Ош шаарында турган ИИМдин кызматкерлери иш учурунда. Архив

ӨАнын жаңы эрежеси боюнча эмнеге уруксат берилип, кандай чектөө болот. Тизме

1559
(жаңыланган 18:26 28.04.2020)
Жыйында коронавирус инфекциясын жайылтпоо жана социалдык-экономикалык активдүүлүктү жандандыруу маселеси каралган.

БИШКЕК, 28-апр. — Sputnik. Коопсуздук кеңешинин отурумунун жыйынтыгында бир катар чечимдер кабыл алынганын президенттин маалымат кызматы билдирди.

Мамлекет башчы Сооронбай Жээнбековдун төрагалыгы алдында бүгүн, 28-апрелде, чакан курамдагы Коопсуздук кеңешинин жыйыны өттү. Ага бир катар мамлекеттик органдардын жетекчилери жана Бишкек шаарынын мэри катышты.

Жыйында коронавирус инфекциясын жайылтпоо жана социалдык-экономикалык активдүүлүктү жандандыруу маселеси каралды.

Жыйынтыгында өкмөткө төмөнкү чектөөлөрдү күчүндө калтыруу сунушталды:

  • бардык массалык иш-чараларды өткөрүүгө;
  • ишкердик субъектилер үчүн товар ташыгандарды кошпогондо оору көбүрөөк катталган облустардын, ири шаарлардын жана калктуу конуштар арасында жарандардын жүрүүсүнө;
  • өзгөчө кырдаал режими алынып салынганга чейин Кыргызстанга чет элдик жарандардын кирүүсүнө.

Ошону менен катар өкмөткө төмөнкүлөр сунушталды:

  • өзгөчө кырдаал жана өзгөчө абал режиминин шарттарында уруксат берилген ишканалардын түрлөрүнүн тизмесин кеңейтүү боюнча план-графигин 30-апрелге чейинки мөөнөттө бекитүү;
  • экономикалык жана социалдык туруктуулукка келтирилген кесепеттерди азайтуу боюнча 2020-жылга биринчи кезектеги чаралардын планын ишке ашырууну улантуу;
  • экономика тармагы жана ишкердик субъектилердин ишин калыбына келтирүү боюнча финансылык жана фискалдык чаралардын кошумча планын иштеп чыгып, бекитүү.

Президент Сооронбай Жээнбеков Коопсуздук кеңештин жыйынында
© Пресс-служба президента КР / Султан Досалиев
Ошондой эле Республикалык штабга 30-апрелге чейин ишин жанданткан ишканалар санитардык-эпидемиологиялык иш-чараларды аткаруу үчүн сунуштарды иштеп чыгуу сунушталды.

Экономика министрлигине жана өкмөттүн облустардагы ыйгарым укуктуу өкүлдөрүнө, ошондой эле жергиликтүү өз алдынча башкаруу органдарына ишкерлер менен калк арасында ишкердикти этап-этабы менен жандандыруу эрежелери жөнүндө түшүндүрүү иштерин күчөтүү зарылдыгы белгиленди.

1559
Белгилер:
өзгөчө абал, чечим, Коопсуздук кеңеши, Сооронбай Жээнбеков
Тема:
Коронавируска байланыштуу Кыргызстандагы кырдаал (2249)
Тема боюнча
Ош коменданты быйыл мектепте 20 жылдыктар өтпөй турганын айтты
Үч район, бир шаарда өзгөчө абал режими токтотулмай болду

Каарына карышкырлар чыдабай. Аюу жырткычтарды тамаксыз калтырды. Видео

28
(жаңыланган 20:57 26.09.2020)
Видео АКШнын Йеллоустон улуттук паркында тартылган. Карышкырлар үйүрү менен бизонго аңчылык кылышып, аны кармап жыгышкан. Аюу келип алардын олжосун талашкан.

Йеллоустондогу аюулардын салмагы 300 килограммга жетет. Ал эми жергиликтүү карышкырлар 5-6 килограмм чыгарын National Geographic Россия жазат. Кармашта аюу жеңүүчү болуп чыкты. Карышкырлардан өлгөндөрү болгон эмес.

28
Белгилер:
кармаш, карышкыр, аюу
Тема боюнча
Айкырып, эки аяктап тура калып кармашып... Канададагы аюулардын видеосу
Алма ширеси. Архивдик сүрөт

Диетолог организмге пайдалуу деп жүргөн азыктардын зыянын айтып берди

23
(жаңыланган 20:05 26.09.2020)
Адис май ден соолук үчүн маанилүү роль ойной турганын белгилеп, майы кетирилген сүт азыктарын алуу таптакыр эле пайдасы жок экендигин айткан.

БИШКЕК, 26-сен. — Sputnik. Туура тамактануу үчүн колдонгон азыктардын көбүнүн организмге пайдасы жок. Бул тууралуу Sputnik радиосуна диетолог-нутрициолог Арина Скоромная айтып берди. 

Анын пикиринде, майлары кетирилген сүт азыктары ден соолукка оң таасирин тийгизбейт.

"Адамга май керек. Ал жок кальций сиңбейт. Ошондуктан майы кетирилген сүт азыктарынын дээрлик пайдасы жок десек болот. Изилдөөлөр боюнча мындай азыктар зат алмашууну кыйындатат", — деген Арина Скоромная.

Ошондой эле эртең менен эрте жемиштерден сыгылган ширени ичпей эле коюуну сунуштаган. Себеби кандагы канттын деңгээли көтөрүлүп кетет.

Чөнтөккө да күч келбейт, ден соолукка да пайдалуу. Диетолог 7 азыкты санады

Диетолог мүнөздөп тамак ичип жаткандарга арналып чыгарылган азыктарды дагы байкап алууга кеңеш берген. Маселен, фитнес-батондордун курамына жана чыгарган ишканага көңүл буруу керек. Адатта пайдалуу делген азыктардын көбүндө кант болот.

23
Белгилер:
адистер, май, ден соолук, азык, диетолог
Тема боюнча
Адис: жаңгак сиңимдүү болушу үчүн үч эрежени сактоо керек