Дарыгерлер. Архивдик сүрөт

Бишкекте иштен алынган дарыгер куугунтукталып жатабы? Жетекчилиги эмне дейт

581
(жаңыланган 17:37 13.04.2020)
Редакцияга кайрылган дарыгер аны кызматтан алган чечим менен макул эместигин билдирүүдө. Ал Сооронбай Жээнбековго да кат жазганын айтууда.

БИШКЕК, 13-апр. — Sputnik. Бишкектеги №18 Үй-бүлөлүк медициналык борбордун дарыгери Минара Кулматова 7-апрелде өлкөдөгү түзүлгөн өзгөчө абалга карабай жумуштан алынганын айтып Sputnik Кыргызстан маалымат агенттигине кайрылган.

Минара Кулматова аталган бейтапканада гинеколог болуп иштеп келген. 

Анын айтымында, 2020-жылдын февралында ЖК депутаты (учурда социалдык иштер боюнча вице-премьер) Аида Исмаилова баштаган комиссия борборду текшерүүгө алып, 2019-жылдын 19-апрелинде жана 10-майында бейтапкананын 11 кызматкерине сый акы берилгендиги аныкталган.

“Сый акы тууралуу биз билген эмеспиз. Мен профком катарында мунун мыйзамсыз экендигин айтып чыккандыгым үчүн куугунтукка кабылдым. Болбогон жерден эки сөгүш жарыялай коюп, кызматтан алышты. Бул тууралуу укук коргоо органдарына да кайрылдым. Азырынча эч кандай майнап чыга элек. Президент Сооронбай Жээнбековдун атына да кат жаздым. Эгер мен чын эле мыйзамсыз иштерди жасаган болсом, бейтапкананын башкы дарыгери Жантайбеков экөөбүздү тең атайын органдар текшерсин”, — деди Кулматова.

Редакция аталган борбордун жетекчилигине жана Саламаттык сактоо министрлигине кайрылып көрүүнү чечти.

Министрликтин юридика бөлүмүнүн башчысы Азамат Жумакеев дарыгердин кызматтан алынышы мыйзамдуу болгонун жана ага негиз бар экенин билдирди.

“Эмгек кодекси боюнча өзгөчө абал учурунда кызматкерди негизсиз жумуштан алууга болбойт. Биздеги маалымат боюнча бул дарыгерди иштен алууга негиз бар”, — деди Жумакеев.

Ал эми №18 Үй-бүлөлүк медициналык борбордун башкы дарыгери Тилек Жантайбековдун айтымында, кызматкерлерди жумуштан кетирүүгө ага кызматтык укук берилген эмес.

“Жеке курам боюнча кызматкерлерди жумуштан алмак турсун, мен сөгүш да бере албайм. Ошондуктан аны мен кетирген жокмун. Экинчиден, буга чейин анын эскертүүлөрү бар болчу”, — деди ал. 

Белгилей кетсек, Кулматова Октябрь районунун бириккен үй-бүлөлүк медициналык борборунун жетекчиси Асель Теңизбаеванын буйругу менен кызматтан алынган.

“Башында ал башкы дарыгерден эскертүү алып, ага тартип чарасы колдонулган. Андан кийин министрликтин сайтында бойдон алдырууга акча талап кылгандыгы боюнча кардардан арыз түшкөн. Мындан тышкары, ал кайрылгандарга дары саткан. Биз ички кызматтык иликтөө жүргүздүк. Министрлик да атайын комиссия менен текшерүүгө алып, тартиптик чара колдонуу тууралуу чечим кабыл алган. Бул анын экинчи эскертүүсү болгондуктан, сөгүш алды. Андан кийин прокуратурадан текшерип, эч негизсиз жазылган рецепттер табылды. Муну менен катар Кулматова үч күн эч себепсиз жумушка келбей койгон. Жогорудагы фактылардын негизинде биз аны жумуштан алдык. Тийиштүү документтердин көчүрмөсүн министрликке жибергенбиз”, — деди Теңизбаева. 

Ал кошумчалагандай, кызматтан кеткен дарыгер профкомдун мүчөсү болгон.

Sputnik Кыргызстан маалымат агенттигинин кабарчысы жумуштан алынган дарыгердин кайрылуусу боюнча Финансы полициясына кайрылды. Аталган кызмат жакынкы күндөрдө маалымат берерин билдирди.

581
Белгилер:
эскертүү, арыз, кызмат, КР Саламаттык сактоо министрлиги, медицина
Тема боюнча
Коронавируска өз алдынча текшерүүдөн өтүүгө болобу? Министрдин жообу
Коронавируска кабылган медиктер 79га жетти. Алар кантип жуктуруп алууда
Кыргызстандын желеги жана акча. Архивдик сүрөт

Тышкы карыз көйгөйү кантип чечилет? Жээнбековдун сунуштарына түшүндүрмө

35
(жаңыланган 18:08 29.05.2020)
Эске салсак, 28-майда "Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара" аттуу эл аралык онлайн форматындагы форумга Кыргызстан да катышкан.

БИШКЕК, 29-май — Sputnik. Президент аппаратынын тышкы саясат бөлүмүнүн башчысы Данияр Сыдыков 28-майда өткөн эл аралык форум боюнча өз оюн билдирип, президенттин сунуштарына түшүндүрмө берди. Бул тууралуу президенттин маалымат кызматы кабарлады.

Каржы министри Бактыгүл Жээнбаеванын архивдик сүрөтү
© Пресс-служба президента КР / Султан Досалиев
Эске салсак, 28-майда "Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара" аттуу эл аралык онлайн форматындагы форумга Кыргызстан да катышкан. Анда Сооронбай Жээнбеков тышкы карызды чечүүнүн үч этабын сунуштаган. Биринчи этабында "тышкы карызды терең реструктуризациялоо зарыл" деп жазылып турат.

Сыдыков карызды реструктуризациялоо маселесине токтолгон.

"Карызды реструктуризациялоо — өкмөт белгилүү бир долбоорду жүзөгө ашырып, аны каржылап, өзүнүн бюджеттик каражаттарын бөлүп берет дегенди түшүндүрөт. Ал эми тышкы карызды берген өнөктөш өлкө карыздарын кечет. Мунун баары тиешелүү келишим менен даярдалат", — деди Сыдыков.

Президенттин аппаратынын тышкы саясат бөлүмүнүн башчысы өкмөт жакын арада бул маселе боюнча конкреттүү сунуштарды даярдап, өзүнүн көз караштарын билдирет деп кошумчалады. Ошондой эле тышкы карызды терең реструктуризациялоо жаатында өнөктөш мамлекеттер менен сүйлөшүүлөр жүрөт деген ишенимин билдирди.

"Дүйнөдө мындай тажрыйбалар колдонулуп келет жана бул кадыресе көрүнүш", — деди Сыдыков.

Февраль айына карата берилген маалымат боюнча, Кыргызстандын мамлекеттик карызы 4,6 миллиард доллар. Анын ичинен 3,9 миллиарды — тышкы карыз.

35
Белгилер:
сунуш, форум, Тышкы карыз, Сооронбай Жээнбеков, Кыргызстан
Тема боюнча
Быйыл Кыргызстан тышкы карызын кайсы валюталар менен төлөйт
Гүлдөгөн талаа. Архив

Министр: 1-июндан тарта кыргызстандыктар тоо, капчыгай, көлгө бара баштаса болот

72
Министр тоого же көлгө эс алууга барчуларга жанында документ сөзсүз болушу керектигин эскертти.

БИШКЕК, 29-май — Sputnik. Кыргызстандыктар 1-июндан баштап тоо, капчыгай, көлгө тоскоолдуксуз бара алышат. Бул тууралуу маданият, маалымат жана туризм министри Азамат Жаманкулов билдирди.

Анын айтымында, бул датадан тарта аталган жерлерде бардык шлагбаумдар алынышы керек. Министр тоого же көлгө эс алууга барчуларга жанында документ сөзсүз болушу керектигин эскертти. Анткени жолдо санитардык-карантиндик посттордон документ текшерип, дене тапты өлчөп калышы ыктымал.

Кыргызстанда коронавирус жуктуруп алгандардын жалпы саны 1662ге жетти. Анын ичинен 1088 бейтап айыгып чыгып, 16 киши каза тапкан.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

72
Белгилер:
коронавирус, эс алуу, капчыгай, көл, тоо
Тема:
Коронавируска байланыштуу Кыргызстандагы кырдаал
Тема боюнча
Бир айылдан эле 30дан ашык киши COVID жуктурган. Чаткалда азыр абал кандай?
10 объектини кыдырсаң, ардактуу турист болосуң! Өлкөдөгү өзгөчө сынак
Министр: туристтер Ысык-Көлгө эч тоскоолдуксуз кире алат
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады