Жол кырсыгына кабылган айдоочу. Архивдик сүрөт

Жадыбалдай жатта! Жол кырсыгына кабылган айдоочу көрө турган 5 чара

453
(жаңыланган 16:48 21.04.2020)
Учурда Кыргызстанда бир миллиондон ашык автотранспорт бар. Өлкөдө жол кырсыгы көп катталат. Милициянын айтымында, булардын арбын бөлүгү рулда отургандардын жол эрежесин билбегендигинен же бузгандыгынан келип чыгат.

БИШКЕК, 21-апр. — Sputnik. Sputnik Кыргызстан айдоочуларга пайдалуу маалыматтарды, суроо жараткан жол эрежелерин аныктап, зарыл болгон кеп-кеңештерди берип туруу максатында атайын рубрика ачты.

Алгачкы материалда айдоочу же жарандар автокырсыкка кабылганда эмне кылуу керектигин айтып бермекчибиз. Бул тууралуу Жол кырсыгынын коопсуздугун камсыздоо башкы башкармалыгы түшүндүрүп берди.

Жол кырсыгынан жабыркагандар же айдоочу окуянын болжолдуу схемасын кагазга чийип, кол коюп, жакынкы постко же милицияга барып, кырсыкты каттатуусу керек;

Эгер жабыркагандар болсо, автоунааларды ордунан жылдырбай, авариялык жарыкты дароо күйгүзүү зарыл. Кырсык болгондо заттар кандай абалда болсо, ордунан жылдырбай, ошондой түрдө сактоо керек деген эреже бар;

Жабыр тарткандарга биринчи медициналык жардам көрсөтүүгө болгон мүмкүнчүлүктөрдү жумшап, Тез жардам кызматын чакыруу. Кырдаал татаал болсо, мүмкүн болушунча өздүк автотранспорт менен жабыр тарткандарды жакын жердеги медициналык мекемелерге жеткирип, каттоого өзүнүн фамилиясын айтып, автоунаанын тийиштүү документтерин (айдоочулук күбөлүктү, транспортту каттоо күбөлүгүн) көрсөтүп, окуя болгон жерге кайра келүү;

Башка транспорттордун өтүүсүнө, жол кыймылдын үзгүлтүккө учурабашына шарт түзүү. Мисалы, жарбыркагандарды өздүк транспорт же тез жардам менен алып баратканда жолдун өтүүчү бөлүгүн бошотуу. Бирок ошол эле учурда күбөлөрдүн катышуусу менен транспорт каражатын, кырсыкка байланышкан заттардын изин сактоого болгон аракетти жасоо;

Окуя тууралуу ички иштер органдарына билдирүү зарыл. Күбөлөрдүн фамилиясын, дарегин жазып алып, милицияны күтүү керек. Кырсык болгон жерден үн сигналын берүүгө уруксат.

Соңку маалыматтарга таянсак, 12 жыл ичинде Кыргызстанда автокырсыктын саны 35 пайызга өскөн. Улуттук статистика комитети Кыргызстандын кайсы аймагында жол кырсыгы көп болорун аныктады. Ведомствонун маалыматына караганда, республиканын жолдорундагы унаалар ар 1,5 саатта кагышып турат

453
Белгилер:
кеңеш, тез жардам, жол кырсык, айдоочу, милиция, жол эрежеси, Кыргызстан
Тема боюнча
Кулакчынды алып, капюшонду чеч! Жол чийинден өтүүдөгү 7 эреже. Видео
Жинденип, каның кайнап турса рулга отурба. Маршрутка айдоо этикети
Зомбулук көрсөткөн адам. Архивдик сүрөт

Жакындарына зомбулук көрсөткөн адамдын жазасы катуулайт. Өзгөргөн мыйзам

14
(жаңыланган 11:55 05.06.2020)
Аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

БИШКЕК, 5-июн. — Sputnik. Өлкө башчы Сооронбай Жээнбеков "КР Жазык-процесстик кодексине өзгөртүүлөрдү киргизүү жөнүндө" мыйзамга кол койду. Бул тууралуу президенттин маалымат кызматы кабарлады.

