Аптекага киргер киши. Архивдик сүрөт

Кыргызстанда дары-дармектер 20 пайызга чейин кымбаттады. Себептери

140
(жаңыланган 16:36 20.04.2020)
Учурда өлкөгө Кытайдан жана Россиядан дары-дармек алынып келүүдө. Бардык чек аралар ачылса баалар жөнгө салынышы ыктымал.

БИШКЕК, 20-апр. — Sputnik. Дүйнөлүк пандемия жана доллар курсунун жогорулашына байланыштуу Кыргызстанда дары-дармектин баасы 20 пайызга жогорулады. Бул туурасында Фармацевтикалык кеӊештин төрагасы Эрнис Асанов маалымат жыйын учурунда билдирди.

Анын айтымында, Индия менен каттамдар толугу менен жабылгандыктан айрым дары каражаттарына таңкыстык жаралган.

"Дарыларды алып келүү кыйынга туруп калды, мурда бир килограммдын жол акысы үч-төрт доллар болсо азыр 7-8 долларга көтөрүлдү. Ошого карабастан медициналык каражаттарды алып келген компаниялар менен сүйлөшүп, маселени чечип жатабыз. Бүгүнкү күндө өтө чоң дефицит жок, бирок 15-20 пайызга чейин кымбаттады. Буга жол акысы жогорулаганы, ага кошумча доллар менен евронун курсу өскөнү таасир этти", — деди Асанов.

Ал ошондой эле баалардын жогорулашы убактылуу экенин кошумчалады. Чек аралар ачылгандан кийин кайра арзандашы ыктымал. Адистин айтымында, учурда өлкөгө Кытайдан жана Россиядан дары-дармек алынып келүүдө.

Мындан сырткары Асанов айрым препараттардын баасы кескин жогорулаганын байкагандар болсо Дары-дармек менен камсыздоо департаментине жана Финансы полициясына кайрылууну сунуштады.

Коронавирустун кесепети

Кыргызстанда коронавирус жуктуруп алгандардын саны 568ге жетти. Анын ичинен 201и айыгып, жетөө каза болду. 140 медицина кызматкеринен да COVID-19 аныкталган.

Бишкек, Ош, Жалал-Абад, Нарын шаарлары жана Кара-Суу, Ноокат, Сузак, Ат-Башы райондоруна өзгөчө абал жарыяланып, кечки саат 21.00дөн 6.00гө чейин коменданттык саат киргизилген.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот

Мындан тышкары Sputnik Кыргызстан редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

140
Белгилер:
кымбаттоо, акы, жол, дефицит, дары-дармек
Тема:
Коронавируска байланыштуу Кыргызстандагы кырдаал (2317)
Тема боюнча
Бишкектеги дарыканалардын иш графиги, телефондору жана дареги. Карта
Вирустан эмес, ачкадан өлчүдөйбүз. Карантинди бузган ишкерлердин ыймандай сыры
Саргарган дарактар. Архив

Бейшембиге карата аба ырайы

22
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

22
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

178
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

178
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды