Көчөдө бараткан киши. Архивдик сүрөт

Кайнатамдын кемсинтип басынтканы тажатты... Күйөө баланын каты

2196
(жаңыланган 13:39 25.04.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет кайнатасынын мамилесине нааразы болгон жигиттин каты жарыяланды.

Саламатсыздарбы, мен жашыруун психологго кайрылууну көптөн бери ойлоп жүргөм. Бир жолу социалдык тармактардан "Психологдун кеңеши" рубрикасын окуп калып сиздерге кайрылууну туура көрдүм.

Мен келинчегимди аябай жакшы көрөм. Эки балабыз бар. Сүйүп, артынан чуркап жүрүп алгам. Сүйлөшүп жүрүп, отузга барып калганда көп тоскоолдуктарга карабай үйлөндүк. Кайындарым абдан каршы болушту. Ага менин материалдык абалымдын начарлыгы себеп болду.

Кайын журт негизинен тээ илгертен түптөлүп калган оокаттуу адамдар экен. Алар үйү жок адамды жалкоо катары кабыл алышат. Балким, бул деле туурадыр. Бир туруп ага да ар кандай себеп болуп калышы мүмкүн да деп коём. Кайындарымдын жашоого көз карашы менен өзүмдүкүн салыштырып жүрүп эле үйлөнгөнүбүзгө сегиз жыл өттү.

Өзүм айылда чоңойгом. Окуган эмесмин. Бирок үйлөнгөнгө чейин шаарда иштеп машина алдым, агама там салдык. Айылдагы үйдү жаңырттык. Кыскасы, мен башка чөйрөдө өскөм. Кайындар башынан эле шаарда туруп калышкан экен.

Каршы болгондоруна карабай Айжанды өзүнүн айтуусу менен айылга ала качып кеткем. Ал апасына телефондон баарын түшүндүрүп, туугандар ачуу басарга барып, кайындардын батасын алганбыз.

Ошентип айылда бир айча туруп, шаарга келип батирде жашап жүрдүк. Экөөбүз тең иштейбиз. Там салганга жер алайын деп пландай баштагам. Көп өтпөй кайната-кайненемдер көп кабаттуу үйдөн батир белек кылышты. Албетте сүйүндүк. Ошол үйдөн эки балалуу болдук. Ак жолтой үй болду.

Мен да үй-бүлөмдү эч нерседен кем кылбай, колумдан келишинче багып келе жатам. Баламды жеке менчик бакчага, кызымды жакшы мектепке бердик. Баары эле жакшы, болгону кайындардын сөзү мени кыйнап салды.

Кайнатамдыкына такыр баргым келбейт. Чогулушканда мойнуман байлангансып араң барам. Айжандын көңүлү деп кайнатамдын канча сөзүн кулактын сыртынан кетирдим. Кээде кайненем да кошулуп калат. Түз айтышпайт. Мага кызын ыраа көрбөгөнүн кыйытып турушат. Анан балдарымды эркелетимиш болуп да батирди кыпчып кетишет.

Ушунун баарынын эмне кереги бар? "Үйүңөрдү алгыла, ансыз деле жан багып келгем" деп кол шилтейин десем, келинчегим шагымды сындырып койсочу. Үй-бүлөм менен ажырашкым келбейт. Балдарымды жанымдан артык көрөм. Башынан эле батирден баш тартып койбой деп да өкүнөм.

Бир жолу тойдон кийин кайнатамдарды үйүнө жеткирип баратсам, алып берген батири тууралуу "тыз" эттирген сөз айтып алды. Анда да унчуккан жокмун. Ичимен гана ызаландым, бирок кур намыска алдырбайын дедим. Ошол сөздөн кийин тырышып акча чогултуп жер алгам. Эми акырындап там салууга белсенип жатам.

Ата-энеси менен менин ортомдо келинчегим да кээде кыйналып кетет. Бирок батирге чыккысы келбейт, "там салып көчүп кетели" десем ага да болбойт. Айжанды деле түшүнүп турам, анын жумушу, балдардын бакчасы шаар ичинде.

Бирок мен да намыстанып жатпайымбы... Жанагы сөздөрдөн кутулуу үчүн өзүм үй салышым керек же кайындар менен катышпашым керек болуп калды. Экөөнө тең келинчегим каршы. Ушунун айынан үйдөгү ынтымактан кол жууп, мамилебиз муздап калышын да каалабайм. Айжан менен бактылуу жашагым келет. Анда кайындардын сөзүнө кулак жапырып жүрө беремби? Мага бир жолун айта аласыздарбы?

Гүлнара Жасоолова, психолог:

--Сиз материалдык жактан кайындарыңызга теңеле албай калганыңызды эң эле көйгөйлүү маселе катары баса белгилеп жатасыз. Жогорку билим албай калганыңызга да бушайман экенсиз. "Мен" деген концепция төмөндөп кеткенде адам өзүнүн жакшы жактарын көрө албай, башка адамдарды өзүнөн жогору коюп калат. Ошондуктан өзүңүздү баалаганды үйрөнүңүз. Сиздин жакшы жактарыңыздын бири — өзүңүз каалаган, сүйгөн кызга баш коштуңуз. Жубайыңыз дагы сизди жакшы көрүп, туура түшүнүү менен кабыл алып турмушка чыгыптыр. Кайнатаңыз алып берген үйдү "албай эле койбой" деп өкүнөт экенсиз. Ал сизге эмес, оболу кызына, неберелерине алып берди. Сизге психологиялык жактан басым болуп жаткан окшойт. Мындан чыгуунун жолдорун издеп жатыптырсыз. "Кайындарым менен катышпай койсомбу" дегениңиз, менимче, туура эмес. Анда сиз өзүңүздүн алсыздыгыңызды көрсөтүп коёсуз. Алар менен катышпай койсоңуз келинчегиңиз ортодо кыйналып жатпайбы. Сиз балдарыңыздан, үй-бүлөңүздөн ажырагыңыз келбегендей эле жубайыңыз да ата-энесинен алыстагысы келбейт.

Экинчиден, үйдү кайра берип салууга да болбойт. Себеби бул кадам үй-бүлө ичинде уруш-талашты, түшүнбөстүктү жаратышы мүмкүн. Өзүңүздү эле эмес, келинчегиңизди, балдарыңызды жана үй-бүлөңүздү сактап калууну да ойлоңуз. Кайындарынан батир алган жалгыз сиз эмессиз. Азыр кызына үй белек кылган ата-энелер көп.

Кайната-кайненеңиз отургузуп алып түз айтпай, "кыйытып" айтат экен. Адамдын өзүн-өзү баалоосу төмөндөп кеткенде, майда-барат сөздөрдүн баарына маани берип, өзүнө ала берет. Айтылган сөздөр анын короосуна ыргытылган таштай сезилет. Мүмкүн сизге тийиштик кылып айтып жатышкан эместир. Бөөдөй нерсени төөдөй кабыл алып жаткан жоксузбу? Таразалап көрүңүзчү.

Кайындарыңыздын көзүнө көрүнүү үчүн сөзсүз эле эки кабат там салып, материалдык байлыкка жетүү керек десеңиз жаңылышасыз. Алгач мамилеңизди оңдоңуз. Кайнатаңыз менен маңдай-тескей отуруп, ата-баладай кеңешип, акыл сурап, пландарыңыз менен бөлүшүңүз. Ал киши деле колдойт. Сиздин милдетиңиз кайындарга көрүнүү эмес, түптөлгөн материалдык базаңызды андан ары чыңдап кетүү. Болгону кайната-кайненеңизди сыйлап, аларга кичи пейил мамиле кыла берсеңиз эле көңүлдөрү жибийт. Психологдор сизге кеңеш гана бере алабыз. Чечимди өзүңүз кабылдайсыз. Кааласаңыз жекече кайрылыңыз. Бирок бул жерде өтө олуттуу трагедия жок.

2196
Белгилер:
окуу, байлык, күйөө бала, психолог, бала, жубайлар, кайнене, кайната
Тема:
Психолог менен баарлашуу (128)
Тема боюнча
Соцтармакта мактанган адамдардын көйгөйү эмнеде? Психологдун пикири
Баланын жан дүйнөсүн тарткан сүрөтүнөн билсе болот. Психологдун 9 сүрөткө анализи
Балдар психологу: апасынын таяк жегенин көрүп өскөн кыз атасындай күйөөгө жолугат
Алай районунда жаңы ачылган жугуштуу илдеттер ооруканасы

Алай районунда 60 орундуу жугуштуу илдеттер ооруканасы ачылды. Сүрөт

32
Алгач имарат мектеп катары колдонууга берилген, коронавирус күчөгөндөн кийин оорукана катары иштетүү буйругу чыккан.

БИШКЕК, 29-ноя. — Sputnik. Алай районунда 60 орундуу жугуштуу илдеттер ооруканасы ачылып, пайдаланууга берилди. Бул тууралуу өкмөттүн Оштогу өкүлчүлүгүнүн маалымат кызматы билдирди.

  • Алай районунда 60 орундуу жугуштуу илдеттер ооруканасы ачылып, пайдаланууга берилди
    Алай районунда 60 орундуу жугуштуу илдеттер ооруканасы ачылып, пайдаланууга берилди
    © Фото / пресс-служба полпредства правительства в Ошской области
  • Ага ылайык, аталган имарат 1996-жылы курулуп бүткөн
    Ага ылайык, аталган имарат 1996-жылы курулуп бүткөн
    © Фото / пресс-служба полпредства правительства в Ошской области
  • 1999-жылы орто мектеп катары колдонууга берилген
    1999-жылы орто мектеп катары колдонууга берилген
    © Фото / пресс-служба полпредства правительства в Ошской области
  • Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.
    Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды
    © Фото / пресс-служба полпредства правительства в Ошской области
1 / 4
© Фото / пресс-служба полпредства правительства в Ошской области
Алай районунда 60 орундуу жугуштуу илдеттер ооруканасы ачылып, пайдаланууга берилди

Ага ылайык, аталган имарат 1996-жылы курулуп бүткөн. 1999-жылы орто мектеп катары колдонууга берилген. Пандемиялык кырдаалда зарылчылыктан улам кайрадан оорукана катары иштетүү боюнча буйрук чыгарылып, оңдоп-түзөө, жабдуу жумуштары толук бойдон жергиликтүү бюджеттен, райондук өнүктүрүү фондунан каржыланып, жеке демилгелер менен ишке ашырылды.

Учурда толук бүтүп, жабдылган портативдүү рентген да орнотулду. Оорукана коронавирус илдетине чалдыккан бейтаптарды кабыл алат.

Эскерте кетсек, өкмөттүн Оштогу өкүлү Жарасул Абдураимов ушул айдын башында курулуш иштеринен кабар алган.

32
Белгилер:
мектеп, курулуш, имарат, оорукана, Алай району
Тема:
Коронавируска байланыштуу Кыргызстандагы кырдаал
Тема боюнча
Жуктургандар, айыккандар. Кыргызстандагы коронавирус боюнча абал
Ош шаарында беш жаңы мектеп курулуп жатат. Даректери
Өкмөттүн маалымат кызматынын мурунку жетекчиси Чыңгыз Эсенгулов. Архив

Чыңгыз Эсенгул уулунун эгизи Кундуз: экөөбүз тең милиционер болууну самачубуз

402
(жаңыланган 18:21 29.11.2020)
Элибиз эзелтеден эле эгиздерге өзгөчө мамиле жасап, ал тургай аларга карата ар кандай ырым-жырымдарды да колдонуп келген.

Кээде эгиздердин бири коомчулукка белгилүү болсо, айрым учурда экөө тең ар тармакта ийгиликке жетишип, таанымал эгиздер атыгышат.

Бул ирет Sputnik Кыргызстан агенттигинин кабарчысы өкмөттүн маалымат кызматынын мурунку жетекчиси Чыңгыз Эсенгуловдун эгизи Кундуз Эсенгул кызы менен баарлашты. Кундуз учурда Нарында жашайт, кесиби боюнча юрист. Жолдошу менен эки уулду тарбиялап, аларга татыктуу тарбия берип келишет.

