигархтар америкалык нефтичилерди сызга отургузууга кызыкдар. Ал эми мындан миллиондогон жөнөкөй адамдар запкы тартып жатканы — корпоративдик экономикалык согуштун "коштоочу зыян" гана. "Санарипчилер" өндүрүш өнөр жайына каршы, электрокарлар бензин кыймылдаткычтарына каршы, соя этин өндүргөндөр мал чарбачылыгына каршы. Согуштук аракеттердин театры АКШнын өзүнүн аймагында, бирок элдин кыйналып жатышына Вашингтон орустарды күнөөлөп келет.

Албетте, калпты чындай урдуруу Россия менен АКШ президенттеринин сүйлөшүүсүнө көпүрө болуп бере албайт. Бирок аны кысым жасоого пайдаланууга болот. "Сүйлөшөбүз, мен президент Путин менен жолугууну пландап жатам, — деди Байден. — Биздин атайын кызматтар Россиянын тийиштүүлүгүн (Colonial Pipeline компаниясына жасалган киберчабуул) аныктай элек, бирок опузалоочу программа Россияда экенин көрсөткөн далилдер бар. Бул үчүн жооп бериши керек..."

Америка бийлиги кыйналып-кысталса эле "орус хакерлерин" алып чыга калып жатып мемге айлантып жиберишти. Орус программисттерин эмнеге гана айыпташкан жок! Бирок бир да жолу ынанарлык далил келтире алышкан эмес.

Ал арада дал ушул жылдары АКШ компьютердик кылмыш боюнча дүйнөлүк лидер болду. Акыркы он жылдыкта киберчабуулдарды жасаган дал ушул америкалыктар. Айрымдары кадимкидей эле аскердик диверсия болчу.

Россия АКШга эл аралык киберкоопсуздукту камсыздоо боюнча ишти жөнгө салууну сунуштап келет. Бирок америкалыктар дайым баш тартат, болбосо эреже менен ойноого туура келип калат да. Андан көрө өлкөнүн алсызданып, элинин жакырланышын орус хакерлерине оодара салуу кыйла оңой эмеспи.

22
Белгилер:
коопсуздук, кибер чабуул, Жо Байден, хакерлер, Россия, АКШ
Тема боюнча
Элчилик россиялык хакерлер чабуул койду деген АКШнын айыптоосуна жооп берди