Медициналык бет капчан кыз смартфонду кармап турат. Архив

Бишкекте балдар психологдору телефон аркылуу акысыз кызмат көрсөтөт

79
Мэриянын социалдык өнүктүрүү башкармалыгынын 111 ишеним номери күнү-түнү иштейт. Бул номерге балдарга байланыштуу маселе менен гана кайрылууга болот.

БИШКЕК, 12-апр. — Sputnik. Бишкекте балдарга, алардын ата-энелерине психологдор телефон аркылуу акысыз кызмат көрсөтөт. Бул тууралуу мэриянын маалымат кызматы кабарлады.

Билдирмеге караганда, мэриянын социалдык өнүктүрүү башкармалыгынын 111 ишеним номери күнү-түнү иштейт. Бул номерге балдарга байланыштуу маселе менен гана кайрылууга болот.

"Урматтуу ата-энелер! Төртүнчү чейректи балдар дистанттык түрдө окуп баштады. Азыркы кырдаалда ата-энелер да аралыктан иштөөдө. Дүйнөнү бала чоңдордой кабыл албайт, башкача ой жүгүртүүсү мүмкүн. Көз караштар дал келбей калган учурлар болот. Балдар менен түшүнбөстүк жаралса кесипкөй соцпедагог, психологдорго кайрылууну өтүнөбүз. Ар бир мектепте психологдор иштейт. Аларга чалып акысыз кеңеш, консультация ала аласыздар. Телефон номерлери ата-энелер чатында болушу керек", — деп кайрылган мэрия.

Буга чейин Республикалык штаб азыркы кырдаалга кыжалат болуп, санаа тартып жаткандарга психологго кайрылууну сунуштап, алардын телефондору менен бөлүшкөн.

79
Белгилер:
мэрия, ата-эне, психолог, бала
Тема боюнча
Премьер: оорулуу менен катнашта болгон акыркы адам табылмайын, карантин токтобойт
Гумжардам алчуларды ким кантип аныктайт? 9 суроого жооп
Улуу Британия кыргызстандыктардын визасын узартты
Бишкектеги аялдамада бет кап кийип отурган аял. Архивдик сүрөт

Мэрия: Бишкек азыр кооптуу, коронавирус жуктуруп алуудан абайлагыла

15
(жаңыланган 14:45 04.06.2020)
Мэрдин орун басары шаардыктарды өздөрүнүн жана жакындарынын ден соолугун сактоого, бет кап тагынууга, социалдык аралыкты жана санитардык эрежелерди аткарууга чакырды.

БИШКЕК, 4-июн. — Sputnik. Бишкекте коронавирус жуктуруп алуу коркунучу жогору бойдон калууда. Бул тууралуу брифинг учурунда калаанын вице-мэри Татьяна Кузнецова билдирди.

"4-июнга карата Бишкекте коронавирус жуктурган адамдардын саны 499га жетти. Алардын 77си четтен келген жана 422си ооругандар менен байланышта болгон жарандар экени аныкталган. Медициналык көзөмөлдө 155 адам турат", — деди Кузнецова.

Бүгүнкү күндө вирустан дарыланып чыккандардын саны 300 адамга жетти.

Мэрдин орун басары вирус жуктуруу коркунучу жогору бойдон турганын айтып, шаардыктарды өздөрүнүн жана жакындарынын ден соолугун сактоого, бет кап тагынууга, социалдык аралыкты жана санитардык эрежелерди аткарууга чакырды.

15
Белгилер:
карантин, коронавирус, мэрия, Татьяна Кузнецова, Бишкек
Тема:
Коронавируска байланыштуу Кыргызстандагы кырдаал
Тема боюнча
Бүгүн Кыргызстанда 28 кишиден коронавирус чыкты
Каныңыздын тобу кайсы? Коронавируска көп туруштук бере албачулар айтылды
Жээнбеков: коронавирус инфекциясы аймактардагы көйгөйлөрдү ачыкка чыгарды
Бишкектеги кафелердин биринде санитардык текшерүү өткөрүү. Архивдик сүрөт

Бишкекте санитардык эреже бузгандар 1,2 миллион сомдук айыпка жыгылды

19
(жаңыланган 14:35 04.06.2020)
Вице-мэр ишкерлик кылгандардын көбү санитардык эрежелерди сактаганы менен алардын арасында моюн толгоп, тоготпогондор да бар экенин айтты.

БИШКЕК, 4-июн. — Sputnik. Борбор калаада 11-майдан бери санитардык эрежени сактабаган ишкерлерге 1 миллион 253 миң 500 сом айып пул салынды. Бул туурасында Бишкектин вице-мэри Татьяна Кузнецова брифинг учурунда айткан.

"Мобилдик топтор күн сайын эртеден кечке чейин базарларды, соода жайларын, сулуулук салондорун, дүкөндөрдү кыдырып, текшерип жатат. Андан сырткары, транспортту да көзөмөлгө алышууда", - деди ал.

11-майдан тарта аталган топтор 4 435 объектини текшерген.

Бишкектин вице-мэри ишкерлик кылгандардын көбү санитардык эрежелерди сактап жатканын кошумчалады.

Кыргызстанда COVID-19 жуктуруп алгандардын жалпы саны 1899га жетип, бүгүн, 4-июнда, 28 кишиден аныкталды.

Ал эми жалпы 1292 бейтап айыгып, ооруканадан чыгарылды.

19
Белгилер:
айып пул, санитардык талаптар, коронавирус, Бишкек, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бишкекте санитардык тартип бузулса кимге билдирүү керек. Номерлер
Нарында санитардык эрежени сактабаган ишкерлер айыпка жыгылды