Дарыгер оорукананын жанында тыныгуу учурунда. Архив

COVID-19 вирусунан сакайган кишинин организминде кандай өзгөрүү болот

824
(жаңыланган 11:03 13.04.2020)
Кыргызстанда коронавируска кабылгандардын саны 13-апрелге карата 419га жетти. Басымдуу бөлүгү Ош жана Жалал-Абад облустарында.

БИШКЕК, 13-апр. — Sputnik. COVID-19 өзү инфекция болгондуктан өнөкөт ооруга айланбайт жана курч мүнөздө өтүп кетет. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

Ага журналисттер "коронавирус жуктуруп алган адам сакайып кеткенден кийин организминде кандай өзгөрүүлөр болот?" деген суроо беришкен.

“Биз вирус организмде жок болгонун лабораториялык изилдөөлөр көрсөткөндөн кийин гана жаранды ооруканадан чыгарабыз. Үйүнө кеткен мекендештерибизден кабар алып турабыз. Алар эч бир өзгөрүүлөр болбогонун айтышууда”, — деди Үсөнбаев.

Анын айтымында, көпчүлүгүндө вирустуу оорунун эч кандай белгиси байкалбай эле өтүп жатат.

“Мисалы, азыр ооругандардын 336сында вирус аныкталганы менен алардын кыйналганын же оорунун өзгөчө белгисин көрө алган жокпуз”, — деди ал.

Мындан тышкары, орун басар илдеттин кесепети тууралуу балким кийинчерээк билинерин, бул жаңы вирус болгондуктан азыр кандайдыр бир бүтүм чыгаруу эрте экенин кошумчалады.

Кыргызстанда коронавируска кабылгандардын саны 13-апрелге карата 419га жетти. Басымдуу бөлүгү Ош жана Жалал-Абад облустарында. 79 медик коронавирус жуктуруп алып, үчөөнүн абалы оор экендиги айтылды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

824
Белгилер:
оорулуу, кесепет, коронавирус, Кыргызстан
Тема:
Кыргызстандагы коронавирус жуктуруп алгандар (1445)
Тема боюнча
Кан аралаш жөтөлүп... COVID-19 жуктурган 3 медиктин абалы оор экени айтылды
Коронавируска кабылган медиктер 79га жетти. Алар кантип жуктуруп алууда
Кыргызстандагы коронавирустун 27-күнү: сүрөт, фото, тексттик баяндама
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

62
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

62
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы