Күйөөмдү камабагыла, бизди багар киши жок! Баласы сабалган келиндин кайрылуусу

© Sputnik / Табылды КадырбековАртын карап отурган аял. Архив
Артын карап отурган аял. Архив - Sputnik Кыргызстан
Жазылуу
Москванын Кунцево райондук ички иштер бөлүмүнүн аймактык кызматкерлери кыргызстандык киши баласын урган квартирага барып келген. Кийин аялы видеокайрылуу жасады.

БИШКЕК, 18-апр. — Sputnik. Баласын сабаган видео интернетте тарап кеткен кыргызстандыктын жубайы элден кечирим сурап, күйөөсүн жазага тартпоону өтүндү. Мындай видео “Короче” Telegram-каналына жарыяланды.

“Жолдошумдун апасы дагы өтүп кеткен. Кайнатам эч жерде иштебейт. Күйөөмдү камап салса, бизге жардам бере турган эч ким жок. Бул үйдө иштеген жалгыз киши ушул”, — деди келин видеодо.

Киши толкунданып турган учурда. Архив - Sputnik Кыргызстан
Жакшы тарбия бергим келген. Баласын сабаган ата окуянын чоо-жайын айтты. Видео
Буга чейин интернетке эркек киши кичинекей баланы уруп жаткан видео тарап, коомчулукта нааразычылыктарды жараткан. Кийин Ички иштер министрлигинен билдиришкендей, бул көрүнүш Москва шаарында 16-апрелде саат 11лер чамасында болгон. Аны телефонго аялы тартып алган да, алгач Ала-Букада жашаган атасына жөнөткөн. Ал киши туугандарына жиберип, андан кийин коомчулукка жайылып кеткен.

Sputnik Кыргызстан баласын урган киши менен байланышып, аны кепке тарткан. Ал журналистке окуянын кандай болгонун, баласына жакшы тарбия берем деген максаты болгонун айтып берген.

Жаңылыктар түрмөгү
0