Киши толкунданып турган учурда. Архив

Жакшы тарбия бергим келген. Баласын сабаган ата окуянын чоо-жайын айтты. Видео

8198
(жаңыланган 21:37 17.04.2020)
Чуулуу видеонун каарманы башка аталар сыяктуу эле уулун жакшы көрөрүн, болгону ага жакшы тарбия бергиси келгенин айтат. Буга баласы спорт мектебинде окуганын байланыштырат. Учурда өзү жаман абалда турганын белгилеп, тескерисинче, баласы аны сооротуп жатканын билдирди.

Буга чейин социалдык тармакка тестиер баланы чоң эле киши аёосуз сабап жаткан видео тараган. Кадрдан киши баладан жерден түртүлүү көнүгүүсүн жасоону талап кылып уруп, тепкилеп, жада калса катуу темир менен да чаап жатканын көрүүгө болот. Бул социалдык тармактарда катуу талкууга алынууда. Ал эми милиция анын ким экенин аныктаганын кабарлады.

Мындан улам Sputnik Кыргызстандын кабарчысы баласын сабаган киши менен байланышып, окуянын чоо-жайын сурады.

— Интернет айдыңында сизди жемелегендер көп болууда. Ошол окуя тууралуу түшүндүрүп бериңизчи?

— Ал өзүмдүн балам, күндө эле эркелетип, ойнотуп, айтканын алып берип жүрөм. Биз учурда Москвада турабыз. Уулум ушул жакта спорт мектебинде 1-класста окуйт. Мен катуу деле урган эмесмин. Бирок көнүгүү жаса деп шапалак менен жамбашка, булчуңга койгулаганым чын. Мен өзүмдүн жанымда жүрсүн, тарбиямды көрсүн деген эле ой болгон. Эч кандай жаман оюм жок. Түшүнбөстүктөрдөн улам видеосу тарап кетиптир. Аны көргөндөр бир тараптуу карап, түшүнбөй эле ар кандай комментарий жазып жатышат.

— Балаңыз күнүгө ушундай көнүгүүлөрдү жасачу беле?

— Ооба, күндө эле отуруп-туруп, шпагатка отуруп, жерден түртүлүү көнүгүүлөрүн жасачу. Дайыма эртең менен жана кечинде машыгып турабыз. Жерден түртүлүү көнүгүүсүн 50-60 жолу жасап жүргөн. Азыр карантинде үйдө болуп калганбыз. Мугалимдери дагы "үйдөн машыктырып тургула" деп айткан.

— Ал күнү жаңжал эмнеден чыкты, балаңыз эмне үчүн жасагысы келген жок?

— Маанайы жокпу же эркеледиби эмне болгонун билбейм, айтсам, "жасагым келбей жатат" деп туруп алган. Мен өтө катуу сабаган эмесмин, акырын эле булчуңга, жамбашка шапалак менен ургам. Кантип өз баламды катуу урайын, андай оюм болсо бир чапканда эле бир жери сынып же бир нерсе болмок да.

— Таяк менен уруп, моюндан муунтуп жатканыңыз элдин үрөйүн учурду...

— Жок, мен аны көкүрөгүнөн кармап тартып бул жерге келип жаса деп жаткам. Аны муунткан эмесмин. Өзүмдүн жаш баламды кантип ошентип калайын. Ал эми таякты алып акырын эле бут жагына эки жолу уруп койгом.

— Видеодо балаңызга болушуп жаткан жубайыңызбы?

— Ооба, үч балам бар, улуусу кыз, андан кийинкиси ушул, дагы бир кичүү уулум бар. Жалал-Абад облусунун Ала-Бука районунан болобуз. 2012-жылдан бери Москвага келип-кетип иштеп жүрөбүз.

— Үйүңүздөрдө болгон окуя социалдык тармактарга тарап, талкууга алынып жатканын көрүп кандай абалда калдыңыз?

— Учурда туугандарыбыз ар жактан чалып жатышат. Интернетте ар кандай комментарийлерди жазышууда. Чынын айтсам азыр жаман абалда турам. Мынчалык тарап кетерин билген эмесмин.

— Видеону соцтармакка чыгарган адамды издеп же ушул боюнча дагы жаңжал чыккан жокпу?

— Бул кандайча тарап кеткенин мен деле анык билбей жатам. Бир-эки тааныштарымдан "өчүртсө болобу" деп сурадым. Жайылып кеткенине өкүнүп турам. Жашообуз мурдагыдай эле уланып жатат. Келинчегим, балдарым менен баарыбыз чогуу үйдө жакшы эле отурабыз. Күндөгүдөй эле машыгып жатабыз.

— Ушул окуядан кийин балаңызга туура эмес мамиле кылганыңызды түшүндүңүзбү?

— Мен буга чейин деле мындай уруп-силкип эмес, бирок спорттук көнүгүүлөрдү жасатып же турникке тартынтып, эшикте ойнотуп, аянтчаларга алып барып жүргөм. Мен аябай деле урган эмесмин да. Өзүм дагы спорт менен машыгып турам. Мелдештерге катышпасам дагы ден соолук үчүн машыгам.

— Балаңыз ушундай ур-соккудан кийин психологиялык жактан жабыркап, сизди жек көрүп калат деп ойлобойсузбу?

— Жок, андай эч оюм жок. Себеби экөөбүздүн ортобузда жамандык жок да. Ал мени, мен баламды жакшы көрөм. Кечээ видео чыккандан кийин да балам келип "ата, ар ким ар кандай айта берет, мен сизди жакшы көрөм го" деп жатат кайра. "Мен азыр жерден түртүлүү көнүгүүсүн көбүрөөк жасайын кайра тартып жөнөтүңүзчү" деди. Эми баланын ою менен бөлүшүп, бала менен бала болот экенсиң да.

