COVID-19 кабылган пациенттин алдындагы врач жана медайым. Архивдик сүрөт

Коронавируска кабылган адамдар кантип үзүлөт. Ноокаттагы дарыгер менен маек

6189
(жаңыланган 15:27 12.04.2020)
Ноокаттын ооруканасындагы бир дагы дарыгер коронавирусту дарылоодон баш тартпаганын айтат Асамидин Марипов. Ден соолугу чабал медиктерди илдет жуктургандардан өздөрү оолактатышкан.

Ноокат аймактык ооруканасынын директору Асамидин Мариповго байланышуу дээрлик мүмкүн эмес, бул күндөрү колу дегеле бошобойт. Кечки саат 9га жакын гана дарыгер Sputnik Кыргызстандын кабарчысы менен учкай маектешүүгө убакыт бөлдү.

— Алгачкы бейтаптарды сиздердин ооруканага алып келген учур эсиңиздеби? Аларды кабыл алууга кандай камылга көрдүңүздөр?

— Башта эч кандай кооптонуу болгон жок. Себеби биз мындай бейтаптарды дарылап көрбөгөндүктөн дарт канчалык оор өтөрүн билген эмеспиз. Сасык тумоо сымал эле деп ойлогонбуз. Кийин бул инфекция тууралуу көбүрөөк маалымат ала баштадык, бул бизди коронавируска абдан олуттуу кароого түрттү.

Ошентсе да мындай диагноз менен адамдар ооруканага түшө баштаганда медиктер дээрлик чочулабай деле калышты. Бейтаптардын көпчүлүгүнүн абалы дурус. 

Экскурсию по отделению провел главный врач Асамидин Марипов для делегации Жогорку Кенеша Кыргызской Республики во главе с Торага Дастанбеком в ходе рабочей поездки в Ошскую область
© Фото / Пресс-служба ЖК КР
Ош облусунун Ноокат районундагы аймактык оорукананын директору, экс-депутат Асамидин Марипов

— Бүт дүйнө жүзүндө медиктер коронавирустан каза табууда. Сиз жетектеген ооруканада бейтаптарды дарылоодон баш тарткандар чыктыбы?

— Жок, биз Гиппократ антын бергенбиз да. Бирок саламаттыгында олуттуу көйгөйү бар дарыгерлерди биз өзүбүз аларга жакындатпадык.

— Бул чындап эле кадимки сасык тумоого окшош бекен?

— Жок, коронавирус — сасык тумоо эмес экени анык. Илдет жуктургандардын 90 пайызында белгилери дегеле байкалбайт. Башкача айтканда, вирус организмде бар, тестирлөөдө аныкталат. Мындай бейтаптар ооруну таратуучу болуп саналып, бирок өздөрү андан азап тартышпайт.

Калган он пайызына киргендер ооруну абдан оор көтөрүшү мүмкүн, мында баары адамдын курагы, саламаттыгы жана тамактануу сапатына жараша өтөт. Бул учурда бейтаптын дене табы кескин көтөрүлүп, 40ка чыгышы ыктымал. Андан соң кыйноого салган кургак жөтөл башталат.

Экинчи суткада деми кыстыгып баштайт, абалы оорлошу мүмкүн. Ошондо бейтапты эч создуктурбастан жандандыруу бөлүмүнө которуп, аппаратка туташтыруу зарыл. Сиздерге белгилүү болгондой, мындай бейтаптардын өпкөсү жабыркайт, алар тынымсыз реанимациялык кароого жана кычкылтек алууга муктаж.

— Ушул тапта Кыргызстанда коронавирус 5 адамдын өмүрүн алды, бири сиздердин ооруканада дарыланыптыр. Ошол маркум бейтап боюнча айтып берсеңиз.

— Абдан улгайган киши болчу, кант диабетинен жапа чегип жүргөн, анамнезинде миокард инфаркты, В гепатити да байкалган. Бейтаптын иммунитети да өтө чабал экен, ошондуктан медиктердин аракетинен майнап чыкпады.

— Италиялык жана россиялык врачтардын айткандарына караганда, коронавируска кабылгандар жаны үзүлөрдө абдан кыйналат экен. Ушундайбы?

— Ооба, бул чын. Адамдын организминде катуу уулануу жүрөт, эгер эс-учунда болсо, анда абдан эле азап чегет. Мындай бейтаптардын бардык органдары акырындап иштен чыга баштайт. Андайда жанында дасыккан реаниматологдун болушу жана жаткан жеринин техникалык жактан жакшы жабдылышы өтө маанилүү. 