Ага ылайык, аталган мыйзам үй-бүлөлүк зомбулук фактыларын болтурбоо максатында Жогорку Кеңеш тарабынан ушул жылдын 30-апрелинде кабыл алынган.

Мыйзамга киргизилген өзгөртүүлөргө ылайык, Жазык-процесстик кодексинин 504-беренеси толукталып, 1-3-бөлүгү боюнча үй-бүлөлүк зомбулук жасады деп шектелген адам төмөнкүдөй негиздер болгондо кармалышы мүмкүн:

  • Эгерде шектүү адам жабырлануучу жана башка үй-бүлө мүчөлөрүнүн өмүрүнө жана ден соолугуна коркунуч жаратса;
  • Эгерде шектүү мас абалында болуп, жабырлануучу жана башка үй-бүлө мүчөлөрүнө коркунуч келтирип жатса;
  • Эгерде шектүү адам жабырлануучуну жана башка үй-бүлө мүчөлөрүн кордоону, аларга коркунуч келтирүүнү, уруп-сабоону, шылдыӊдоону, басмырлоону улантат деп болжогонго мүмкүндүк берүүчү негиздер бар болсо.
"Аталган өзгөртүүлөр менен жабырлануучу жана башка үй-бүлө мүчөлөрүнүн коопсуздугун камсыздоо максатында зомбулук жасоого шектүү адамды 48 саатка чейин кармоо чарасы каралган", — деп айтылат маалыматта.

Мыйзам расмий жарыяланган күндөн тартып күчүнө кирери кошумчаланды.

14
Белгилер:
зомбулук, үй-бүлө, өзгөртүүлөр, мыйзам, президент, Кыргызстан
Тема боюнча
КРге донорлор үй-бүлөлүк зомбулук менен күрөшүү үчүн 200 миң доллар бөлдү
Мурдагы жигитиңди эстебейм деген. Күйөөсүнүн кордугунан чарчаган келиндин каты
Саламаттык сактоо министринин орун басары Нурболот Үсөнбаев

COVID-19ду кимдер массалык түрдө жайылтып жибериши мүмкүн. Үсөнбаевдин жообу

120
(жаңыланган 11:29 05.06.2020)
Саламаттык сактоо министрлигинин өкүлү коронавируска чалдыгып, бирок анын белгилери билинбей же жеңил формада өтүп жаткандарды обочолонтуунун зарылчыгын айтып берди.

БИШКЕК, 5-июн. — Sputnik. Коронавирустун симптому жоктор жана аны жеңил көтөргөндөр башкалар сыяктуу ооруканага жатып, бир нече ирет анализ тапшырып чыгышат. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.

"Коронавируска чалдыккандардын көбүндө анын белгилери жок болот. Арасында жеңил формада ооругандар бар. Айрымдар эмнеге аларды ооруканага кармап, обочолонтуу керек деп айтышы мүмкүн. Бейтаптардын бул тобу элге коркунуч жаратат. Алар оорунун булагы болуп саналып, вирусту массалык түрдө жайылтып жибериши ыктымал. Биз симптому жокторду да стационарга жаткырып, бир нече ирет анализ алып, анан чыгарабыз. Андан кийин эки жума үй карантининде болушат", — деди Үсөнбаев.

Кыргызстанда коронавирус жуктургандардын саны 1936га жетти. Анын ичинен 1340 адам айыгып, 22си каза болду.

120
Белгилер:
анализ, коронавирус, Нурболот Үсөнбаев, КР Саламаттык сактоо министрлиги
Тема:
Коронавируска байланыштуу Кыргызстандагы кырдаал
Тема боюнча
Өлкөнүн үч аймагындагы алты медиктен коронавирус табылды
Кызынан жуккан. Министрлик COVID-19дан көз жумган аялдар боюнча маалымат берди