Нарын: козголгон кылмыш ишинен улам коронавирустан айыккан кишиге тергөө уланат

© Sputnik / Табылды КадырбековКиши полкадан "Дело" папканы чыгарып жатат. Архив
Киши полкадан Дело папканы чыгарып жатат. Архив  - Sputnik Кыргызстан
Жазылуу
Дарыгерлердин билдиргенине караганда, облустук оорукананын жугуштуу оорулар бөлүмүнө жаткырылган беш адамдын төртөө үйгө чыгарылган. Учурда дааватка барып келген кишинин жубайы гана азырынча обсервацияда.

БИШКЕК, 16-апр. — Sputnik. Нарын шаарына Пакистандан дааваттан келип, коронавирус илдетине чалдыккан жаран айыгып, үйүнө чыкты. Карантиндик эреже сактабагандыктан козголгон кылмыш ишинин негизинде, учурда тергөө жүрүп жатат. Бул тууралуу Нарын шаары жана Ат-Башы району боюнча коменданты Уланбек Аалиев бүгүн, 16-апрелде, онлайн маалымат берүү жыйынында билдирди.

Тез жардам дарыгери. Архив - Sputnik Кыргызстан
Нарында COVID-19 жуктургандар эмнеге кескин көбөйүп кетти? Райштабдын жообу
Анын сакайып, үй карантинине чыгарылгандыгын облустук ооруканадан тастыкташты.

Дарыгерлердин билдиришинче, облустук оорукананын жугуштуу оорулар бөлүмүнө жаткырылган беш адамдын төртөө үйгө чыгарылган. Дааватчынын жубайы гана азырынча обсервацияда жатат.

Тергөө иштери боюнча Нарын облустук ички иштер башкармалыгынын басма сөз катчысы Кундуз Эсенгулова төмөнкүлөрдү маалымдады.

"Санитардык-карантиндик эрежелерди бузгандыгы үчүн Кылмыш-жаза кодексинин 280-беренесинин негизинде Нарын шаардык ички иштер бөлүмү кылмыш ишин козгогон. Саламаттыгы калыбына келгенге чейин тергөө иштери убактылуу токтотулган. Жакшы болуп үйүнө чыккандыгына байланыштуу эми тергөө амалдары жүргүзүлөт" , - деди ал.

Сөз болуп жаткан адам 15-мартта Пакистандан дааваттан Ташкент-Бишкек авиакаттамы аркылуу борбор калаага келген. Бишкекте төрт күн уулунукунда болуп, Нарынга 19-мартта такси менен жетип алган. 22-мартта дене табы көтөрүлгөндүктөн Нарын облустук ооруканага жаткырылып, 29-мартта коронавирус жуктуруп алганы аныкталган. 8-апрелде карантиндик эрежелерди сактабай, үй-бүлөсү менен дарылануудан баш тартканы үчүн Нарын ШИИБ тарабынан кылмыш иши козголгондугу кабарланган.

Ситуация в Чуйской области из-за коронавируса - Sputnik Кыргызстан
Комендант: каттоосу барлар дагы Нарын шаары менен Ат-Башыга кире албайт
Бүгүнкү күндө коронавирустан жабыркаган Нарын облусу боюнча 45 учур табылды. Мунун бешөө Нарын шаарынан болсо, бирөө Кочкор районунан, 29 киши Ат-Башы жана 10 киши Жумгал районунан катталган. Булардын ичинен Нарын облустук бириктирилген ооруканасынын билдиргенине караганда, Нарын шаарынан эки адам сакайып, 14-апрелде үйгө чыгарылган.

Аймактагы эпидемиологиялык абалдан улам Нарын шаарына жана Ат-Башы районуна 15-апрелден тарта өзгөчө абал киргизилген.

Өлкөдө эмне болуп жаткандыгы тууралуу Sputnik Кыргызстандын тексттик трансляциясынан таанышсаңыз болот.

Ошондой эле кабарларды ыкчам, ыңгайлуу шартта окуу үчүн Telegram-каналыбызга да баш багыңыз.

Жаңылыктар түрмөгү
0