Кол кишен. Архив

Бишкекте милицияга баш ийбей камалган кыз үй камагына чыгарылды

322
(жаңыланган 00:33 22.04.2020)
Укук коргоо органынын өкүлдөрүнө каршылык көрсөтүп, орой мамиле жасаган кыз камакта 10 күн отурган.

БИШКЕК, 21-апр. — Sputnik. Бишкекте милицияга баш ийбегени үчүн тергөө абагына камалган 23 жаштагы кыз үй камагына чыгарылды. Бул тууралуу борбор калаанын комендатурасынын маалымат кызматы билдирди.

Мындай чечим бүгүн, 21-апрелде, Октябрь райондук соту тарабынан кабыл алынган.

Белгилей кетсек, милиционерлер 11-апрель күнү саат 17:30да "Орто-Сай" базарынын аймагындагы Юнусалиев менен Сүйөркулов көчөлөрүнүн кесилишинен медициналык бет кап кийбей кетип бараткан кызга түшүндүрүү иштерин жүргүзүү үчүн токтотушкан. Бирок кыз баш ийбей, сөгүнүп-сагынып жооп кайтарган. Ошондой эле милиция кызматкерлерине каршылык көрсөтүп, күч колдонгон.

Факт Кылмыш-жаза кодексинин 266-беренеси ("Бейбаштык") боюнча каттоого алынган. Алгач кызды Бишкек ШИИББдин убактылуу кармоочу жайына киргизишкен. Кийин Октябрь райондук сотунун чечими менен №1 тергөө абагына 15 суткага камалган.

322
Белгилер:
тергөө, сот, кыз, камоо, милиция
Тема боюнча
Бишкекте милицияны укпай койгон 23 жаштагы кыз камакка алынды
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

63
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

63
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы