Бишкектеги бетон тосмолордон атайын кызматтын унаалары кантип өтөт? Түшүндүрмө

© Sputnik / Илья Питалев / Медиабанкка өтүүМедициналык кызматкерлер коопсуз бет капчан тез жардам унаасында жолдо бара жатат. Архив
Медициналык кызматкерлер коопсуз бет капчан тез жардам унаасында жолдо бара жатат. Архив - Sputnik Кыргызстан
Жазылуу
Бишкектин бир катар көчөлөрүнүн кесилишине 77 бетон тосмо орнотулган. Мындай чара шаар тургундарынын арасында бир катар суроолорду жаратты.

БИШКЕК, 22-апр — Sputnik. Бишкек шаарынын коменданты Алмаз Орозалиев брифинг учурунда шаарга коюлган бетон посттордон атайын кызматтын унаалары кантип өтө турганын айтып берди.

Саламаттык сактоо министринин орун басары Нурболот Үсөнбаев - Sputnik Кыргызстан
Бишкекте коронавирус жуктургандар эмнеге көбөйүп жатат? Министрликтин жообу
Борбор калаанын 77 жерине бетон блоктор коюлуп, автоунаа үчүн жол бөгөлгөн болчу. Өзгөчө абал режимине байланыштуу Кайгуул милиция кызматы шаарда жүргөн автоунаалардын санын кыскартуу үчүн ушундай аракеттерге барган. Тосулган көчөлөрдүн тизмеси менен шилтеме аркылуу таанышууга болот.

Социалдык тармактардын колдонуучулары мындай бетон тосмолордон тез жардам унаалары, өрт өчүрүүчү машиналар, ошондой эле өткөрмө кагазы бар унаалар кантип өтүшү керектигин кеп кылышкан. Буга чейин интернетте видео тарап, андан блоктор бири-бирине параллель орнотулуп, чыгуунун бардык жолун бөгөп тургандыгын көрүүгө болот.

Комендант белгилегендей, бетон блоктор "жылан" түрүндө орнотулат. Ошондо атайын унааларды өткөрүүдө көйгөйлөр болбойт.

"Машиналардын санын кыскартуу үчүн ушундай чараларды көргөнгө туура келип жатат. Кеп кыймылдын токтотулушу жөнүндө эмес, чектөө боюнча болууда", — деген комендант.

Калаада коронавирус жуктуруп алгандардын саны 133кө жетти. Коронавирус көп катталган аймактардын тизмесинде Бишкек биринчи сапта турат, экинчи орунда Ош облусу.

Кыргызстанда коронавирус жалпы 612 адамдан аныкталса, анын 254ү айыкты. Жуктуруп алгандардын ичинен 157си медик. Илдет жети адамдын өмүрүн алган.

Бош супермаркеттеги кардар. Архив - Sputnik Кыргызстан
Жакынкы айларда массалык ачкачылык капташы мүмкүн. БУУнун кооптуу божомолу
Бишкек, Ош, Жалал-Абад, Нарын шаарлары жана Кара-Суу, Ноокат, Сузак, Ат-Башы райондоруна өзгөчө абал жарыяланып, кечки саат 21.00дөн 6.00гө чейин коменданттык саат киргизилген.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Жаңылыктар түрмөгү
0