— Сизге милициядан чалып же үйүңүзгө келишкен жокпу?

— Жок. Баары жакшы.

— Бул окуяны талкуулап жаткан адамдарга эмне айтат элеңиз?

— Айтарым, ар кимдин үй-бүлөсүнө киришип, билип-билбей туура эмес пикирлерди жаза бергенден алыс болсок. Ким эле өз баласын жаман көрсүн, ким эле жамандык кааласын? Бардык эле аталар баласын эрктүү, күчтүү болушун каалайт да. Мен дагы балама жакшы тарбия бергим келет.

8198
Белгилер:
үй-бүлө, сабоо, социалдык тармак, видео, бала, ата, Москва
Тема боюнча
Депкир менен сабалган ымыркайдын энесине жаңы берене менен иш козголду
Чымчыктар ай!... Жакыны сабап, бычактап, кордогон бөбөктөр. Жүрөк титиреткен 7 окуя
Кыргызстандын жаранынын паспорту. Архив

Райым Матраимов фамилиясын өзгөртүп алган. Мамкаттоо чоо-жайын айтты

350
(жаңыланган 14:26 20.10.2020)
Буга чейин социалдык тармактарда Матраимов фамилиясын өзгөртүп алды делген паспорттун сүрөттөрү жарыяланган.

Маалымат толукталууда

БИШКЕК, 20-окт. — Sputnik. Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган. Бул туурасында Мамлекеттик каттоо кызматы расмий түрдө билдирди.

Фото паспорта, в котором Райым Матраимов якобы поменял фамилию
фото распространяемое в мессенджерах
Райым Матраимов фамилиясын алмаштыруу үчүн Ош шаарындагы Жарандык актылардын абалын каттоо бөлүмүнө жеке өзү кайрылган
“Матраимов Р. Ы. аттуу жаран аты-жөнүн өзгөртүүнү сурап кайрылган. Фамилиясын алмаштыруу процедурасы КР мыйзамдарынын алкагында жүргүзүлгөн. Ал аты-жөнүн өзгөртүү тууралуу күбөлүктү алгандан кийин еID паспортун алмаштыруу үчүн Ош шаарындагы Калкты тейлөө борборуна кайрылган. Бирок аталган жаранга документ берүүгө тыюу салуу боюнча чечим бар болгондуктан, ага берүүдөн баш тартышкан”, — деп айтылат маалыматта.

Мамкаттоо укук коргоо органдары тарабынан жүргүзүлгөн иш-чаралардын алкагында Ош шаарындагы Калкты тейлөө борборлорунан жогоруда аталган паспорт алынганын белгилейт.

350
Белгилер:
фамилия, паспорт, Райымбек Матраимов
Тема боюнча
Райым Матраимовдун кармалышы. Белгилүү болгон маалыматтар
Райым Матраимов кармалды

Бишкек мэри Азиз Суракматовдун маалымат жыйыны. Видео

49
(жаңыланган 14:35 20.10.2020)
Суракматов борбор калааны жетектөөгө мындан эки жыл мурун, 2018-жылы, киришип Албек Ибраимовдун ордуна келген.

Бишкек мэри болуп эки жылдан бери иштеп келе жаткан Азиз Суракматовдун кызматтан кете турганы тууралуу маалымат бүгүн тарады. 

Мэрия шаар башчысы маалымат жыйын өткөрө турганын кабарлаган. 

Sputnik жыйынды түз алып берүүдө

49
Белгилер:
отставка, кызмат, мэр, Бишкек мэриясы, Азиз Суракматов
Тема боюнча
Бишкек мэри Суракматовдун иштен кетери айтылды
Мамлекеттик бажы кызматынын төрагасынын мурдагы орун басары Райым Матраимовду кармалды

Райым Матраимов кантип колго түшүрүлдү. Сүрөттөр

0
(жаңыланган 14:40 20.10.2020)
УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган.

БИШКЕК, 20-окт. — Sputnik. УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады.

  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады
    © Фото / пресс-служба ГКНБ КР
  • Райымбек Матраимов вместе с супругой Амандой Матраимовой задержан в Бишкеке сотрудниками ГКНБ КР. 20 октября 2020 года
    Кадрларда анын колуна кишен салып, андан соң бир нече адам коштоп басып келе жатканын көрүүгө болот
    © Фото / пресс-служба ГКНБ КР
  • Райымбек Матраимов задержан в Бишкеке сотрудниками ГКНБ КР. 20 октября 2020 года
    УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды
    © Фото / пресс-служба ГКНБ КР
1 / 3
© Фото / пресс-служба ГКНБ КР
УКМК Мамлекеттик бажы кызматынын төрагасынын мурдагы орун басары Райым Матраимовду кармап келе жаткан учурдагы сүрөттөрдү жарыялады

Кадрларда анын колуна кишен салып, андан соң бир нече адам коштоп басып келе жатканын көрүүгө болот.

УКМК бүгүн түшкө чейин Райым Матраимовду кармаганын айтып, учурда сотко чейинки өндүрүш ишинин алкагында териштирүү жүрүп жатканын кошумчалаган. Ал бажы тармагындагы коррупция фактысы боюнча кармалды.

0
Белгилер:
Сүрөт, УКМК, Райымбек Матраимов
Тема боюнча
Райым Матраимов кармалды