Видео байланыш менен сүйлөшүп жаткан кыз. Архви

Чала тааныш адамга күтүүсүз чалба. Видео байланыш учурундагы этикет

366
Sputnik Кыргызстан "Этикет" рубрикасынын алкагында коомдук жайларда жана ар кыл жагдайда өзүн-өзү татыктуу алып жүрүүнүн эрежелери менен тааныштырат.

Карантиндик чектөөлөр күнүмдүк иштерибизди онлайн-режимде бүтүрүүгө үйрөттү. Өзгөчө бири-бирин көрүп сүйлөшкүсү келгендер видео байланыш аркылуу жүз көрүшүп калды. Кызыгы, жөн гана сагыныч таратып же иш аркылуу эмес, видео байланыш аркылуу баш кошуп, үлпөт той өткөргөндөр дагы болууда.

Бүгүн Sputnik Кыргызстандын окурмандарына этикет мугалими Нуржан Исмаилова акыркы айларда жашообузга мурдагыдан дагы тереңирээк сүңгүп кирген видео маектешүүнүн эрежелерин айтып берди.

Интернеттин сапатын текшерип ал

Кимдир бирөө менен видео аркылуу сүйлөшкүңүз келсе, алгач интернеттин сапатын текшерип алыңыз. Өзгөчө жумуш боюнча жакын тааныш эмес же алгачкы ирет сүйлөшүп жаткан киши болсо, видео улам токтоп же сөзүңүз жөндүү угулбай турганы экөөңүзгө тең ыңгайсыздык жаратат.

Даярдык

Сүйлөшө турган киши жакын адам болбогон учурда "видео жолугушууга" даярданып алыңыз. Мисалы, чачы-башыңызды оңдоп, жаныңыздагы бирөө болсо анын тоскоол болбой турушун суранып дегендей. Баса, видео чакыруу жөнөтөрдөн мурда маектешке билдирип койгонуңуз туура. Балким ал үйдө чоюлуп кеткен футболка кийип, телевизордун маңдайында кофе ичип отурушу мүмкүн. Ага дагы даярданып алууга шарт түзүңүз.

Башкага алаксыба

Маек учурунда башкага алаксып, экрандын ары жагындагы адамга көңүл кош мамиле кылуу туура эмес. Ошондой эле олдоксон кыймылдап, камераны калчылдатпаңыз.

Сөз талашпа

Бир адам менен же видеоконференция аркылуу бир нече киши менен сүйлөшүп жатканда бирөөнүн оозунан сөздү жула качпаңыз. Бет маңдай отурбагандан кийин мындайда ар бир киши кезек-кезеги менен сүйлөгөнү туура.

Жатып алба

Айрым учурда отургучка чалкалап же керебетке жатып алып жайбаракат сүйлөшкүбүз келет. Бирок мындайды үй-бүлө мүчөлөрү же сүйүктүү адамыңызга гана кылсаңыз болот. Башкалардын көзүнө бул нерсе бир аз жат көрүнүшү мүмкүн.

Коштошуу

Сүйлөшүп бүткөндө сөзсүз коштошуп, маек бүткөнүнө көзүңүз жеткенден кийин гана камераны өчүрүңүз.

366
Белгилер:
маек, байланыш, этикет
Тема:
Өзүн алып жүрүүнүн эрежеси (42)
Тема боюнча
Кутула тажагансыбай, жылуу сөздү көбүрөөк айтыңыз. Белек берүү этикети
Бирөөнүн телефонун шыкаалаба! Кезек күтүү этикети

Жол тазалоочу техника жетпейт. Бишкек Ош трассасынын кышка даярдыгы текшерилди

17
(жаңыланган 11:59 02.12.2020)
Комиссия "Сосновка" постунан "Арал" постуна чейинки ашууларды тейлеген мамлекеттик кызматтардын кышка даярдыгын карап чыккан.

Бишкек — Ош жолунун кышка даярдыгы текшерилди. Бул тууралуу ӨКМдин маалымат кызматы кабарлады.

Ага ылайык, өзгөчө кырдаалдар министринин тапшырмасы менен атайын комиссия түзүлгөн. Алар Чүй облусунун Жайыл районундагы "Сосновка" постунан Жалал-Абад облусунун Токтогул районундагы "Арал" постуна чейинки ашууларды тейлеген мамлекеттик кызматтардын кышка даярдыгын карап чыгышкан.

"Текшерүүнүн негизинде бир топ көйгөйлүү маселелер бар экени аныкталган. Алсак, жол тазалоочу, кум чачуучу атайын техника жетишсиз болуп, жолго кум кол менен чачылып жаткан. Айрым жүк ташуучу унаалар кышка даярдыгы жок ашууларда калып калган. Комиссия тамак-аш берилүүчү жана жылына турган пунктулардын да даярдыгын көргөн. Жыйынтыгында "Арал" постундагы жылынуучу пункт кышка толук даяр эместиги аныкталган", — деп айтылат маалыматта.

