Оорукана. Архив

№13 бейтапкана иштеп жатат. Мэрия Республикалык штабдын билдирүүсүн төгүндөдү

111
(жаңыланган 15:31 18.04.2020)
Буга чейин Республикалык штабдан №13 үй-бүлөлүк медицина борборунда дезинфекциялоо иштери жүрүп жатканын, ал 19-апрелден тарта иштээрин айтышкан.

БИШКЕК, 18-апр. — Sputnik. Бишкектеги №13 үй-бүлөлүк медицина борбору бир да күнгө жабылган эмес жана штаттык режимде иштеп жатат. Бул тууралуу Бишкек шаардык саламаттык сактоо башкармалыгынын жетекчиси Бактыгүл Исмаиловага таянып мэриядан билдиришти.

Эске салсак, буга чейин Республикалык штабдан №13 үй-бүлөлүк медицина борборунда дезинфекциялоо иштери жүрүп жаканын, ал 19-апрелден тарта иштээрин айтышкан. Маалыматка караганда, буга бейтапкананын дарыгери үй карантининде көзөмөлдөп жаткан бир жаранда коронавирустун аныкталышы себеп болгон.

"Эртең менен №13 байтапкана жабылды деген маалымат чыкты. Бул чындыкка туура келбейт. Учурда андагы кызматкерлердин бардыгы штаттык режимде иштеп жатат. Маал-маалы менен дезинфекциялоо иштери жүргүзүлүүдө", — деп айтылат билдирүүдө.

Ошондой эле маалыматта чындап эле бир дарыгер коронавирус аныкталган бейтап менен байланышта болгону, учурда коопсуздук үчүн 15 медик үй карантинине жөнөтүлгөнү айтылды.

"Бардык медиктердин тесттери таза чыкты. Бирок жакында ПЦР-анализ тапшырышат", — деди Исмаилова.

Белгилей кетсек, бул өкмөт жана Саламаттык сактоо министрлигинин расмий маалыматы төгүндөлгөн алгачкы учур эмес.

Sputnik Кыргызстан редакциясы карантин учурунда ар тараптан жардам бере турган кызматтардын ишеним номерлерин жана облустардагы комендатура, штабдардын номерлерин жарыялаган.

Учурда өлкө аймагында эмне болуп жаткандыгы тууралуу Sputnik Кыргызстандын тексттик трансляциясынан көрсөңүз болот.

111
Белгилер:
маалымат, дарыгерлер, бейтапкана, коронавирус, Бишкек
Тема:
Кыргызстандагы коронавирус жуктуруп алгандар (859)
Тема боюнча
№13 бейтапкананын дарыгери дагы COVID-19 жуктурганбы? Расмий жооп
Биометрикалык паспорт. Архивдик сүрөт

Географияны мыкты билген үй-жайсыз Кайрат паспорт алды

94
(жаңыланган 23:44 28.05.2020)
Паспорт алган жаран ал үчүн документ алуу өтө маанилүү экенин айткан. Эми ал жумуш табуу мүмкүнчүлүгүнө ээ болду.

БИШКЕК, 28-май — Sputnik. Социалдык тармактарда "географияны жакшы билген үй-жайсыз адам" катары таанылган кыргызстандык Кайрат Курманалиев паспорт алды.

Анын документ алып, баарына ыраазычылык билдирген видеосу Жогорку Кеңештин депутаты Алтынбек Сулаймановдун Instagram баракчасына жарыяланды.

Кайратты белгилүү кылган видео социалдык тармактарда бир ай мурун тараган. Аны комендатуранын кызматкерлери да жардам берүү максатында издешкен. Убакыттын өтүшү менен ал сырткы келбетине, кийингенине көңүл бура баштап, интернет колдонуучулары Алтынбек Сулайманов экөөнүн түспөлдөш экенин байкашкан. Депутат да окшоштук бар экенин моюндаган.

94
Белгилер:
депутат, селсаяк, Алтынбек Сулайманов, паспорт
Тема боюнча
Өмүр бою Өзгөндө жашаган 100 жаштагы энеге биринчи ирет паспорт берилди
Казань вокзалын дезинфекциялоо. Архивдик сүрөт

Москвада чектөөлөр коронавирустун вакцинасы чыкканга чейин улантылат

90
(жаңыланган 22:43 28.05.2020)
Шаар мэри май айында вирустан каза тапкандардын саны  мындан ары да өсөрүн болжоду. Россия коронавирус жуктургандардын саны боюнча дүйнөдө үчүнчү орунда турат.

БИШКЕК, 28-май — Sputnik. Москванын мэри Сергей Собянин COVID-19 пандемиясынан улам коюлган чектөөлөр улана турганын айтты. Бул тууралуу РИА Новости жазып чыкты.

Анын айтымында, чектөө чаралары коронавирустун вакцинасы табылмайынча созулмакчы.

"Өзүн сактоо режими, санитардык чектөөлөр вакцина чыккыча созулат. Күн сайын эки-үч миңдеп оору жуктурган учурларды каттап жатабыз. Ооруканага жаткырууну азайтканыбыз менен оор абалдагы бейтаптар көбөйүүдө", — деп билдирди ал "Россия-24" телеканалына.

Мэрдин айтымына караганда, борбордо коронавируска байланышкан абал "анчалык жакшы эмес", ошондуктан шашуунун кереги жок. Мындан тышкары, май айында COVID-19дан каза болгондордун саны мындан да өсөрү болжолдонду.

"Май айында каза тапкандардын саны дагы да өсөт. Адам өлүмүнүн чыныгы себебин аныктоо өтө маанилүү. Анткени бул адам өмүрүн сактап калууга мүмкүнчүлүк берет", — деп кошумчалады мэр.

Эпидемия башталгандан бери Россиянын 85 аймагынан 380 миң адамдан коронавирус табылып, алардын 4412си каза болгон. Бейтаптардын 150 миңден ашыгы сакайып чыкты. Москвада 173 497 COVID-19 инфекциясын жуктурган учур катталган.

Жакында эле Собянин өзүн-өзү изоляцияга алуу режими жана борбор шаардагы өткөрмө кагазы 14-июнга чейин узартыларын билдирген.

90
Белгилер:
чектөө, коронавирус, Сергей Собянин, Москва, мэр
Тема:
Кытайдагы жаңы типтеги коронавирус
Тема боюнча
Бишкек мэриясы: "Автомаш-радиатор" заводунда сегиз кишиден COVID табылды