Директор Ноокатской территориальной больницы Асамидина Марипова во время работы в защитном костюме и маске
© Фото / предоставлено Асамидином Мариповым
Марипов: Башта эч кандай кооптонуу болгон жок. Себеби мындай бейтаптарды дарылап көрбөгөндүктөн дарт канчалык оор өтөрүн билген эмеспиз.

— Жаштардын салыштырмалуу коронавирусту жеңил көтөрөрү анык бекен?

— Бизде төрт жаш жана орто курактагы бейтап дарыланды, алардыкы катуу сасык тумоодой өттү. Кудай жалгап, аларды сакайтып алдык, ал эми 80 жаштан ашкан адамдарды дарылоо оор болууда.

Бизде коронавирус жуккан ымыркай да бар, кудай жалгап вирус анын саламаттыгына коркунуч туудурбаптыр. Наристе оорубайт, тек гана вирусту таратат.

— Коронавирустун дарысы болбосо, кантип дарылап жатасыздар?

— Бул илдеттин дарысы чындап эле жок. Эгер эч кандай белгилери болбосо, биз бейтаптын абалына тек гана байкоо салабыз, анан чыгарабыз.

Дене табы көтөрүлсө, жөтөлүү, дем алуу кыйындаса, бейтаптын абалын жеңилдеткен аракеттерди көрөбүз. Мисалы, кээ бир учурда ВИЧке кабылгандарды дарылаган препараттарды пайдаланабыз. Алар жардам берет, бирок боор жана бөйрөккө терс таасир этет.

Айрым бейтаптар кычкылтек менен дарыланып жатышат. Мындай терапияны толук жүргүзө алабыз, биздин ооруканада бул багыттагы 50 аппарат бар.

— Жаш курагыңыз боюнча тобокел тобуна кирсеңиз да бейтаптарды текшерип жатасыз. Чочулаган жоксузбу?

— Жок, корккон жокмун. Ишке киришерден оболу медиктер илдетти жуктуруп албашы үчүн өздөрүн кандай алып жүрүшү керектиги боюнча атайын окуу өткөрдүк. Бизде баары: атайын костюмдар, бет кап, өтүк жана көз айнектер бар. Биздин оорукананын бир дагы кызматкери илдет жуктурган жок.

— Россиялык медиктердин маектеринен коргоочу костюмду кийүү өтө көп убакытты аларын окудум.

— Ооба, башта бизде заманбап коргоочу костюм жана бет каптар жетишсиз болчу, эски советтик кийимдерди пайдаланууга аргасыз болгонбуз. Байлай турган буугучтары сан жеткис. Аларды кийип иштеш да кыйын болду, аябай тердетет. Ал эми заманбап костюмдарды 2-3 мүнөттө кийүүгө болот! 

Экскурсию по отделению провел главный врач Асамидин Марипов для делегации Жогорку Кенеша Кыргызской Республики во главе с Торага Дастанбеком в ходе рабочей поездки в Ошскую область
© Фото / Пресс-служба ЖК КР
Ноокат аймактык ооруканасынын директору Асамидин Мариповго байланышуу дээрлик мүмкүн эмес, бул күндөрү колу дегеле бошобойт.

— Азыр сиздердин бейтаптарыңызга дээрлик бүт дүйнө көз салып турат, аларды биологиялык курал сымал көрүшүүдө. Алар бул мөөнөттү кандай өткөрүп жатышат?

— Мындай бейтаптар чындап эле абдан катаал тартипти сактоого тийиш: палатадан бейчеки чыга албайт, өзүнчө жайгашкан даараткана жана чайкануучу бөлмөсү бар, акыбалын сурап келгендер кире алышпайт.

Айрымдарынын көңүлү ооруп, чөгүп кеткени таң каларлык деле эмес. Жакында баары бүтөрүн, алар үйлөрүнө толук кандуу адам катары кайтарын түшүндүрүп айтып жатабыз.

— Сиздерге көмөктөшүү үчүн биз эмне кылуубуз керек?

— Бул эң башкы суроо! Дартты дарылагандан көрө алдын алуу жеңил. Коронавирус илдетине кабылган бейтапты дарылоого ондогон эмес, миңдеген сом сарпталышы ыктымал. Алдын алуу алда канча арзан.

Үйдө отуруңуздар, колду бат-бат жууп туруңуздар, жеке тазалыкты сактаңыздар. Ушинтип гана өзүңүздү коронавирустан гана тургай, башка оорулардан да коргой аласыздар.

