Бош супермаркеттеги кардар. Архив

Жакынкы айларда массалык ачкачылык капташы мүмкүн. БУУнун кооптуу божомолу

896
(жаңыланган 12:17 22.04.2020)
Буга чейин БУУнун адистери 2020-жылдын акырында коронавирус пандемиясынын кесепетинен дүйнөдө 130 миллиондой адам ачка каларын прогноздошкон.

БИШКЕК, 22-апр. — Sputnik. Бириккен Улуттар Уюмунун (БУУ) Азык-түлүк боюнча дүйнөлүк программасынын аткаруучу директору Дэвид Бизли коронавирус пандемиясынан улам адам баласы массалык ачкачылыкка кабылышы мүмкүн экенин айтты. Бул тууралуу уюмдун сайтында жазылган.

"Эгер биз азыртадан азык-түлүк коопсуздугу боюнча тийиштүү чараларды көрбөсөк, бир нече айдан кийин ачкачылыкка кабылышыбыз толук ыктымал”, — деди ал.

Ошондой эле ал ачкачылыкты алдын алуунун жолдорун сунуштады. Мисалы, согуштук аракеттер жүрүп жаткан аймактар аркылуу гуманитардык жардамды тоскоолдуксуз алып өтүүгө шарт түзүлүшү керек. Мындан тышкары, дүйнө жүзү боюнча гуманитардык жардамдарды ташып жүрүүгө ылайыкташкан логистикалык борборлорду куруу үчүн 350 миллион доллардын тегерегинде каражат чогултуу зарыл.

“Биринчиден, дүйнөгө тынчтык керек. Андан соң соода-сатыкты үзгүлтүккө учуратпоо, долбоорлорду убагында каржылап туруу, ошондой эле тамак тартыштыгы бар калктарга тоскоолдуксуз каттап турууга шарттар түзүлүшү керек”, — деди аткаруучу директор.

Буга чейин БУУнун адистери 2020-жылдын акырында коронавирус пандемиясынын кесепетинен дүйнөдө 130 миллиондой адам ачка каларын божомолдошкон.

Коронавирус тууралуу

2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка ылайык, 22-апрелге карата дүйнө жүзү боюнча коронавирус жуктургандардын саны 2 565 059га жетти.

896
Белгилер:
азык-түлүк, кесепет, коронавирус, ачкачылык, дүйнө, БУУ
Тема:
Дүйнөгө жайылган коронавирус (1162)
Тема боюнча
Дүйнө экономикалык кризиске даяр болушу керек! Россия менен Кытайдын божомолу
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

122
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

122
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты
Бишкек шаары. Архив

Бейшембиге карата аба ырайы

62
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

62
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы