На мероприятии, кроме местных жителей, были гости из-за рубежа

Айылдан келген бир жетим дебей кастарлап... Аяш ата менен аяш эненин ак жарыгы

2648
Адамдын көңүлү — гүл. Жылт эткен жарык, жакшы көз караш, жагымдуу сөз маанай көтөрүп, ал тургай бир нече күн жүрөктү жылуулук аралап жүрөт.

Sputnik агенттиги окурманга жылуулук чачкан, жакшылык кылууга чакырган макалаларды жарыялап келет.

Бул ирет бир жигиттин студенттик курагында канатына калкалап, камкордук көрсөткөн досунун ата-энесине ыраазы жигиттин окуясы баяндалат.

...Мен Ысык-Көлдөн болом. Жашоодо адамдарга майда-чүйдө жакшылык кылганым менен көңүлүмө толгудай, бирөөнүн жашоосун өзгөртүп жибергидей жакшылык кылганым эсимде жок. Бирок мага кол сунуп, жарыгын чачкандар көп эле болду. Алардын бири — убагында мени камкордугуна алган, мээримин аябаган шаардагы экинчи “ата-энем”.

Биз беш эркек бир тууганбыз. Атабыз кичинебизде эле каза болуп, апам жалгыз эрезеге жеткирген. Айылда жемиш багыбыз бар. Апам ошол атамдан калган таберик менен бешөөбүздү тең окутту.

2005-жылы мектепти аяктаганда Бишкекке келип, программист адистиги боюнча университетке тапшырдым.

Ошентип студенттик күндөр башталды, тайпалаштардын арасынан Темир экөөбүз ынак болуп кеттик. Бара-бара жакшы достордон болдук. Мен окуу жайдын жатаканасында турам. Темир өзү бишкектик. Анын ата-энесинин экөө тең билим берүү тармагында эмгектенип, атасы ЖОЖдордун биринде профессор экен.

  Окуу башталганына жарым жыл өтүп-өтпөй, Темир менен үйүнө барып калдым. Бишкектин кичи райондорунун биринде үч бөлмөлүү батири бар экен. Үйүндөгүлөрүнүн жөнөкөйлүгү жакты. Алгач көрүшкөндө эле ата-энеси мени өз кишидей кабыл алганына таң калгам. Өзүм жаңы айылдан келсем, чоң кишидей кастарлап, ал-жайымды сурап жатышса...

Андан кийин байма-бай барып, сабак даярдап же кээде Темир экөөбүз бир жакка барып кеч болуп кеткенде жатып калып жүрдүм.

Досум жалгыз эркек бала. Бир тууган эжеси эле бар. Анын үстүнө эч кыйынчылык көрбөгөнгө турмушта баарын жеңил кабыл алган орус мүнөз.

Бирок атасы абдан кыраакы киши болчу. Менден ал-жайымды сураганда ата-энем, бир туугандарым жөнүндө айтып бергем. Көрсө, аяш атам да жетим өсүптүр. Өзү Оштон болот экен. Ал эми аяш апа Чүйдүн кызы.

Биринчи курсту аяктап, жайкы эс алуудан кийин кайра шаарга келдик. Жатакана алгыча Темирдикине туруп калдым. Окуу башталып, жатаканага документтеримди даярдап баштаганда ата-энеси алардыкында эле жашашымды айтышты, макул болдум.

Ошону менен Темирдикинде үч жыл жашадым. 5-курска барганда айылдан келген эки инимди көзөмөлдөп, батирге чыгууга туура келди.

Ал аралыкта мен алардын экинчи баласындай эле болуп калгам. Апам айылдан берип жиберген бир кап картошка, бир аз эт, алма-өрүк болбосо, үйүнө башка кирешем, пайдам жок эле. Бирок аяш атам баласына кандай акыл айтса мага да ошону айтып, аяш апам баласына кандай кам көрсө мени да ошондой кастарлады. Алардын жакшылыгы апамдын түйшүгүн жеңилдетип, мага бир топ стимул болду. Анткени шаар жеринде жашаган жериң, тамак-ашың бекер болсо, студент үчүн чоң жардам да. Анысы аз келгенсип, кийинки жайкы эс алуу маалында жайы менен алардыкына жатып, Темир экөөбүз иштеп, окуубуздун контрагын төккөнгө жарадык.

Жайында апам да досумдун үй-бүлөсүн атайын Көлгө чакырып, бир жума коноктоп ыраазычылыгын билдирип, жакындан таанышты. Ошондон кийин эки үй-бүлө кадимкидей катышканга өттү.

Айылга барганда Темир да биздин бир тууганыбыздай болуп ага-инилерим менен аралашып кетти. Кийин биздин тойлорубузда  да чогуу болдук. Азыр да досум менен катташып, үй-бүлөмдү алып барып турам. Аяш атам экөөбүздүн ортобузда кандайдыр бир түшүнүүчүлүк бар. Кээде атайын чакырып мени менен сырдашат. Темирдин кемчиликтери болсо айтып, даттанып калат. Андайда мен Темирге атасынын айтканын билгизбей, бирок кырдаалды түздөгөнгө аракет кылам.

Көрсө, бул кишилер кыраакы экен. Балама бир тууган болсун, жалгыз болбосун деген ата-энелик аруу тилек менен Темир экөөбүздүн достугубузду бекемдептир. Жакшынын шарапаты дегендей, баласына кам көрүп, мага да канча жакшылык кылышты. Баары чын дилден болгону үчүн биздин  достугубуз терең, катышыбыз бекем болду.

Досум дагы деле ошондой, ичинде кири жок, көп нерсеге жулуна бербеген адам бойдон калды. Азыр төрт баланын атасы.

Шаарда эне ордуна эне, ата ордуна ата болгон адамдардын жакшылыгы көкүрөк-көөдөнүмдө. Айылдын бир кара баласы дебей, жашоодо көп нерсеге көзүмдү ачып, түрткү, ишеним берген аяш атам менен аяш энеме рахмат дегим келди!

Жарыгыбызды чача жүрөлү!

2648
Белгилер:
Бишкек, Ысык-Көл, студент, апа, ата, Достук
Тема:
Ак жарык (26)
Тема боюнча
Жаман тамда калган жесир келин. Айылдаштардын ак жарыгы
Мен ушинтет белем?.. Стамбулдан Анкарага келип Ошко китеп салган студент
Тапанча кармаган киши. Архивдик сүрөт

Мурда милиционерди өлтүргөн кылмышкер эки адамды атууга шектелип кармалды

17
(жаңыланган 11:56 05.12.2020)
Кармалган жаран буга чейин милиция кызматкерин өлтүргөнү үчүн соттолуп абакта 11 жыл отуруп, былтыр эркиндикке чыккан.

БИШКЕК, 5-дек. — Sputnik. Жайыл районунун кафелеринин биринде эки адамды атып качып кеткен уюшкан кылмыштуу топтун мүчөсү кармалды. Бул тууралуу Чүй облустук милициянын маалымат кызматы кабарлады.

Билдирүүгө ылайык, үстүбүздөгү жылдын 21-ноябрында милицияга чакыруу түшүп, Ново-Николаевка айылындагы кафеде 22 жаштагы жигитти белгисиз жаран атып кеткени белгилүү болгон. Ал аймактык ооруканага жаткырылган. 

В Жайыльском районе по подозрению в хулиганстве задержан член ОПГ, ранее судимый за убийство милиционера
© Фото / пресс-служба ГУВД Чуйской области
Жайыл районунун кафелеринин биринде эки адамды атып качып кеткен уюшкан кылмыштуу топтун мүчөсү кармалды.

Андан башка дагы бир 22 жаштагы жаран ошол эле кафеде ок жегенин айтып милицияга арыз жазган.

Аталган факты Жазык кодексинин 266-беренеси ("Бейбаштык") менен КЖБРге катталган.

"Чүй ОИИБдин жана Жайыл РИИБдин Криминалдык милиция кызматынын уюшкан кылмыштуулукка каршы күрөшүү бөлүмү кылмышкердин изине түшүп жакынкы имараттардагы бардык видеобайкоолорду карап, күбөлөрдү суракка алган. Натыйжада шектүү уюшкан кылмыштуу топтун активдүү мүчөсү катары ИИМдин каттоосунда турган 34 жаштагы Б.М. аттуу жаран экени аныкталды. Андан соң ал кармалып Жайыл райондук милициянын убактылуу кармоочу жайына киргизилди", — деп айтылат маалыматта.

Милициянын билдиришинче, кармалган жаран 2008-жылы Жайыл райондук милициянын кызматкери Эркин Жолдошбек уулун өлтүрүп, 11 жылга эркинен ажыратылган. Ал абактан 2019-жылы чыгып, кайра кылмышка барганы белгиленет.

Азыркы тапта тийиштүү соттук-медициналык экспертиза дайындалып, сотко чейинки өндүрүш жүрүп жатат.

17
Белгилер:
милиция, уюшкан кылмыштуу топ, кармоо, шектүү, Жайыл району
Тема боюнча
Уюшкан кылмыштуу топтун эки мүчөсүн кармаган видео жарыяланды
Качып кетип Москвадан кармалган кыргызстандыктар. Сүрөт
Ишкердин соода түйүнүн тартып алмакчы болгон. УКМК шектүүлөрдү кармады
Томографиядан бейтапты өткөргөн медиктер. Архивдик сүрөт

Коронавирус жуктуруп алгандар жана айыккандар. Соңку маалымат

20
(жаңыланган 11:38 05.12.2020)
Бүгүнкү статистикада илдетти илештирип алгандардын саны ооруканадан айыгып чыккандарга караганда аз.

БИШКЕК, 5-дек. — Sputnik. Кечээтен бери Кыргызстанда 401 адам коронавирус жуктуруп алса, дарыланып жаткан 425 адам айыгып чыкты. Бул тууралуу Республикалык штаб кабарлады.

Оору жуктургандар төмөнкү аймакта:

  • Бишкек - 99;
  • Ош - 20;
  • Чүй облусу – 133;
  • Ош облусу - 22;
  • Талас облусу - 15;
  • Нарын облусу - 2;
  • Ысык-Көл облусу – 45;
  • Жалал-Абад облусу – 39;
  • Баткен облусу - 26.

Айыккандар:

  • Бишкек – 124;
  • Ош шаары – 10;
  • Чүй облусу – 102;
  • Ош облусу – 11;
  • Талас облусу – 16;
  • Нарын облусу – 9;
  • Ысык-Көл облусу – 40;
  • Жалал-Абад облусу – 60;
  • Баткен облусу – 53.

Ушуну менен пандемия башталгандан тарта оору илештирип алгандардын саны 74 774 болду. Анын 66 538и айыгып чыкты. 

20
Белгилер:
айыгуу, жуктуруу, оорукана, бейтап, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
ЖАМК: абактагы 100дөй адам коронавирус жуктуруп алган, каза болгондору да бар