6189
Белгилер:
оору, маек, дарыгер, коронавирус, Ноокат, Кыргызстан
Тема:
Коронавируска байланыштуу Кыргызстандагы кырдаал (1500)
Тема боюнча
Жогорку, биринчи сорттогу ун иммунитетти түшүрөт. Иммунолог менен маек
Билгенден биле элегиң көп! Коронавирус тууралуу 8 факт
Зомбулук көрсөткөн адам. Архивдик сүрөт

Жакындарына зомбулук көрсөткөн адамдын жазасы катуулайт. Өзгөргөн мыйзам

3
(жаңыланган 11:55 05.06.2020)
Аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

БИШКЕК, 5-июн. — Sputnik. Өлкө башчы Сооронбай Жээнбеков "КР Жазык-процесстик кодексине өзгөртүүлөрдү киргизүү жөнүндө" мыйзамга кол койду. Бул тууралуу президенттин маалымат кызматы кабарлады.

Ага ылайык, аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

Мыйзамга киргизилген өзгөртүүлөргө ылайык, Жазык-процесстик кодексинин 504-беренеси толукталып, 1-3-бөлүгү боюнча үй-бүлөлүк зомбулук жасады деп шектелген адам төмөнкүдөй негиздер болгондо кармалышы мүмкүн:

  • Эгерде шектүү адам жабырлануучу жана башка үй-бүлө мүчөлөрүнүн өмүрүнө жана ден соолугуна коркунуч жаратса;
  • Эгерде шектүү мас абалында болуп, жабырлануучу жана башка үй-бүлө мүчөлөрүнө коркунуч келтирип жатса;
  • Эгерде шектүү адам жабырлануучуну жана башка үй-бүлө мүчөлөрүн кордоону, аларга коркунуч келтирүүнү, уруп-сабоону, шылдыӊдоону, басмырлоону улантат деп болжогонго мүмкүндүк берүүчү негиздер бар болсо.
"Аталган өзгөртүүлөр менен жабырлануучу жана башка үй-бүлө мүчөлөрүнүн коопсуздугун камсыздоо максатында зомбулук жасоого шектүү адамды 48 саатка чейин кармоо чарасы каралган", — деп айтылат маалыматта.

Мыйзам расмий жарыяланган күндөн тартып күчүнө кирери кошумчаланды.

3
Белгилер:
зомбулук, үй-бүлө, өзгөртүүлөр, мыйзам, президент, Кыргызстан
Тема боюнча
КРге донорлор үй-бүлөлүк зомбулук менен күрөшүү үчүн 200 миң доллар бөлдү
Мурдагы жигитиңди эстебейм деген. Күйөөсүнүн кордугунан чарчаган келиндин каты
Саламаттык сактоо министринин орун басары Нурболот Үсөнбаев

COVID-19ду кимдер массалык түрдө жайылтып жибериши мүмкүн. Үсөнбаевдин жообу

89
(жаңыланган 11:29 05.06.2020)
Саламаттык сактоо министрлигинин өкүлү коронавируска чалдыгып, бирок анын белгилери билинбей же жеңил формада өтүп жаткандарды обочолонтуунун зарылчыгын айтып берди.

БИШКЕК, 5-июн. — Sputnik. Коронавирустун симптому жоктор жана аны жеңил көтөргөндөр башкалар сыяктуу ооруканага жатып, бир нече ирет анализ тапшырып чыгышат. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

"Коронавируска чалдыккандардын көбүндө анын белгилери жок болот. Арасында жеңил формада ооругандар бар. Айрымдар эмнеге аларды ооруканага кармап, обочолонтуу керек деп айтышы мүмкүн. Бейтаптардын бул тобу элге коркунуч жаратат. Алар оорунун булагы болуп саналып, вирусту массалык түрдө жайылтып жибериши ыктымал. Биз симптому жокторду да стационарга жаткырып, бир нече ирет анализ алып, анан чыгарабыз. Андан кийин эки жума үй карантининде болушат", — деди Үсөнбаев.

Кыргызстанда коронавирус жуктургандардын саны 1936га жетти. Анын ичинен 1340 адам айыгып, 22си каза болду.

89
Белгилер:
анализ, коронавирус, Нурболот Үсөнбаев, КР Саламаттык сактоо министрлиги
Тема:
Коронавируска байланыштуу Кыргызстандагы кырдаал (1500)
Тема боюнча
Өлкөнүн үч аймагындагы алты медиктен коронавирус табылды
Кызынан жуккан. Министрлик COVID-19дан көз жумган аялдар боюнча маалымат берди