ӨКМ айдоочуларга кайрылып, алыс жолго, тоолуу аймактарга чыгарда аба ырайына көңүл бурууну суранды. Ошондой эле зарылчылык жок болсо, шашылыш билдирүү берилгенде жолго чыкпай турууну сунуштаган.

17
Белгилер:
Бишкек – Ош жолу, комиссия, текшерүү, ашуу, жол, унаа, Бишкек, ӨКМ
Тема боюнча
Кыргызстандагы бардык жолчуларга күнү-түнү иштөө милдети жүктөлдү
Бишкектин Коопсуз шаарынын камералары. Архивдик сүрөт

Бишкекте дагы 40 кесилишке "Коопсуз шаардын" камералары коюлат

59
(жаңыланган 10:50 02.12.2020)
Долбоордун экинчи этабын ишке ашыруу үчүн тендерди Shenzhen Sunwin Intelligent Co.Ltd компаниясы утуп алган.

БИШКЕК, 2-дек. — Sputnik. Бишкекте дагы 40тай жол кесилишине "Коопсуз шаардын" камераларын коюу пландалууда. Бул тууралуу мэриянын маалымат кызматы кабарлады.

Тез жардам унаасы. Архивдик сүрөт
© Пресс-служба президента КР / Султан Досалиев
Ага ылайык, азыркы учурда тийиштүү адистер камера орнотула турган кесилиштерди карап, изилдөөдө. Аппараттар кайсы кесилиштерде пайда болору маалыматта айтылган эмес.

Белгилей кетсек, "Коопсуз шаар" долбоорунун экинчи этабын ишке ашыруу үчүн тендерди Shenzhen Sunwin Intelligent Co.Ltd компаниясы утуп алган. Мында өлкөнүн бардык аймактарына камералар коюлат. Жалпы 306 жерге атайын жабдуу орнотулары, анын 266сы стационардык, 40ы көчмө камера боло турганы кошумчаланды.

59
Белгилер:
долбоор, тендер, жол, камера, Бишкек
Тема боюнча
Иши жеңилдеди. Патрулдук милиция айдоочуларды эми планшет менен текшерет
Жээнбаева: "Коопсуз шаар" киргенден бери Бишкекте жол кырсыгы 70%га азайды
Активист: майыптыгы бар адамдар "Коопсуз шаар" сыяктуу системада иштесе болмок
Депутаты и чиновники на заседании Жогорку Кенеша

ЖК өкүлү: референдум өтпөсө депутаттар мөөнөтүн дагы 6 айга узарта алат

0
Учурда Жогорку соттун Конституциялык палатасы парламенттин мөөнөтүнүн узартылышынын мыйзамдуулугу боюнча кайрылууну карап жатат.

БИШКЕК, 2-дек. — Sputnik. Эгер Конституциялык реформа кийинки жылдын июнь айына чейин бүтпөсө, Жогорку Кеңештин депутаттары мөөнөтүн дагы алты айга узарта алат. Бул туурасында Конституциялык палатанын отурумунда ЖКнын өкүлү Камила Бейшенбек кызы билдирди.

Учурда Жогорку соттун Конституциялык палатасы парламенттин мөөнөтүнүн узартылышынын мыйзамдуулугу боюнча кайрылууну карап жатат.

ЖКнын өкүлү парламенттик шайлоонун мөөнөтү өлкөдөгү кырдаалды турукташтыруу, эпидемиологиялык абалды эске алуу жана бюджеттин дефицитинен улам жылдырылганын билдирди. Ошондой эле ал Конституциялык реформа жүргүзүп анан парламенттик шайлоо өткөрүүнүн талап кылынышы себеп болгонун айтты.

Анда даттануучулардын бири Нурбек Касымбеков: "Эгер Конституциялык реформа 2021-жылдын июнь айына чейин бүтпөсө, ЖК мөөнөтүн дагы алты айга узартып алышы мүмкүнбү?" - деп сурады. Ага Бейшенбек кызы "ооба, мөөнөтүн дагы узартып алса болот" деп жооп берди.

Эске салсак, 21-октябрда Борбордук шайлоо комиссиясы жаңы парламенттик шайлоо мөөнөтүн 20-декабрга дайындаган. Бирок эртеси эле Жогорку Кеңеш өзүнчө мыйзам кабыл алган. Ага ылайык, шайлоо күнү конституциялык реформадан кийин, бирок 2021-жылдын 1-июнунан кеч эмес мөөнөткө белгиленген. Ал мыйзамга ошол убактагы президенттин милдетин аткаруучу Садыр Жапаров кол койгон. БШК өз мөөнөтүндө өткөрүү талабы менен Жогорку сотко чейин даттанып, утулуп калган болчу.

0
Белгилер:
өкүл, узартуу, мөөнөт, Жогорку Кеңеш