Билим берүү жана илим министри Каныбек Исаков. Архив

Министр: дистанттык окутууну жаңы окуу жылында дагы колдонобуз

5206
(жаңыланган 13:17 27.04.2020)
Жаңы окуу жылынан тарта каалаган окуучулар мектептеги сабагынан кийин ар бир багыт боюнча видео сабактарды көрүүгө, билим берүү порталдарындагы окуу материалдары менен таанышууга мүмкүнчүлүк ачылары айтылды.

БИШКЕК, 27-апр. — Sputnik. Дистанттык окутуунун кийинки жумаларында мугалимдер инновациялык тажрыйбаларды үйрөнүп, чыгармачылык менен изденип, билим берүү процессин жакшы жолго коюп алышты. Бул тууралуу билим берүү жана илим министри Каныбек Исаков билдирди.

Ал шаардык жана райондук билим берүү бөлүмдөрүнүн башчылары менен кезектеги онлайн-конференциясын уюштуруп, дистанттык окутуунун жүрүшүн талкуулаган.

Министр алгачкы жумаларда мугалимдер жана окуучулар жаңы форматта иштөөнү өздөштүрүшсө, эми аны бир жолго салып, жигердүү иштеп жатышканын белгиледи.

"Мугалимдердин эмгегин баалап, азыр баары ыраазычылыгын айтып жатышат. Мектеп мугалимдеринин өз ишине так, эмгеги ак экендигин коомчулук сезүүдө. Педагогдордун жоопкерчиликтүүлүгүнөн, күнү-түнү иштеген мээнеткечтигинен коомдо кадыр-баркы жогорулап баратат. Дистанттык окутуу — мугалим, окуучулар менен бирге көпчүлүк ата-энелердин да санариптик сабаттуулугун арттыра баштады. Бул жакшы көрүнүш. Азыр биз башыбыздан өткөрүп жаткан билим берүү процессин терең анализдеп, алгылыктуу жактарын алып, кемчиликтерин түздөп, алдыга кадам шилтешибиз керек", — деди Исаков.

Ал ошондой эле жаңы окуу жылынан тарта дистанттык окутууну кошумча билим булагы катары киргизүү пландалып жатканына токтолду.

"Жаңы окуу жылынан тарта каалаган окуучулар мектептеги сабагынан кийин ар бир багыт боюнча видео сабактарды көрүүгө, билим берүү порталдарындагы окуу материалдары менен таанышууга мүмкүнчүлүктөр ачылат. PISA менен ЖРТга даярдоо боюнча мугалимдер жана окуучулар үчүн онлайн-сабактарды сунуш кылабыз. Көп тилдүүлүк, IT-технология жана түрдүү предметтер боюнча тереңдетип үйрөтүүчү онлайн-курстарды иштеп чыгабыз деген максатыбыз бар", — деди министр.

Исаков телевизор, телефонго муктаж үй-бүлөлөрдүн маселеси жергиликтүү бийлик, демөөрчүлөрдүн жардамы менен мүмкүнчүлүккө жараша чечилип жаткандыгын, бул боюнча жумуштар улана берерин кошумчалады.

5206
Белгилер:
Каныбек Исаков, окуучулар, мугалим, Билим берүү жана илим министрлиги
Тема боюнча
Өлкөдө 800дөн ашык үй-бүлө телевизорлуу болду
Ойтемиров: Эмгек кодексине дистанттык иштөө боюнча өзгөртүү сунушталууда
Балдарды мектепке даярдаган мугалимдердин айлыгы кандай чыгат? Министрликтин жообу
Дистанттык окуу: бардык мугалимдердин айлыгы толук төлөнөт
Кишенделген адам. Архив

УКМК: Жапаров, Ташиев менен тааныштыгын айтып кызмат саткан алдамчы кармалды

27
(жаңыланган 00:44 05.03.2021)
Комитет кармалган шектүү 15 миң долларга мамлекеттик кызматтан жетекчилик орунга дайындоону убада кылганын белгилөөдө.

БИШКЕК, 4-мар. — Sputnik. УКМК мамлекеттик кызматтан жетекчилик орун убада кылып, пара алып жаткан шектүүнү колго түшүрдү. Бул тууралуу атайын кызматтын коомчулук менен байланыш бөлүмү билдирди.

Шектүү башкаларды президентке жана УКМК башчысына жакын киши экенин айтып ишендирген.

“Кармалган адам президент жана УКМК башчысы менен жакын тааныштыгы бар экенин айтып, А.Б.А. аттуу жаранды 15 миң долларга мамлекеттик кызматтагы жетекчи орунга дайындоону убада кылган. Бул үчүн андан алдын ала 1 000 доллар аванс алган”, — деп айтылат билдирүүдө.

Бул факты боюнча Кылмыш кодексинин 204-беренеси ("Алдамчылык") менен иш козголду.

УКМК ушундай көрүнүшкө туш келгендерди же күбө болгондорду (0312) 66-00-20 жана (0312) 66-04-75 телефон номерлери аркылуу билдирүүнү өтүнөт.

27
Белгилер:
кармоо, шектүү, алдамчылык, УКМК
Тема боюнча
Кыргызстандыктарды миллиондогон сомго алдап кеткен киши Алматыдан кармалды
Айып короодогу 20 унааны каттайм деп 170 миң сом алып из жашырган. Шектүүнүн сүрөтү
Кыргызстандын президенти Садыр Жапаров жана жубайы Айгүл Жапарова. Архив

Кыргызстандын канайымы эл алдына чыкты. Сүрөт

118
(жаңыланган 22:45 04.03.2021)
Айгүл Жапарова акыркы жолу жолдошунун инаугурациясында коомчулукка чыккан. Социалдык тармактарга анын реабилитациялык борборго баргандагы сүрөтү жарыяланды.

БИШКЕК, 4-мар. — Sputnik. Кыргызстандын канайымы Айгүл Жапарова “Үмүт — Надежда” реабилитациялык борборуна барды. Анын борборго баргандагы сүрөтү “Тумар” бийчилер тобунун Instagram баракчасына чыккан. 

Посмотреть эту публикацию в Instagram

Публикация от wheelchair dance group (@tumar_show_group)

Анда Жапарова мүмкүнчүлүгү чектелген балдарга белек-бечкек бергени айтылат.

Айгүл Жапарова акыркы жолу жолдошунун инаугурациясында коомчулук алдына чыккан.

Канайым тууралуу кенен маалыматты Sputnik топтогон фактылардан окусаңыз болот.

118
Белгилер:
Айгүл Жапарова, биринчи айым
Тема боюнча
Шайлоого катышкан. Канайым Айгүл Асанбаева тууралуу кызыктуу фактылар
"Биринчи айым болуу баарына буюрбайт". Садыр Жапаровдун жубайы тууралуу 7 факты