MegaPayден битир-садага төлөө. Архивдик сүрөт

Муфтият орозо маалында битир-садаганы үйдөн берүүнүн жол-жобосун айтты

407
(жаңыланган 21:00 18.05.2020)
Карантин маалында MegaCom абоненттери битир-садага, зекет сыяктуу кайрымдуулук төлөмдөрүн MegaPay тиркемеси аркылуу, ал эми Beeline абоненттери balance.kg тиркемеси менен төлөй алышат.

БИШКЕК, 29-апр. — Sputnik. Өлкөдө эпидемиологиялык абалдан улам жарандар битир-садаганы үйдө отуруп эле уюлдук операторлор аркылуу төгө алышат. Бул тууралуу муфтияттын маалымат кызматы кабарлады.

Буга чейин зекетти муфтияттын "РСК Банктагы" эсебине банктын банкоматтары, терминалдары жана RSK24 мобилдик банкинги аркылуу берсе болору айтылган

Маалыматка ылайык, карантин маалында MegaCom абоненттери битир-садага, зекет сыяктуу кайрымдуулук төлөмдөрүн MegaPay тиркемеси аркылуу төлөй алышат. Ал үчүн зарыл болгон нерселер:

  • MegaPay тиркемесин App Store же Google Play сервистеринен жүктөп алуу керек;
  • Андан соң "Кайрымдуулук" деген бөлүмгө киресиз;
  • "Битир-садага", "Зекет" же "Жетим балдарга" бөлүмүн тандоо зарыл;
  • "Реквизиттер" сабына номериңизди киргизип, кайрымдуулук төлөмдүн суммасын көрсөтүү шарт.

Ал эми Beeline абоненттери битир-садаганы жана башка кайрымдуулуктарды balance.kg тиркемеси аркылуу үйдөн чыкпастан бере алышат. Ал үчүн зарыл болгон нерселер:

  • balance.kg тиркемесин App Store же Google Play сервистеринен жүктөп аласыз;
  • "Кайрымдуулук уюмдары" бөлүмүнө киресиз;
  • "Зекет" же "Жетим балдарга" бөлүмүн тандашыңыз керек;
  • "Реквизиттер" сабына номериңизди киргизип, кайрымдуулук төлөмдүн суммасын көрсөтүү шарт.

Баса, атайын өлкө аймактары үчүн Sputnik Орозо календарын даярдады.

407
Белгилер:
календарь, жобо, кайрымдуулук, битир-садага, муфтият
Тема:
Орозо — 2020 (21)
Тема боюнча
Муфтият быйылкы битир-садаганын баасын бекитти
Антарктида аралынын жээгиндеги кеме. Архив

Жер жүзүндөгү абасы эң таза аймак аталды

0
Адистер адам ишмердүүлүгүнүн натыйжасында жер жүзүндө абасы таза аймактар дээрлик калбай баратканын эскертишкен.

БИШКЕК, 3-июн. — Sputnik. Колорадо университетинин (АКШ) окумуштуулары австралиялык кесиптештери менен биргеликте планетадагы абасы таза жерди аныкташты. Адистердин изилдөөсү Proceedings of the Natural Academy of Sciences (PNAS) журналына жарыяланды.

Окумуштуулар Түштүк океан деп аталган Тынч, Атлантика жана Индия океандарынын аймагында аба таза экенин божомолдошкон. Адистердин айтымында, бул жерлерге башка континенттердеги булгануу жана чаң жетпейт.

Изилдөөчүлөрдүн кемеси Тасманиядан Антарктидага чейин барган. Адистер жолдо абанын үлгүлөрүн алышкан. Алар төмөнкү атмосферанын касиеттерин аныктоого жардам берген бактерияларга кызыгышкан.

"Мындай караганда, Антарктидага түштүк континенттерден бактериялар таралбайт, аймак обочолонуп турат. Бул Түштүк океандын антропогендик иш-аракеттер дээрлик таасирин тийгизбеген аймактарынын бири", — деген экспедициянын мүчөсү Томас Хилл.

Адистер адам ишмердүүлүгүнүн натыйжасында жер жүзүндө таза аймактар дээрлик калбай калганын кошумчалашкан.

0
Белгилер:
Окумуштуулар, аба, аалам, жер
Тема боюнча
Булганган аба аялдарды эмчек рагына кептейт. Иликтөө
Адамзатты каатчылык күтүп турабы? Эксперттердин изилдөөсү
Окумуштуулар: коронавирус пандемиясы адамзаттын өмүрүн сактайт
Учактан түшүп жаткан жүргүнчүлөр. Архив

Өлкө ичинде учак менен ары-бери каттай турчуларга атайын эрежелер иштелип чыкты

14
Эгер аэропорттордогу текшерүү учурунда жүргүнчүдөн коронавирустун белгилери (дене табы көтөрүлүп, жөтөл, дем алуунун оорлошуусу, чыйрыгуу) байкалса, ал ооруканага жаткырылары айтылды.

БИШКЕК, 3-июн. — Sputnik. Республикалык штаб Кыргызстандын ичинде авиакаттам менен каттай турчу жүргүнчүлөргө атайын эрежелерди иштеп чыкты.

Маалыматка караганда, мындай иштер коронавирусту алдын алуу жана аны жайылтып албоо максатында жасалууда.

Жүргүнчүлөр үчүн иштелип чыккан эреже, талаптар:

  • "Манас", "Ош" жана "Ысык-Көл" эл аралык аэропортторунун имаратына билеттери бар авиажүргүнчүлөр гана киргизилет;
  • Жашы жете элек балдарды жана ден соолугунан мүмкүнчүлүгү чектелген адамдарды коштоп жүргөндөр да кире алышат;
  • Алардын жанында авиабилеттин өзү же телефонунда электрондук версиясы болушу керек;
  • Жүргүнчүлөрдү узатып келгендер, тосуп алгандар имараттын ичине киргизилбейт;
  • Жүргүнчүлөр аэропортко каттоо башталганга чейин эки саат эрте келиши керек;
  • Аэробекеттин кире беришинде бардык жүргүнчүлөр жана жүктөр дезинфекциялоочу туннель аркылуу өтүшөт. Ошондой эле алардын дене табы сөзсүз текшерилет;
  • Ар бир жүргүнчү бет кап тагынып, аралыкты сакташы зарыл;
  • Эгер текшерүү учурунда коронавирустун белгилери (дене табы көтөрүлүп, жөтөл, дем алуунун оорлошуусу, чыйрыгуу) байкалса, ал адам ооруканага жаткырылат.

Республикалык штаб өлкө ичинде каттай турчу жүргүнчүлөргө айтылган эрежелерди так сактоого чакырды.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

14
Белгилер:
коронавирус, эреже, штаб, авиакаттам, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Июнда Кытайдан жол кура турган адистер менен куруучулар алып келинет
Кыргызстанда 5-июндан тарта аймак аралык транспорт каттай баштайт