— Чыңгыз Эсенгулов коомчулукка белгилүү адам. Ал адамдын эгизи бар экенин көбү билбесе керек. Өзүңүз тууралуу айта кетсеңиз?

— Мен 1987-жылы Нарын шаарында туулуп-өскөм. Кийин беш жашымда Бишкекке көчүп кеткенбиз. Бирок 8-классымда кайрадан Нарындагы орто мектепте окудум. Себеби эжеме кол кабыш кылууга туура келди. Улуу эжем ошол учурда турмушка чыгып, жаш аялмет эле. Кийин 9-класстын базасы менен юридикалык колледжде билим алдым. Аны бүтөрүм менен эле Юридикалык академияга тапшыргам. Кесибим боюнча юристмин. Азыр Нарын шаардык сотунда судьянын катчысы болуп иштейм.

Руководитель пресс-службы правительства Кыргызстана Чынгыз Эсенгулов во время интервью Sputnik Кыргызстан
© Sputnik / Жоомарт Ураимов
Кундуз Эсенгул кызы: Мен эгизим менен абдан сыймыктанам. Биздин атабыз кичинебизде эле каза болуп калган. Ошол себептен Чыңгызды бир эсе агамдай, бир эсе атамдай көрөм.

— Үй-бүлөңүз менен Нарында жашайт турбайсызбы?

— Ооба. Жолдошумдун кесиби электрик. Азыр ушул тармакта башкы көзөмөлдөөчү болуп эмгектенет. Мектепте окуган эки уулубуз бар. Экөөбүз 2007-жылы Самара шаарынан таанышып, кийин Кыргызстанга келип баш коштук. Кайра Россияга барып беш жыл жашап, жолдошум жалгыз бала болгондуктан Нарынга келүүгө туура келген.

Экс-глава пресс-службы правительства Чынгыз Эсенгулов с близнецом Кундуз Эсенгул кызы
© Фото / из личного архива Кундуз Эсенгуловой
Чыңгыз Эсенгулов эгизи Кундуз Эсенгул кызы жана апасы менен

— Эми эгизиңиз тууралуу сүйлөшсөк. Эгиздин түгөйү болгон жакшыбы?

— Ооба, жакшы. Мен эгизим менен абдан сыймыктанам. Биздин атабыз кичинебизде эле каза болуп калган. Ошол себептен Чыңгызды бир эсе агамдай, бир эсе атамдай көрөм.

Руководитель пресс-службы правительства Кыргызстана Чынгыз Эсенгулов во время интервью Sputnik Кыргызстан
© Sputnik / Табылды Кадырбеков
Чыңгыз менен Кундуздун ортосу 15 мүнөт. Биринчи болуп жарыкка Чыңгыз келген.

— Азыр да жакынсыздарбы? Дегеним, эки башка бүлө куруп, өз түйшүгүңөр бар дегендей...

— Ооба, башка бир туугандарыбызга караганда экөөбүз аябай жакын болуп калдык. Сырдашабыз. Мен Бишкекке барганда сөз жок Чыңгыздыкына барам. Ошол жакта болом. Анын үстүнө апам да уулунун колунда. Биздин үйдө Чыңгыз жалгыз уул бала болгондуктан ага таянам. Анын үстүнө төрөт убагында экөөбүздүн ортобузда 15 мүнөт айырма болуп, ал менден биринчи төрөлүптүр. Мага байке дагы, атанын ордуна ата да болуп, ушу күнгө чейин жанымда жүрөт. Кадимкидей эле атама эркелегендей эркелейм. Чыңгыз ажыга барган кезде эмнегедир менде да абдан жагымдуу сезимдер болгон. Ал кезде мен Россияда элем. Меккеден мага видео аркылуу байланышып "мына, Меккеде жүрөм" деп сүйүнүп көргөзгөн эле. Ошол сезимдер эсимде, мен да кошо баргандай болгом. Чыңгызды материалдык болбосо да моралдык жактан дайыма колдогонго аракет кылып келем.

Экс-глава пресс-службы правительства Чынгыз Эсенгулов с близнецом Кундуз Эсенгул кызы
© Фото / из личного архива Кундуз Эсенгуловой
Чыңгыз Эсенгуловдун эгизи Кундуз Эсенгул кызы менен

— Кичинеңерде чогуу ойноп, издешкен жакын белеңер же кадимки бир туугандардай эле өстүңөрбү?

— Албетте, кичинекей кезде урушкан учурлар көп эле болот. Ойноп жатып урушасың, кайра табышасың. Чыңгыз өзү абдан ак көңүл. Бирөөгө көп таарынбайт. Же бат эле жазылып кетет. Экөөбүз 6-класска чейин бир класста окудук. Апабыз Россияда иштегендиктен, 6-классты ошол жактан окуганбыз. Андан кийин Нарынга кетип калдык. Чыңгыз Нарындагы Кыргыз-түрк лицейинде окуду. Жогоруда айткандай, биз 1-класста окуп жүргөндө эле атабыз каза болуп калган. Апам жалгыз өзү беш баланы тарбиялап, жогорку билим берди. Бизди ушул даражага жеткирген ошол киши. Апам билими боюнча биолог болгондуктан Нарындагы медициналык окуу жайда сабак берчү. Бирок турмуш шартка байланыштуу кийин Россияга барып соода кылып жүрдү. Кичинекей кезибизде Чыңгыз экөөбүз бир бала бакчага барып, чогуу ойноп, жетелешип чоңойдук. Мен ооруп калсам, Чыңгыз да ооруп калчу. Же тескерисинче болчу. Ортодо кандайдыр бир байланыш бар, башка бир туугандарыңа караганда, баары бир өзгөчө жакындык болот экен. Чыңгыз Бишкекте жүрүп ичинен кыжалат болуп жатса, мен да сезем. Кадимкидей өзүмчө жаман боло берем.

Заведующий отделом информационного обеспечения Аппарата правительства Кыргызстана Эсенгул уулу Чынгыз
© Пресс-служба правительства / Сабыр Аильчиев
Чыңгыз Эсенгулов буга чейин өкмөттүн маалымат кызматын жетектеп келген

— Кесип тандоого келгенде эмне түрткү берди. Кандайча тандап калдыңыздар?

— Чыңгыз кичинесинен эле музыкага жакын болчу. Ал кезде "Ямаха" алуу кыял эле да. Жыгач рейкага "Ямаханын" сүрөтүн тартып алып эле черте берчү. Бизге "Руки вверхтин" ырларын ырдап, концерт да коюп берген учурлары болгон. Бирок экөөбүз тең чоңойгондо милиция кызматкери болууну самачубуз. Кийин ал Кыргыз улуттук университетинин экономика факультетинде окуп, мен апамдын сунушу менен юридикалык жогорку билимге ээ болдум. Апам "сен юрист болууга татыктуусуң, юрист же сот болгонуңду көргүм келет" деп айткандыктан, мен ушул кесипти тандап кеткем. Чыңгыз жөндөмүнө жараша журналистика айдыңында эмгектенип калды.

Экс-глава пресс-службы правительства Чынгыз Эсенгулов с близнецом Кундуз Эсенгул кызы
© Фото / из личного архива Кундуз Эсенгуловой
Кундуз Эсенгул кызы: Чыңгыз кичинесинен эле музыкага жакын болчу. Ал кезде "Ямаха" алуу кыял эле да. Жыгач рейкага "Ямаханын" сүрөтүн тартып алып эле черте берчү. Бизге "Руки вверхтин" ырларын ырдап, концерт да коюп берген учурлары болгон.

— Тукумунда эгиз болгондо гана эгиз төрөлөт дешет го...

— Атамдын таенеси эгиз төрөгөн экен. Келечекте бизде да эгиз болор деп күтөбүз. Менин үй-бүлөмдө же Чыңгызда, мүмкүн эжелерибиздин үйүндө эгиз бөбөктөр төрөлүп калар .

402
Белгилер:
Нарын, кесип, оюн, окуу, эгиз, Чыңгыз Эсенгул уулу
Тема боюнча
Чыңгыз Эсенгул уулу: мен кара тору бала болсом, эгизим узун бойлуу, ак жуумал
Эсенгул уулу: эжемдин сунушу менен радиого аралашып калгам
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

0
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

0
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди