№17 бейтапкананын COVID-19 жуккан медиктери менен байланышкан 22 киши обсервацияда

© Sputnik / Кирилл Каллиников / Медиабанкка өтүүКоронавирус жуктурган кишилерди кабыл алынган оорукана. Архив
Коронавирус жуктурган кишилерди кабыл алынган оорукана. Архив - Sputnik Кыргызстан
Жазылуу
Буга чейин айрым ЖМКлар аталган бейтапканада иштеген башка дарыгерлер өздөрүн изоляцияга алууну талап кылышканын жазып чыгышкан.

БИШКЕК, 17-апр. — Sputnik. №17 үйбүлөлүк дарыгерлер борборунун коронавирус аныкталган медиктери менен байланышта болгон 22 адам обсервацияга жаткырылды. Бул тууралуу Саламаттык сактоо министрлигинин маалымат кызматы кабарлады.

Эске салсак, бүгүн, 17-апрелде, Чүй облусундагы №17 үйбүлөлүк дарыгерлер борборунда иштеген төрт медицина кызматкеринен коронавирус аныкталып, бейтапкана жабылган.

Буга чейин айрым ЖМКлар аталган бейтапканада иштеген башка дарыгерлер өздөрүн изоляцияга алууну талап кылышканын жазып чыгышкан.

"Төрт дарыгер менен 22 адам байланышта болгон. Анын баары Garden мейманканасына обсервацияга жайгаштырылды. Алардан тест алынып, анализдери чыккыча ошол жакта болушат", — деди министрликтин маалымат кызматы.

Коронавирустун кесепети

Кыргызстанда коронавируска кабылгандардын саны 489га жетип, анын 114ү айыгып чыкты. Арасында 116 медицина кызматкери да вирус жуктуруп алган. Оорунун кесепетинен беш адам каза тапты.

Кылмыш иши папкасы. Архивдик сүрөт - Sputnik Кыргызстан
Ат-Башы: 27 адамга COVID-19 жуктурду делген эки дааватчыга иш козголушу мүмкүн
Эске салсак, Кыргызстандын төрт шаары жана төрт районуна 30-апрелге чейин өзгөчө абал режими киргизилген. Бул аймактарда кечки саат 9.00дөн эртең мененки 6.00гө чейин коменданттык саат иштейт.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Мындан тышкары, Sputnik редакциясы карантин учурда ар тараптан жардам бере турган кызматтардын ишеним номерлерин жана облустардагы комендатура, штабдардын номерлерин жарыялаган.

Жаңылыктар түрмөгү
0